علقولي وسوو تصويت حته يصعد البارت
خلعت ثوب اصطبار كان يسترني....
وبان كذب ادعائي انني جلد...
هيا:-دفر الباب وطب للغرفه عمر يصيح وينتر..
عمر:- ماريدج شورطني واخذتج ثوليت واخذتج كله بسبب جدج لوما جدج ما اخذج كله بسببه هو وأبوي..
هيا:-اني هم شورطني واخذتك نجبرت عليك والله (احجي بكلبي) ظليت ساكته كلشي محجيت ويا هو نقهر ولبس ملابسه وطلع اني ابد ماسأله وين طالع لان ماحسيته قريب مني ولاخلاني احس انو هو زوجي وسندي لاجان دائما يصدني ويبعدني عنه وهسه احس كلشي نتهه بيناتنه ولا الي حق اسأله بعد ماحسيت نفسي مره متزوجه حالي حال البنات...بقيت كاعده بالغرفه ابجي و استحي اطلع بعد الي صار وماعرف شسوي محتاره شويه اجت خيريه..
خيريه:- شبيج هيا عليمن تبجين ترا متسوه تبجين لليل ويرجع..
هيا:- لا عادي يمعوده تصير بين المتزوجين..طبعا خيريه خبيثه وأبد متحبني وتريدني احجي تريد تعرف شكو وشصاير بيناتنه حته تكعد تشمت بيه كلش تغار مني لان أحله منه ..هيه شكله زين بس هيه تغار طويله وضعيفه حيل وخشمه جبير واعوج وعيونه زغار حلكه جبير بس لابأس بشكله مقبول بس هيه بيه عقده نفسيه لان خلدون هم يخونه ودائما يحجي عليه ويكله مو حلوه وضعيفه ويتعارك وياهه..كعدت شويه يمي وخلت وطلعت اجت وراهه عمتي..
فهيمه:- ها يمه لتضوجين ولتديرين بال..
هيا:- ليش يمه هيج يسوي بيه والله طكت روحي ومليت ...
فهيمه:- معليج بي يمه خل يولي ..
هيا:- شلون يمه شلون معليه بي اني مو مثل النسوان فديوم طلعني اشترالي سألني شمحتاجه مامحتاجه فد يوم جاب حفاظات لعلي او حليب كله عله اهلي شحتاج يجيبولي ويصرفون عليه اني وعلي يعني ابسط شي ذاك اليوم علي يومين بدون حليب راد يموت ركضت لهلي وكلت لسيف يجيبلي حليب ليش هيج يمه مو حرام هذا مو ابنه..
فهيمه:- لايمه لاتحجين هيج هذا دايح وسايب خل يولي..
هيا:- ليش عمه يعني علي لسه مسجل بأسم خيريه وخلدون لان عقد ماعندي ماسوالي اله من صار بالجيش لان يردون منه لوما مصلحته بي هم ميسويلي تقبلين انت بهيج..
فهيمه:- يمه شتسويله خلي اكعدي واسكتي معليج بي...
هيا:- سكتت محجيت شي وياهه بعد لان اعرف عمتي تريدني بس اخدمه..كعد علي يبجي جوعان اجيت اريد اسويله حليب لكيت القوطيه مالت الحليب فارغه اني ارضعه حليب صناعي لان من رجعت لعيالي نشف صدري ..الطفل كام يبجي حيل يربي شلون بيه اخذته وركضت لهلي طبيت لامي كتله علي جوعان وماعندي حليب دزت عله سيف راح جابله حليب واجه رضعته ونيمته وكعدت سولفت لامي كل الي صار..
سحر:- لا لا يمه معليج بي خلي شتردين منه..
هيا:- نفس حجاية عمتي ..ليش ماما معليه بي مو زوجي هو وكاعد يخوني ويخابر بنات ولاينطيني مصرف ابد..
سحر:- عوفي شتحتاجين اني انطيج بس تعاي إليه ومعليج بي..
هيا:- شلون ماما لعد اني المن متزوجه يعني فوكاهه اني وابني تصرفين علينه وهو شنو شغله بس يصرف عله البنات..
سحر:- مو هيج الحجي يمه اكعدي واسكتي..
هيا:- يعني المن متزوجني هو بس للخدمه يريدني اخدمهم وهاهيه..
