"ملاك الزين" ((مُكتملة))

part 30 (الاخير)

خرجوا مسرعين وركبو السيارات وذهبوا وراء بعض ومعهم الكثير من الحراس بالطبع و قوات المخابرات معهم
وصلو لمكان عامر استغربوا كثيرا ف هذه المنطقة مثل الكمبوند وبداخلها نادى كبير جدا وبالتأكيد به الكثير من الناس
عميل: فهد كل الفلل دىنش عمرانه هما كام فلة بس قدام النادى جوا ولحسن الحظ انو واخد فله ف اخر الكمبوند ومفيش فلل عمرانه حواليه
مازن:كويس يلا بينا اتبعوا التعليمات
عمل:حاضر يا فندم
بدأو بتسحبون ببطئ شديد
مازن:فين الطيارة إللى هتبينلنا كام شخص جوا ما تنجزوا
عميل:حالا يا فندم
عميل:فى 4 قدام و 4 ورا و 3 من الجنب و على السطح 2
مراد بصدمه:يخربيتو
زين:فين القناصين
قناص 1:ايوة يا فندم
زين يلا تمركزوا وادونى قناصه
ادم:بس يا زين..
زين:متقلقش عليا
مازن:يبقى زين هيأمنلنا الطريق مع القناصين لحد ما ندخل وبعدها يجى ورانا...يلا فرقة واحد من هنا واتنين من هنا ومعايا تلاته وآدم ومراد يلا بسرعه
بدأ زين والقناصين بضرب إللى على السطح واللى بالجوانب وف الأمام والخلف بمعنى أصح قتلو كل من بالخارج وذهب زين ورائهم وترك القناصين يراقبون الوضح بالخارج وأخرج سلاحه وركب به كاتم الصوت مثلهم
ودلفو للداخل وبدأو بضرب اى رجل امامهم بيدهم اولا حسابا لأى صوت يخرج من السلاح مهما كان كانو يتحدثون بعيونهم لا بلسانهم وصلو لغرفه متوقعين ان جدهم بقا وإبراهيم أيضا
مازن بهمس:دلوقتى زين هيدخل وهيتكلم معاه الاول واحنا هندخل بعدها اومأ له الجميع
خبط زين على الباب وأذن ابراهيم للطارق بهدوء
دلف زين تحت صدمه ابراهيم
ابراهيم بصدمه وهو يخرج سلاحه:انت جيت هنا ازاى
ابتسم زين بثقة وهو يجلس على الكرسى بجانبه ثم التوى فمه بتأثر:تؤتؤ امال ازاى ملك وبتاع ده انت مصدوم ازاى عرفنا نجيبك فى بلدنا يا راجل عييبب عيب عليك كدا انا قولت اختصر الوقت واجيبلك الفلاشة واخد جدى ونفضل حبايب اى رأيك
ابراهيم بهدوء وهو يجلس:اى الثقة إللى بتتكلم بيها دى
زرن:ولا ثقة ولا حاجة انا بقول رأيي وانت براحتك اخبره وهو يضع قدم على أخرى
ابراهيم:كدا كدا احنا شغالين مع بعض
زين:اه بس ده قبل ما تاخد جدى احنا كان عندنا اتفاق انك تحدد معاد ونجيبلك طلب انت إللى اختليت بالاتفاق
ابراهيم:والمطلوب اى يعنى مش هتديني الفلاشة...اعتبروا نفسكم ميتين
زين:تؤتؤ مش وقتو تهديد انا قولتلك هسلمك فلاشتك
ابراهيم بثقة:جدع انك حطيت كاف الملكية بس انا عاوز اعرف جبت المعلومات إللى تدمر كل الوطن العربى ازاى محدش قدر يعملها قبلكم
زين بهدوء لقرب نجاح خطته:يعنى انت عاوز فى الفلاشة إللى ينهى عن الدول العربية
ابراهيم بشك:ودى هى مهمه الموت امال انت جايب اى غير إللى يخلينى ادمر الوطن العربى يا زين
زين بتصقيف عالى:وفرت عليا كتير اوى ادخلو يا شباب
دخل الجميع
زين:خد يا مازن التسجيل إللى فيه اعتراف الملك بنفسو انو عاوز ينهى على الوطن العربى بس ونبى ابقى شوف صوتى حلو ولا اى
مازن:امسكوه
ابراهيم بصدمه:انتو بتعملو اى انا هبلغ السفارة انا معايا الجنسية الإيطالية هوديكوا ف ستين داهية
مراد:ما احنا عاملين حساب كل ده عشان كدا سجلناها مكناش هنعرف نقبض عليك غير كدا وبعتنا نجيب حسين حبيبك من ايطاليا متقلقش بس طبعا اليخاندرو مش هنقبض عليه لانو ساعدنا كتير ده بعيدا عن انو مش عارف ان مازن شغال مع المخابرات
ادم:تشاو ي هيما
زين:جدى انت كويس
الجد:ايوة انتو كويسين...ده مريض مريض
وقفوا حلف جدهم واحتضنو بعض جميعا
مازن بتعب:اخيرا الحمد لله اديلنا كتير اوى عشان نوصل للمرحلة دى
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
ذهبوا للقصر ودلوفو وجدوا الجميع فى انتظارهم
ادهم:انتو كويسين عمالة ارن...بابا انت كويس
سارة:حمدلله على سلامتك يا بابا
سوزان:الف حمدلله على سلامتك
رشا ومروة:جدو حمدلله على سلامتك
علاء:بابا انت كويس صح تعالى اقعد
الجميع رحبو بالجد والشباب بلا استثناء عز وسيلا والفتيات الجميع رحبو بهم
ذهبت لين واحتضنت مازن بحب
مازن بحب وهو يستنشق رائحتها:قولتيلهم على المفاجأة
اومأت بالرفض بهدوء
مازن بسعادة:بمناسبة انتهاء العذاب وكل المُر إللى مرينا بيه السنين والفترة إللى فاتت دى عاوزة اقولكم مفاجأة سعيدة وحلوة اوى بالنسبالى لين هتجبلنا اول حفيد فى العيلة لين حامل
صاح الجميع بفرحه والفتيات ذهبوا لاحتضانها بحب وفرحه كبيرة والشباب وعز وادهم والجد وعلاء هنئوا مازن
سارة بدموع فرح:حبيبة قلبى انتى مبروك يروحى مبروك يا حبيبتى واحتضتنها بحب كبير
مال آدم على ليان وهو يغمز لها:عقبالك يا مزه
ضربت ليان على كفه بخجل وهى تنظر حولها وتدعى لا يكون أحد سمع ما قال
آدم بضحك:وفيها اى يعنى لو حد سمع ده انتى مراتى يا هبلة هو انا شاقطك
ليان بتشنج:شاقطك..طب اسكت بقا اسكت
ضحك عليها وهو يأخذها بحضنه أكثر ويقبل جبينها بحب
آسيا بقلق:حصلك حاجة...انت كويس
قبل مراد جبينها بحب:متقلقيش والله كويس ولا خدش
احتضنته آسيا براحه:الحمد لله انك رجعتلى كويس وبخير ربنا يخليك ليا يا حبيبى
مراد بعشق:ويخليكى ليا يروح قلبى

