الفصل الثاني
يا ندى قومي ياحبيبتي، بقالك اسبوع دلوقتي مش بتطلعي من الاوضه، علي الاقل قومي شوفي البنات بيسألو علي احمد
ندي :مش عايزه اسمع اسمه ياماما، طبعا زمانه مقضيها مع الزفته اللي اسمها نسرين
الام: انا مش قادره اصدق ان احمد يعمل كده
ندى :انتي لسه بتدافعي عنه ياماما بعد اللي عمله
طيب هو فين فكر يرفع سماعه التليفون علي بناته
الام: ايوه اتكلم انهارده علشان يطمن على البنات
ندى :ماما ممكن تسبيني شويه انا محتاجه اقعد مع نفسي لازم اعرف هعمل ايه الخطوه الجايه
انا هنزل ادور علي شغل لازم اعوض كل اللي فاتني كفايه لحد كده لازم اهتم بنفسي
الام:طيب والبنات ياندي اوعي تعندي علي حساب بناتك
ندى :مين اللي قال كده انا ههتم بنفسي وببناتي
هو اصلا ماكنش ليه وجود في حياتنا
ماما لو سمحتي سبيني دلوقتي
الام:حاضر يابنتي ربنا يهديكي
في الموقع
نسرين: احمد مالك سرحان ليه شكلك مهموم
احمد: لا مفيش حاجة ياندى
نسرين:ابتسمت بمكر
احمد: اسف يانسرين معلش مش مركز
نسرين: ولا يهمك
المهم طمني عليك، انا مش بحب اشوفك في الحاله دي
شاركني الحزن اللي في عنيك ده، لو كنت فعلا بتعتبرنا أصدقاء
احمد:انتي عارفه اني برتاح في الكلام معاكي
نسرين:طيب يالا قوم معايا، انا عزماك علي الغدا
احمد:لا مليش مزاج
نسرين: ههههه مينفعش تكون معايا وتقول مليش مزاج، قوم بقي
احمد: طيب يالا بس انا اللي عزمك
نسرين:هههه طيب ياسيدي، احسن وفرت
في المطعم
نسرين: الاكل هنا حلو اوي، انا اول مره اجي هنا
شكلك معروف هنا
احمد:ايوه ده مكاني المفضل انا وندي
نسرين:تجاهلت الكلام
بس بجد زوقك حلو المكان يجنن
احمد: ميرسي ليكي
نسرين:احكيلي مالك، شكلك كده بيقول ان في مشكله كبيره في البيت
احمد: فعلا ندى سابت البيت هي والبنات
نسرين:لو عايز تحكيلي الاسباب انا هسمعك
بس عايزه اقولك حاجه
الست العاقله اللي بتحب واللي معاها واحد زيك مينفعش تسيب بيتها مهما حصل، المفروض تقدر النعمه اللي معاها
صدقني هي اللي خسرانه، بس هي اكيد هتفكر وهتكتشف انها عملت غلطه كبيره اوي وهتكلمك علشان ترجع
احمد:بس انا مخنوق جدا بسبب اللي حصل، الفكره ان الخناقه المرادي كبرت وطلبت الطلاق وانا في عصبيتي طلقتها
نسرين: بمكر
بتهزر في واحده عاقله يبقي معاها واحد زيك وتنطق كلمه طلاق علي لسانها
احمد: بتوتر
للأسف الموضوع كبر وانا مش عارف اعمل ايه
نسرين:انت الفتره دي لازم تهدي خالص وتفصل من كل المشاكل، وتسيبها هي كمان تهدي شويه وبعد كده نفكر مع بعض ممكن تعمل ايه
احمد: تمام
نسرين:طيب يالا تعالى نتصور
احمد:بإبتسامه يالا
