خرجات لابسة من الحمااام.... ضروري اﻹحتياااط وااجب... لقاااتو متكي وعريان من الفوق... شافت فيه وقلبااات وجهها جااات خااارجة.... وقفها بصوتو وهو باقي كااايشوف فالبيسي: تخرجي نهرسك.... بقات واقفة شوية عاااطياه بالضهر.... هذا هو الوقت باااش تبدا فالحرب معاااه.... غمضات عينيها وعاااود حلاتهوم وضااارت كاااتشوف فيه مخنزرة: ونتا مااالك...؟؟ شفتك بااااغي تحكمني... خرجي دخلي جلسي نعسي.... زدتي فيه أبناادم أنا باااغية نخرج ونمشي لبيتي عندك شي مااانع...؟؟
كان كاايخدم فالبيسي ماهزش عينو فيها... ابتاااسم ببرووود: عااارف عاارف... علاش كاااتعاوديلي قصة أنا البطل فيها...؟؟ ولكن والله ماتخرجييه..
برودو عصبها كأنها ماحققات والو من مورادها وللي هو تعصبو وتخلليه ينوض يتصرف بشي طريقة مامزياناش وبديك النقطة تحاااول تلغي العلاقة وهااهي نقداات حياتو.... هذو هما أفكارها هي... وماعارفة واالووو حلااات الباااب يالله غاتخرج: راااه دويت أتحفة... نقسم بربي حتى نهرسك وتفوتي الباااب.... زدحاتو حتى تحرك فبلاصتو: هرسيه نتي كاااع وهني راااسك.... خنزرااات فيه وهو داااير نصف ابتسامة وزااادت لحدا لمراية كاتضرب برجليها.... وكاتدوي بصوووت مرتااافع كيف كااادير كل مرة مللي تكووون معصبة: هاا.... وهاد البرود منيين جاااه...؟؟ نهااار نخااافو يتعصب كايديرها ودااابا مللي محتاجة لعصبيتو السيد برد... ياربي آش هاد الزهر...؟؟ شكييت فيييه غي قاااتل شي واااحد هذا علاااش مبرد.... صدمها وخلعها مللي نطق وهو كااايضحك: عاااد ناااوي أحبيبة... والله هذي شحااال مادرتها.... خرجات عينيها ودارت يديها على فمها: سدي فمك وسمعي للهدرة إلى مابغيتيش تكوني نتي أول ضحية....
حناات راااسها لﻷرض وهزاات السيشوااار كاتنشف شعرها معصبة ومخلوووعة... وهو كااايشوف فيها من لمراية وكايضحك...
مدة وهي جااالسة فوق الفوتوي هازة التيلي كاتخربق فيه وتشوف فيه بنص عين كاااتقلب على شي حل باااش توصل لداك الشي للي بغا الحقير دفااادي... عااارف أفكارها وشنو كايضور فراسها... لكن تصرفاتو ونضراتو كايبينو عكس هاااد الشي.... جبدات قصة من الفايس كاااتقرا فيها.... هزات راااسها تلقائيا كاااتشوووف فيه... لقاااتو حاااط صبعو حدا فمو شاد فذقنو كااايشوف فيها... وثرها ونزلات عينيها دغيا... ابتاسم وناااض لبس تيشورط قداامها وخرج من البيت... خلاااها فحيرة... ماعرفاااتش شنو كايدير...؟؟
فالطبلة ديال لغدا نااازلة كاتمختر... بقاات غير هي وياااه فالداار حتى من مريم مشااات مع وليديها للعمرة.... هذي بالنسبة ليها فرصة باااش تعصبو شوية.... جلسات مقابلة معاااه وهو عين فيها وعين فالطابلة... جااات لخدااامة حطاات لغدا وانصارفااات.... شافت فيه وهزااات الفورشيط بطريقة ثقيلة كاااتلعب فالطبسييل.... عااارف شنو ناااوية دير...؟؟ حتى هو ماااكلتو ثقيلة.... هز كاااس ديااال العصيير... وتكا مربع يدو حاااضيها وكااايشرب.... شااافتو كااايشووف فيها.... توترااات... لكن هذا ماشي وقتوو.... ماحطاااتش ولو لقمة ففمها شااافت فيه بنص عين كاتعوج شفااايفها: شبعت.... مسحااات يديها بالسربيتة وناااضت دااايزة من حداه نااوية تخرج للجردة... ماعرفااات لا كيفاااش ولا علاااش حتى لقاات راااسها فووق حضنو.... عرضلها رجلووو حتى طاااحت فوووقو... كان دااارس خطواااتو بهاااد الشي للي داار... يالله حلات فمها باااش تغوت حتى سكتها بواااحد التخنزيرة.... جبد الطبسيل كااايوكلها بزز.... كملاتو بلا خاااطرها عاااد رخفها.... ناااضت مفقوصة كااتنفض وتقااد فحوااايجها.... خرجااات للحديقة طااالعلها الدم.... كااتمشى وتفكر... لحد الساااعة حتى حاااجة ماااصدقاااتلها.... شنو ديير...؟؟؟ بانلها الجارديني خداام... كان شخص كبير فالسن... ابتاااسمااات بتلقااائية... من صغرها كايعجبوها النبااتات.... وهما من الوسائل للي كايهدنوها مللي تكون مضطااربة ومقلقة بحااال دااابا.... توجهات لعندو أو وقفااات حداااه مركزة مع خدمتو.... ردلها البااال وضااار لعندها مبتاااسم: لالا ياااك لباااس...؟؟
YOU ARE READING
انت ملكي
Poetryمشي انا لكتبة غير قريتها او عجباتني او بغيت نشركها معاكم لي انقول ليكم لقصة كين فيها جزء اول او جزء تاني غير يكمل جزء اول نحط تاني، غدي نولي نحط 5 أجزاء في نهاار، قرأة ممتعة😘