وعلى الجانب الآخر
ملاك بخبث:طب اى اقول لرامي اى
مروة بخجل:معرفش يا ملاك هو جنتل وقمور وكيوت كدا و
ملاك بضحك:كل ده ومش عارفة ده هو من ساعه ما رقص معاكى ساعه الديفليه وهو طاير
ضحكت مروة:بجد
ملاك:اه والله ولما عرف انك روحتى فرح لين مع ادوارد خرب الدنيا
ضحكت مروة بكل صوتها:هو عبيط ده حتى ادوارد مسيحي
ملاك بعبث:ما بصراحه انا قولتلو ان ادوارد عاكسك وبتاع
مروة بعدم تصديق:مش مصدقاكى بجد
ملاك بضحك:والله يلا بقا هسيبك تفكرى وهقوم اشوف زين
وجدته يصعد للغرفة استشفت انه بالتأكيد سيغير ملابسه
دلفت خلفه وهى تنظر له براحة شديدة لعودته لها سالم
ملاك وهى تقترب تفتح ازراره كما اغلقتها تحت نظراته الصامته:كده خلاص يا زين كل الخطر راح هنعيش براحتنا ومن غير كل القلق ده صح
اومأ لها بصمت
نظرت له بأستفهام لعدم تحدثه
ملاك وهى تلمس وجنته بيديها:مالك يا زينى فى اي...
قاطع حديثها وهو يقبلها يقبلها بأشتياق وحب وكأنها ابتعدت لسنين حاوطت عنقه وبادلته قبلته بحب ابتعد بعد فتره مجبرا لاخذ انفاسهم ومال على عنقها يستنشق رائحتها المحببة لقلبه واخذ يقبل عنقها بتروٍ شديد:خلص خلاص كل حاجة خلصت كل حاجة ممكن تبعدنى عنك ولو ثوانى ي عمرى انتى
ابتسمت له بحب فأكمل:(("انا وقعت جريح على حد سيوف عينيك وملقتش إللى ينقذنى"))
أحاطت ملاك وجهه بكفيها ثم همست بنبرة متيمه:(("بحبك ولو الحب كلمه قليلة فأنا بقيت معتبراك روحى وكل حياتى"))
كان فؤاده يقرع بعنف بين جنبات صدره يشعر به يريد أن يخرج ليحتضن خاصتها ارتفع برأسه قليلا يقبل جبينها وبعدها همس بصوتٍ عاشق:(("ان كان الفؤاد يُرى لرأيت فى فؤادى عالما بأكمله لكِ وان كانت الروح تتبادل لاستقرت روحى بداخلك وتشبثت قاسمه على عدم الرحيل"))
🦋🦋🦋🦋🦋🦋🦋🦋🦋🦋🦋🦋🦋🦋🦋🦋 ( تمت بحمد الله )
(ملاك الزين)

#بقلم/فاطمة_حبيبة