الفِرار

part 22

الكاتبة:- حق..

صرخت بكل قوتي هيه صرخة وهيه وگعة..
اجاني ملهوف يركض..:- شبيچ

احس صوتي راح اريد احچي ماكدر ، نزل لمستواي يباوع بوجهي طببت راسي بحضنه وأأشر بإيدي..

عگربة سودة چبيرة ، تموت خوف چانت جاية بطريقي..!!
عبرت من گدامي مابينها وبيني متر وگعت من طولي من الخوف اني منا عندي فوبيا من شي اسمه عگربة وحية ، حطني گبال اسد ولا ذني الثنين..!!

حضني الصدرة..:- اش ماكو شي هيه عگربة گومي

سحبني ماگدر اگوم رجلية ترجف ، منضرها من مرت من يمي وهي رافعة ذيلها على رأسها وتمشي سريع لونها اسود فحم مايروح من بالي دمرني..

دموعي ينزلن وماگدر احچي اي شي بس ارجف واباوع للمكان المرت منه.؛
من شافني كلش منهارة شالني بين ايده وراح للصالة ، شوي واجاني يتفحصني بعيونه..:- شبيچ تأذيتي

زينة:- وين راحت

مهند:- كتلتها لتخافين

هو اني سمعت هيچ لو احس روحي راحت ، چان گاعد گبالي طفرت من يمه وگعت من التخم على أيدي بس ماهتميت للوجع فكرة انو هو كمش عگربة مترگزة بمخي ماگدر اتقبل الموضوع ابد..!!

مهند:- هاي شبيچ اسم الله

اجه يريد يگومني زحفت مبتعدة عنه وأصيح..:- وخررر لتكمشنيييي

ضل صافن يباوعلي مصدوم..

حيل تأذيت احس فقدت اعصابي ، منظرها ميروح من دماغي صارت عيوني تفتر بالبيت..:- راح تجينيه خلي نطلع من البيت راح تجي حباب

اجه سحبني لحضنه..:- ماكو شي شبيچ هيچ خايفة هيه عگربة وكتلتها بعد عليش هالخوف ياروحي ، تخافين واني يمچ.؟

زينة:- ماكتلتها والله ماكتلتها هسه تطلع عايشة اني اعرفها

مهند:- والله مردتها مرد بالطابوگه لاتخافين

صار يتصورلي طاگ بطنها وطلعن جهالها عگارب صغار وانتشرت بالبيت..:- لا لا مهند عليك الله لا راح يجون مهندد

مچلبة بصدرة ودموعي گامت تجري ، هو اني خايفة وعقلي والأشياء الرسملي ياها خوفتني أكثر..!

مهند:- ماكو شي شبيچ منو يجون

ادحس روحي بصدرة مچلبة بي..:- مهند جاهلها راح يجون حباااب خلي نطلع بسرعة والله اخاف منها حباب مهند فدوووة اروحلك

حضني وشالني ، واني مچلبة برگبته ارجف..

طببني لغرفته..:- اشش ماكو شي

حطني على الچرباية راد يغطيني گمزت..:- لا لا موجودين بالفرشه اني اعرفهم بعد ماتروح خلي نطلع من البيت حباب مهند عليك الله والله اخاف ماتحمل

هو يباوعلي مصدوم اول مره يشوفني خايفة هيچ
واني اصلا ماخاف من شي بس العگرب والحيايه..
اشوف نار جهنم كبالي ولا اشوفهن..!!