سحر:- لايمه عيب عوفي شتردين منه خل يخابر وذا خابر عليج..
هيا:- اي ماما خلي يخابر ويخوني بس ليتعارك وياي وخلي ينطيني مصرف مو عيشه هاي..
سحر:- يمه كتلج اني انطيج مصرف منيله هو انت هم قدري وضعه مو تدرين عنده بنيان..
هيا:- ليش ماما مو هذا خلدون يشتغل عماله ومدلل مرته دلال يطلعها وينطيه مصرف ولايوم سمعه حجايه كدامنه أو فشله ليش بس اني مو هذا هم اخو..
سحر:-يمه هاي علويه وبت رسول الله ويخاف منه تشور بي..
هيا:- ها واني ما اشور مو فقيره ماشور كافي يمه خل اروح لغرفتي احسن..رجعت للبيت اجتني خيريه تركض..
خيريه:- هاي وين جنتي ..
هيا:- يم اهلي ليش خير اكو شي ..
خيريه:- لا ماكو شي شتسوين رحتي..
هيا:- رحت جبت حليب لعلي كتله الجوع بس يبجي...
خيريه:- هاي عبالي زعلانه خفت ..
هيا:- لا عليمن ازعل ليش اكو شي صاير..
خيريه:- لا ماكو شي..
هيا:- طلعت من الغرفه واني طلعت وراهن متدري بيه شفته راحت لعمتي..
فهيمه:- ها ولج خيريه وين رايحه هيا خما زعلانه..
خيريه:- لاعمه مازعلانه رايحه جايبه حليب لعلي وجايه..
فهيمه:- خو ما مسولفه لمه عله عمر ..
خيريه:- لا عمه ممسولفه..
فهيمه:- اي الحمدلله..
هيا:- اني سمعتهن نصدمت بيهن حسبي الله ونعم الوكيل عليكم كلكم يردون بي مصلحتهم رجعت لغرفتي اخذت علي سبحته ولبسته ملابسه وكعدت العب ويا فدوه حبيبي كبران وصاير دبدوب ويناغليي ويضحكلي ويلزم اصبعي ويلعب بي نقهرت كلش لان بهذا عمره يريد لعبه يلزمه ويلعب بيه كعدت ابجي اوف يربي منين اجيبله ماعاش طفولته مثل باقي الاطفال شلون مدللين وابوهم يحبهم..صارت الساعه ١٢الظهر اجن حمواتي من المدرسة غسلن وغيرن ملابسهن صبيتلهن غده كعدن تغدن ولعبن ويه علي شويه وراحن نامن لان تعبانات وامهن بل٤ تكعدهن يروحن يشتغلن بالبستان اني نظفت المطبخ وغسلت مواعين وطبيت لغرفتي للعصر اجه عمر تلكته امه بالباب..
فهيمه:- هاي يمه وين جنت..
عمر:- جنت دايح سايب عوفيني شتردين مني..
فهيمه:- ليش عايف ابنك بدون حليب راحت جابت من أهله واجت مو عيب شتكول علينه الوادم..
عمر:- خلي تجيب يطبه مرض خل تولي ماجيبله لو يطلع نبي..
فهيمه:- صدك يمه تحجي ولك خلي المره فايدتني اني ماكدر اتحرك مو تدري بيه مريضه عوفها تسويلي خبيزة ليش هيج تسوي يمه ليش...
عمر:- يمه عوفيني لخاطر الله..
هيا:- نقهرت كلش من سمعته يعني مو علمودي تريدني علمود اسويله خبيزه حسبي الله ونعم الوكيل بيهم عمت عيوني من البجي من وراهم الله ليوفقكم..دخل للغرفه غير ملابسه وشمر الي نزعهن بوجهي..
عمر:- هاج ذني اغسليهن ..
هيا:- أي هسه اغسلهن ..كمت غسلتهن ونشفتهن وشريتهن ورجعت للغرفه هو مدد على الجربايه ماحاجين ولاكلمه اني هم ماحاجيته خليت وطلعت من الغرفه رحت سويت عشه لليل صبيتلهم عشه وخيريه صبت عشه وحده هيه وخلدون عزلت نفسه حته متساعدني وتغسل مواعين وياي سكتت عنه محجيت وياهه معليه بيه صبيت ل عمر لان كلي اريد بالغرفه وحدي خليت الاكل بالصينيه وديته اله للغرفه خليت الصينيه كدامه..
