نظر لها بنظرات تحمل بعض ذرات الأمل وهتف:
- هو ممكن فعلا نلاقي حل وارجع بني ادم تاني؟
رفعت أحد حاجبيها وقالت:
- بص موعدكش لأني مجربتش قبل كدا اتسخط بس مش هنخسر حاجة لو حاولنا، المثل بيقول حاول متيأسش الدراي فود يستاهل مش ميستاهلش
ضيق ما بين حاجبيه وقال بتعجب:
- أول مرة اسمع المثل ده
ابتسمت وقالت بتفاخر:
- طبعا أول مرة تسمعه لأنه مثل قططي، مال البني ادمين ومال الدراي فود بس، المهم متعرفش قطة ممكن تساعدنا؟
- على فكرة أنا اللي المفروض اسألك السؤال ده، أنتي اللي قطة مش أنا
😂😂
ميعادنا بكرا الساعة 7 إن شاء الله مع الفصل الرابع🔥
عبدالرحمن الرداد
