Loving Her Wrong (18+)

01

Imagine mi just a reach inna the house, ready fi tek off mhi school uniform, finally free from the likkle hell hole since today was my last day, meaning I had just done my final exam. A did mi first year a 6th form and mhi nah plan fi guh back, Mannings High nah see mi back inuh, swear to christ.

Mr. Steve Gordon nah see mi back, him alright dan me. 

Thinking mi finally have likkle peace to mi self a somebody that a beat dun mi madda grill and a call out mi name like seh mi kill dem dog and dem a look fi mi. Mi cah badda wid the one bagga talking enuh worse like how mi not even know a who the fuck a call mi. Kmft!

Tell mi why when mi guh look, a grabba dat aka Jordan, one a d wanna be badman dem from the community. Mek mi rephrase miself, a one a d don followers weh eva si mi and a look mi like seh him cah blind or mi a look fi man. 

"Weh the fuck yuh wah Jordon? Mi nav time fi you and whatever the fuck yuh come yah wid enuh" I angrily sprout out, annoyed that he broke the peace I was longing for since mi come from school. 

"Likkle miss screw up face anuh me want yuh, a d don a call fi yuh. Seh yuh can gwan yuh si, yuh love gwan like yuh shit can mek patty, miss 5hype" I screw up my face, looking at him up and down.

"Him seh link him up a miss Marie Shop, and nuh badda mek him wait cause yuh nah guh like it" Look pan dem to nuh, mussi think seh mi fraid a man weh affi a run from police wen dem hear e siren. 

"Weh him a call mi fah? Mi kinda busy inuh, mi nah guh nuh weh anytime soon suh him affi guh come huff and puff him way up yah suh enuh" I hissed my teeth, going back into the house and slammed d door because mi doh know why all of a sudden the don wah know bout mi. Afta mi nuh chat to people. 

"Mi nah talk again, d man seh come willingly or him come fi yuh by force" He shouted after me, but him mussi did deff cause mi just seh him come up yah suh to mi, afta mi nuh monkey says monkey do. 

I hiss my teeth once again and began to take of my uniform. After I got it off I went into the kitchen and put two popcorn in the microwave suh mi can guh watch likkle show until mommy come from work. 

Mommy a registered nurse and because a that it unpredictable fi know what time she a come home.

Wouldn't mind she come now and mi tell r wah just tek place because him stink and nah nuh rassclat mannaz bout don seh this and dat.

"Natty" Speak a the devil and she appears, worse part is she stand up deh wid some grocery bags, a struggle fi guh inah the kitchen and mi siddun deh pan mhi big batty.

"Neva a lie, batty fat up like Elon Musk bank account" I laughed at my subconscious. As a wicked gyal mi nah help r enuh, she alright. 

"Mommy?" Before mi help r inuh, mi and r a have stare off before she finally open r mouth again.

"Come go up a Marie Shop and go buy a pack a salt, mi figet fi buy it" Look pan the calamity weh she a put pan mi now though Lord, nuh me just seh mi nah go up deh and mommy come wid r foolishness. 

Kmft. Nuh likkle peace mi cah get. 

"Mommy mi nuh wah go up deso enuh cause d don send one a him send out boy dem to mi enuh, a talk bout mi fi come up deh willingly or him ago come dung yah fimi by force" I told her truthfully, a one thing mi nuh hide things from mi madda. 

"Weh yuh jus seh to mi?!" She extra bad enuh, jus rass extra, she nearly buss mi ease drum. 

"No to bloodclat, a my fucking pickney the boy wah mix up inna him fuckery, hello meck e salt stay, go pack a bag. Yah go right a Kingston go stay wid yuh aunty. Him bright nuh fuck" She argued, dropping the grocery and pacing around in the living room.