عمر:- شنو هذا شو قليل الاكل ليش بس تمن ومرك ماكو شي ويا..
هيا:- ماعرف والله غير انتو تتسوكون واني اطبخ منين اجيب.. دفر الصينيه وكام..
عمر:- شيليه ماريد لا اكلبه عله راسج..
هيا:- شلت الصينيه من الغرفه رجعت الاكل بالكدور وكعدت ابجي ليش هيج حظي..ماتعشيت ويوميه ابقه بدون عشه وكاتلني الجوع وبس ابجي راح اموت صرت صفره وجسمي نحيل كلش وامشي وادوخ رديت للغرفه لكيته طالع تقريباً الساعه بل٩بالليل اني فرشت فراشي وسديت الباب وطفيت الضوه باوعت من الشباك لمحته صعد للسطح مالت جيرانهم راح لعلياء ختنكت ماعرف شسوي اروحله يضربني وذا رحت وكلت لامه متقبل ومتصدك اكول لامي تمنعني ومتقبل احجي هيج متريدني اتطلك قررت احجي لغزل ورغد لان همه اقرب الناس الي وصديقاتي وحجيلهم كلشي بلكت من احجيلهم ارتاح شويه رجعت لفراشي خليت راسي على المخده وحاولت انام مكدرت ولاغمضت عيني بقيت الوب هسه يجي وهسه يجي ماكو فتحت التلفزيون اريد اشوف الساعه بيش لان ماعندي ساعه بالغرفه باوعت للتلفزيون الساعه بل٤ الصبح فكيت عيني مصدومه بجيت لمن نهد حيلي ونعاس ميجيني ولاعمر اجه إذن طلعت توضيت وصليت ودعيت ربي وبجيت من كل كلبي ورجعت طفيت التلفزيون ومددت على فراشي ماحس نفتحت الباب طب عمر للغرفه اجه مدد على الجربايه ونام اني ظليت كاعده لمن طلع الصبح خليت وكمت عجنت ونظفت ختمر العجين خبزت رجعت سويت غده كعد عمر ب١٢ الظهر صبيتله غده تغده ورجع نام اني كملت شغلي وصليت وطبيت لغرفتي كلت خل انام شويه لان تعبت كلش توني غمضت عيوني حسيته يهمس بأذني..
عمر:- نايمه كاعده..
هيا:- فتحت عيني بعينه خازرني..
عمر:- كومي اريد انام وياج..
هيا:- درت وجهي محجيت شي ويا..
عمر:- كومي هييي مو احاجيج كومي ...
هيا:- وخر عني والك عين وجاي تريد تنام وياي شنو من بشر انت..
عمر:- ولج كومي مو احاجيج اني..
هيا:- جرني من شعري حيل حسيته تكطع بيده كمت أصيح اخخ عوفني...
عمر:- اششش اسكتي لتصحيين لج..
هيا:- الله لاينطيك أن شاء الله..
عمر:- ولاينطيج الله جابج الي ورطني بيج...
هيا:- ليش ليش اخذتني لعد اذا متريدني..
عمر:- نجبرت اخذج موبيدي...
هيا:- خوش طلكني...
عمر:- ماطلكج لو تموتين..كومي يله البسي الثوب الابيض مالت العرس كومي..
هيا:- مالبسه...
عمر:- تلبسينه وغصبا عليج تلبسينه اني زوجج واريد انام وياج تمنعيني...
هيا:- عندك غيري شتسوي بيه...
عمر:- الصمي حلكج لا اكوم اكسر سنونج بحلكج انت مو تصومين وتصلين شلون تمنعيني انام وياج مو حرام عليج..
هيا:- سكتت لان صح كلامه ماكدرت امنعه كمت سويت الي يريده ولبست الثوب الابيض واني ابجي اجيت تقربت يمه..
عمر:- تعالي نامي يمي..
هيا:- تقربت ونمت يمه بدون ما احجي اي كلمه..مد أيده خلاه عله خصري وحضني وتقرب يريد يبوسني اني درت وجهي عنه بسرعه..
