الثمن
انين الرووح
باسل كون حذر منه ارجوك ودير بالك ع وسام
سارا وسام بعيوني لتوصين حريص
يلا كومي نامي اشويه
📞..📞
تلفونك يدك
هذا هو
جاوبه
الوووو
اسمع اولا متبلغ احد بالمكان وثانيا اجيب الفلوس كامله مكمله كلها مابيها نقص الف دينار فاهم وثالثا تجي وحدك
واياني وياك تلعب ع حالك وتبلغ الشرطه
لان الطفل متشوفه بعد
تمام اجي وحدي
الووووو ..الووووو
شكو باسل شكلك
راح اروحله هسه
كرم ..هسه بهذا الحر والساعه وحده الظهر صدك هذا بدون عقل
راح اجي وياك
لا محد يجي يريدني وحدي او يأذي وسام
سارا ..لا لا روح وحدك وجيبلي ابني اارجاك
سارا لتخافين وسام راح يرجع ثقي بيه
يلا اني طالع
سارا ..كون حذر اترجاك ..في امان الله
لينا ..لتخافي حبيبتي سارا باسل راح يجيب وسمي ويجي لاتبحين
ناديه ..اني حفوت اسوي اكل وحلويات من الي يحبهم وسمي حتى من يجي ياكلهم حبيبي تلكي جوعان
لينا ..اي خاله عاشت يدج مقدما
تسلمين حبيبتي
يلا وسام خلي انفوت جوه الشمس مو زينه ع راسك ...يلا ماما سارا لينا
اي خاله راح ندخل وراكم
سارا ..ما اريد افوت
لينا ..حبيبتي ميصير السمش قويه تروح اتصيبج وتتخربطين
لازم وسام من يرجع يلكاج قويه مو مريضه وتعبانه
يلا حبي خلي انفوت بعد منعرف اشوكت يرجع باسل يمكن يتأخر بالرجعه
تعالي حبي تعالي
لينا احس كلبي عاصرني
لا تتفائلين بالشر اذكري الله
ونعم بالله
عفيه عليج
..............
معتصم ..باسل بشحمه ولحمه واكف اكبالي ويتفده روحه شكد لعد اتحب سارا
لتحجي حجي زايد وين الطفل
موجود وين الفلوس
هاك
عوف الطفل
عمو باسل عموووووو
كتلك اترك الطفل
راح اتركه لكن عندي الك هديه بسيطه
ماريد هديه منك اكفيني شرك ولشوفني خلقتك بعد لان هالمره سامحتك مره الثانيه ما ارحمك ثق بالله
😏😏ههه هاي اذا شفتك مره ثانيه بعد هاي الهديه 🔫
لاااااااااا عمو باسل لتموت
ليش طلعت الدم مالته ياحقير
عمو باسل فتح اعيونك
لتتتخااااف حبيبي اني زين
عمو قميصك كله دم
مييييخااالف حبيبي راح نرجع الماما بس ساعدني اكوم
اي تعال عمو انطيني يدك
اااااخ ياربي ساعدني اوصل الطفل الامه
وسام
هااا عمو
اكو قطعه اقماش بالصندوك جيبها حتى اكطع الدم
هاك عمو
تعال حبيبي ساعدني بالشده ضبها ويايه
ااااااخ
هااا عمو توجعك
لا حبيبي يلا خلي نروح
الحقير بعد ما انطيته الفلوس وترك وسام يجي العندي اطلق النار عليه وجتي فوك من كتفي احس روحي في لحظه غابت لكن اراده الله جبيره خلتني اصحه حتى ارجع وسام الامه
لفيت فوك الجرح حتى اكطع الدم
وحركت السياره لكن الالم بده يزيد وبديت احس في غواش بعيني
سارا ....اتأخروا هواي صارت الساعه 3 ومراجعين
لينا ...الله اعلم وين وبيا مكان كله يلتفون اكيد خارج بغداد تلكي كله
اكرم ..دا اتصل بس مدا احصله يمكن المكان مابي شبكه لان يفصل الاتصال
ياربي رجعهم سالمين يارب
.............
معتصم ...هاي جبت الفلوس
الباشا ...يافلوس لك حقير ..لك اتريد اتلبسني جريمه قتل
لك اني الكبرتك وعليت راسك وفتحتلك مكتب تحلم بي
وبالاخير تطعني
لا باشا اني كلشي سويته علمودك هاك شوف هذا ملف المناقصه وهاي الفلوس
انجب حقير جاي تضحك عليه
عبالك ما ادري بيك اتريد تطلع بوجهك لربيل ومناك تسافر التركيا جبان
لا مستحيل باشا
انت خنتني لك اني طلعتك من الزباله يا ازباله
معتصم انت حرام اتغيش لحظه وحده بعد
باشا اني جبتلك الفلوس
لك جبان اني ممحتاج لفلوسك اني كل همي المناقصه ترسوا الي حتى اشزفه الباسل منو الباشا ياجبان
اخذوه
لا لا باشا ارجوك اهداء نزل المسدس باشا... باشا
...............
وصلت البيت سارا واني بقمه الشعور بالغثيان
يلا تعال وسام
نزلته وشفت الباب انفتح وبعد محسيت بشي افتحت عيني بالمستشفى
.......
كرم ..دكتور شلون وضعه
