بين الحلم والقدر
للكاتبة أنو أنو
مَشة برَوحي
حَزن تَايه
ولا يَندل
طريقة مَنين 💔
ثاني يوم من الفجر التحقت وطول الايام الي اني بيها بالدوام اتصل بيهم واحجي وياهم
سابع يوم اتصلت على مريم حجيت وياها جانت مو على بعضها
غياث : اشبيج مريم منو وياج
مريم : محد وياي
غياث: لعد اشبيج احسج ضايجه
مريم: أي والله ضايجه صار يومين كل ما أروح لدجاجاتي الكه وحدة ميته بيهم ليش ما ادري
غياث: وعلى هاي ضايجة فدوة الج اجيبلج بمكانهم درزن ولا تضوجين
مريم: انقهر لأن مداريتهن اني ليش هيج صار كل يوم الكه وحدة ميته
غياث : خاف مريضات بيهن شي لتخلين الجهال يوصلون يمهن كلشي يصير وانتي هم ابتعدي عنهن كولي لابوية يجيبلهن علاج ذبي بالمي ماشي گلبي لتخلين بالي يمج يله نامي وارتاحي ليظل بالج ماكو شي ان شاء الله
مريم: أن شاء الله
غياث : يلة گلبي تصبحين على خير
مريم : وأنت من أهل الخير
_ ردت اسدة كالت
مريم: غياث لحظة ارد اكلك شي
غياث: كولي يا روحي
مريم: اني احبك هوااااي.
حجتها بخجل اتخيلت خدودها ووجها من اتغزل بيها وهيه تخجل يصيرن حمر
غياث : يا يابه واني أموت عليج مريومتي
سمعتها ضحكت
مريم: يله مع السلامة وسدته
_ااااخ شكد حنينه وروحها حلوة زرعت محبتها بكلبي غصبن ما علية صارت هيه كل حياتي
واخيرا بعد مرور سنين زواج أول مرة اتكلي احبك فرحت بيها حيل بس ما دريت هاي الاولى والاخيرة
بليلتها نمت بس فزيت الفجر مرعوب من النوم ومختنك كوة اتنفس بس ما أتذكر شنو شفت بس جان حلم يخوف طريق اظلم ناس هوسة وجهالي يضحكون بصوت عالي
أريد أتذكر شنو ما ادري احس صور تمر كدام عيني اتعوذت من الشيطان وكمت اتوضيت جان صاير وقت الصلاة صليت ورجعت اتمددت بس عيني ما أخذت نوم
جان بعد مو وكت دوامي ظل بالي يم اهلي كلت خل اتصير بالسبعة اخابر امي تكعد من وكت ظليت قلق وكلبي معصور الا ان خابرت امي حجيت وياها وكالت ماكو شي كلنه بخير اتطمنت
وراها بدلت ورحت للدوام دخلت للمكتب وشغل وهوسة هذا رايح ذاك جاي للوحدة ونص دك علية جراح بس مو على بعضه بعد ما سلم كال
جراح: تكدر تجي اليوم
غياث: خير خوما اكو شي
جراح: لا سلامتك بس الوالد شوية تعبان اتخربط وودينا للمستشفى وسال عليك
غياث : شبي ابوية والله كلبي عاصرني من الصبح هسه ادبر وضعي واجيكم
بس سديته رحت للمسؤول علينه وشرحتلة الوضع كال روح خطية ما كال شي نزلت ركض حتى ما بدلت ملابسي بوجهي لبيتنه صار الطريق شطولة قبل لا أوصل خابرت جراح انتوا وين كال بالمستشفى
راسا رحت عليهم خابرته انتوا وين بالضبط كال بالانعاش يا ستار اخترعت ظل بالي رحت اركض
طبيت شو ابوية كاعد على الكرسي وبيدة سبحة يسبح امي كاعدة على جهة جراح واكف عمي رحمن كاعد وبيدة كانونه وتعبان اخوان مريم كلها واكفة شنو السالفة كلبي رجف ساعتها ورجلية كامت متعيني أريد أمشي ما بيه صحت
غياث : ياااابة
التفتوا علية اجة جراح يركض وامي وراه
غياث: شكو جراح منو الجوة
جراح : تعال ياخوي هدي ماكو شي ان شاء الله
أجه ابوية
سلطان: كول يالله ابني
غياث: منو جوة مريم لو واحد من جهالي
عمي رحمن صاح وبچه
رحمن: بوووووية مريم بيه ولا بيج
_ انصدمت وصفنت بجراح بس شنو على يا ساعة كلبي يوكف
غياث : شبيها مريم احجي يمة شبيها البارحه جنت احجي وياها يمه مو خابرتج الصبح كلتي كلشي ماكو
فقدت كمت اصيح احجي بلة وعي امي بچت
سلطان: تعال بوية ان شاء الله تطلع سلامات
غياث : بس فهموني شبيها
جراح : لادغتها حية
غياث: شنووووو
افترت بية الدنيا لزمني جراح كعدني أريد استوعب حية شنو منيلنه حية
غياث : منين اجتي جراح وين اكو حية شلون وصلتلها
رحمة : يمة الصبح راحت اتذبلهن آكل واخذت وياها دبة مي شوية وسمعنه عيطة رحنه نركض لكيناها كاعدة ولازمه رجلها كالت حية هنا جانت وعظتني من رجلي
ساعدناها اني والبنات طببناها جوة ودزينه صهيب لابوك وعمامك بس لبين ما اجوي حالها انكلب وكامت تفقد الوعي بس طبوا جبناها للمستشفى
صافن واسمع بس الخنكة واكفة بزردومي
غياث : وشكالوا الحية سامة مو
جراح : أي سامة والسم ماشي بجسمها
رجعت راسي عالحايط ونزلت دمعتي شعور مينوصف خوف وقلق