عمر:- شبيج ولج نكس اني وتوخرين مني..
هيا:- بلعت ريكي واني ساكته ودموعي تنزل رجع تقربلي لعبت نفسي منه لان يدور حرام ويجي عليه أخذ الي يريده وكمل بتعد عني ودار وجهه ونام يعني بس ياخذ شغلته ويعوفني يعاملني ك خادمه مو زوجه..نزلت من الجربايه وكعدت بالكاع عله فراشي وبجيت بحركه احس كلبي نمرد وعيوني عمت من البجي بقيت لابسه الثوب خليت راسي على المخده حاولت انام مكدرت باوعت للساعه صارت ٤ العصر كمت لبست ثوبي وطلعت للحمام سبحت وغسلت ملابسي وشريتهن وبلشت شغل وتنظيف وياي حمواتي ساعدني بالشغل لان يحبني..كعد عمر من النوم سمعته يصيح رحتله ركض..
عمر:- حضريلي ملابسي باجر عندي التحاق..
هيا:- اي أن شاء الله...فرحت كلش راح اخلص منه اسبوع اريد ارتاح شويه تعبت كلش...
عمر:- راح اطلع اني اجي الكاج محضرتهن سمعتي..
هيا:- صار تدلل..راح بعد ساعتين رجع وبيده موبايل صرصر..
عمر:- هاج هذا الج من احتاجج اخابرج وراح يجون عمال هذا الأسبوع يشتغلون بالبيت ..
هيا:- تمام..صار الليل مدد على الجربايه ونام ومو بحالي سديت الباب وطفيت الضوه وجيت تقربت يمه ونمت رفعت ايدي خليته عله ظهره حضنته ونمت ابد ماتحرك ولاندار عليه ولاهتملي صار الصبح كعدت سويتله ريوك وكعدته تريك وأخذ غراضه وراح ثاني يوم من التحاقه اتصل عليه..
عمر:- ها شلونج..
هيا:- تمام الحمدلله انت شلونك..
عمر:- زين الحمدلله..اجونه عمال...
هيا:- اي اجو..
عمر:- شخلصو ماخلصو من البيت..
هيا:- وصلو للسقف..
عمر:- ها خوش..اكلج احنه سوولنه الدوام اسبوع بأسبوع يعني انزل اسبوع وارجع للدوام وعارف عكسي ينزل اني اداوم وهيج..
هيا:- اي هم خوش فكره..
عمر:- اي يله مع السلامه...
هيا:- يله الله وياك...سديت الموبايل ..اي همزين هيج صار دوامهم حته ميعوفون البيت ثنينهم لازم واحد يبقه بالبيت خلدون يطلع يشتغل عماله من الصبح للعصر وهم يرجع يريد يرتاح ومرات يطلع هو ومرته يزورون ويفترون من مكان لمكان..مرن يومين على التحاق عمر اتصل علي ميجاوب اله هو يتصل عليه وشوكت ميعجبه يتصل كاعده بالغرفه اجتني خيريه..
خيريه:- ها شنو جايبلج موبايل ههههه نوب صرصر..
هيا:- ضجت كلش من حجايته وهوب تضحك عليه نقهرت كلش وروحي شاطت...اكلج خيريه اني رايحه...
خيريه:- ها وين..
هيا:- لهلي يله باي..عفته ورحت ركض لبيت اهلي رحت لسيف..اكلك سيف اريد موبايل...
سيف:- شنو تريدينه نقد لو اقساط..
هيا:- اقساط..
سيف:- منين راح تجيبين القسط..
هيا:- معليك ادبره اكول لعمر واشوف شنو يكول..
سيف:- تمام اني اجيبه الج..
هيا:- خوش يله اني اروح رجعت لبيت عيالي لليل اجه سيف جايبلي الموبايل شلت السيم كارت خليته بي وخابرت عمر..الو شلونك عمر..
عمر:- هلو زين الحمدلله انت شلونج..
هيا:- زينه الحمدلله..اكلك أني شتريت موبايل...
عمر:- ها منو جابلج..
هيا:- سيف جابه اليوم..
عمر:- هههههه انت الفقيرة تستخدمين هيج موبايل راقي ههههه..
هيا:- اي ليش لعد شبيه حالي من حال البنات..
عمر:- منين راح تدفعين فلوسه..
هيا:- مادفعت شي لسه..
عمر:- يله ميخالف اني انطيج شكد بالشهر القسط مالته...
هيا:- ٥٠ الف..
عمر:- اي خوش يله مع السلامه..
هيا:- الله وياك..فرحت كلش كلت اليوم منين طالعه الشمس وكلي اني انطيج الحمدلله بلكت تغير ورجعلي .اجتني خيريه تركض..
خيريه:- ها شتريتي موبايل..
هيا:- اي شتريت عمر وصه سيف وتوه جابليا..
خيريه:- ها بيه الخير أن شاء الله..
هيا:- وجهج من أهل الخير..حسيته ضاجت كلش ومتوقعت اشتري موبايل..مرن كم يوم نزل عمر من الدوام كبل طب للغرفه وتمدد على الجربايه بدون لاسلام ولا كلام ولاسلم عله اهله..خير عمر شبيك..محجه شي تقربتله قربت وجهي لوجهه اريد اشوف شبي شميت بي ريحة تلعب النفس وغريبه معرفته شنو وخرت عنه مسويت شي لان نام وللصبح بقه عله نفس النومه كعد الصبح لازم راسه بين اديه..
عمر:- اخخخ راسي موتني من الالم..
هيا:- خيرك شبيك..
عمر:- مابيه شي شلونج انت...
هيا:- زينه الحمدلله انت شلونك..
عمر:- زين..
هيا:- اجت امه وخواته للغرفه سلمن علي وكعدن طبعا هنه ساكنات غرفتي ابد ميطلعن منه وخصوصاً عمتي حتلو عمر موجود متستحي منه تبقه كاعده بالغرفه ليل ونهار..
فهيمه:- يمه ليش ما اجيت سلمت عليه بالليل..
عمر:- تعبان يمه واجيت متأخر وكبل نمت مادري بروحي..
هيا:- ظلو كاعدين اني طلعت كملت شغلي ..لليل اجه ابن عمه أخذه وطلع ماسألته وين رايح لان يظل يصيح عليه وميحجيلي شي صارت الساعه ب١٢ بالليل وهو ماكو اني كلبي نعصر وظليت اوهوس هسه يجي وهسه يجي ماكو صارت ب٢ ماكو شكيت بي رايح لبنت جيرانهم علياء كعدت بجيت لمن فرفحت من البجي وره شويه ندك الباب كمت ركض فتحته بس فتحت الباب وكع عمر عليه تسودنت..يمه شبيك عمر اسم الله..يحجي بهدوء وصوته كلش ناصي..
عمر:- اششششش اسكتي نيميني بسرعه..
هيا:- اي تعال..نيمته عله الجربايه وشميت بي ريحة نفس الريحة الي بي من اجه من الدوام ..افف شنو هاي الريحه اول مره اشمه رحت ركض قفلت الباب واجيت يمه..عمر عمر اكعد شبيك أصيح خلدون ياخذك للمستشفى ميحجي ساكت..عمر شبيك يهمس عله كيف قربت اذني يمك حلكه اريد اسمع شيحجي.. شنو عمر شبيك..
عمر:- سكران سكرااان عوفيني..
هيا:- شهكت وفتحت عيوني على وسعهن مصدومه بجيت دكيت لطمت على وجهي اوف يربي حياتي جبته عذاب بعذاب..رجعت حجيت ويا عمر احجي منو انطاك تشرب ليش تشرب...
عمر:- اني جاي اسكر عوفيني عوفيني..
هيا:- عفته وكمت كعدت بفراشي وأبجي ظليت كاعده واتحسب شوكت يجي الصبح ويكعد واسأله صار الصبح هو بلش يصحه اني واكفه واباوعله فتح عيونه..عمر ليش هيج تسوي ليش تشرب..
عمر:- شنو شبيج ياشرب شتحجين انت..
هيا:- عمر ليش تشرب احجي بحركه وروحي رايحه من ورا..
عمر:- اششش اسكتي ليسمعج واحد انت شعليج اني حر وشنو اريد اسوي انت ماتدخلين..
هيا:- صدك تحجي عمر ..
عمر:- اي معليج بيه..
هيا:- اني راح اروح لهلي ما ابقه هنا..
عمر:- روحي راحت روحج أن شاء الله...
هيا:- كمت لميت غراضي ورحت سكته لبيت اهلي بدون ما احد يعرف دكيت الباب طلعتلي امي ...
سحر:- خير يمه شبيج ...
هيا:- يمه بعد ماتحمل دخيلك ماتحمل بعد ماريده...
سحر:- يا ليش ماتردينه شكو شبي...
هيا:- يمه عمر يشرب..
سحر:- ياا تحجين صدك شمدريج يشرب منو كلج..
هيا:- يمه هو كلي....
سحر:- يجذب عليج انت صدكتي...
هيا:- لا يمه مو جذب وحجيتله كلشي صار...
سحر:- كومي يمه ارجعي لبيتج ورجلج وسكتي لتخلين النسوان تضحك عليج وتشمت بيج ...
هيا:- لا يمه ما اسكت لازم اكول لابوي واخوتي ماسكت ..
سحر:- يا يمه لاتحجين يقتلونه والله...
هيا:- خلي يقتلونه..
سحر:- يمه تسودنتي اذا كتلو يطبون للسجن لو يقتلونهم..
هيا:- خفت عله اخوتي خاف يقتلونهم شلت غراضي ورجعت لبيت عيالي طبيت الغرفه شايله غراضي شافني عمر..
عمر:- ها شو رجعتي طردوج اهلج مايردونج..
هيا:- لا ماطردوني بس سيف وأمجد يقتلونك وخفت عليهم لاتنكسون بدمك ورجعت..
عمر:- لج حقيره شنو اني نكس ويتنكسون بيه اني اعلمج اليوم..
هيا:- ضربني موتني وخله وطلع برا ..مرت ايام عله العركه يوميه يجيني سكران واني بس الوب وأبجي يوم من الأيام تخربطت كلش صخنت ولزمتني الدوخه ولعبان نفس شكيت بنفسي حامل رجت جبت اختبار منزلي وحللت وفعلاً طلعت حامل نهاريت كلش وبجيت لمن مليت ياربي علي بعده صغير وعمر مو خوش انسان شلون بيه اجت خيريه..
خيريه:- ها ولج شبيج تبجين خيرج..
هيا:- حللت وطلعت حامل..
خيريه:- ها صدك لو تشاقين..
هيا:- اي والله..طلعت التحليل راويتهيا..
خيريه:- اي ولج حامل شلون ولج علي بعده صغير توه يكلب..
هيا:- شلون بيه خيريه شلون كمت ابجي متت قهر كلت لازم اروح اتأكد بلكت يطلع التحليل خطأ واني مو حامل يارب.. رحت على امي اخذته ورحت للدكتورة طبيت للدكتورة حجيتله عن حالتي كلتلي روحي سوي تحليل رحت سويت تحليل وكعدت انتظر تطلع نتيجة التحليل ميته خوف ياربي لايطلع صدك يارب دخيلك تدري بحالي ماريد طفل..
-هيا يعقوب منو هيا يعقوب..
هيا:- سمعت الممرضه صاحت اسمي خترعت ..اني اني هيا..
-تعالي استلمي التحليل مالتج خلص..
هيا:- مشيت وخطواتي ثكيله كوه امشي ومرعوبه امشي وارجف اجر بروحي جر وصلت يمه اخذت الورقه وطبيت للدكتورة..تفضلي دكتورة هذا التحليل...
الدكتورة:- مبروك ماما هيا انتي حامل..
هيا:- شنو لا دكتورة فدوه 😭😭 ماريد اوف ياربي مادري منين تجيني المصايب...سجلتلي الدكتورة علاج وطلعت كلت لامي انو اني حامل سكتت ماحجت شي طلعنه أجرنه تكسي ورجعنه للبيت الطريق كله ابجي وصلت لبيت عيالي كتلهم اني حامل فرحو كلش شهامهم همه اهم شي اخدمهم واخلف عمر ولاهتم عبالك مو ابنه هذا نقهرت كلش للمره الثانيه حامل بسبب غلط وبعدني صغيرة مافتهم ..
لليل اجه خلدون ..
خلدون:- اكلج هيا بعد لتروحين لبيت اهلي علمود تجيبين حليب ل علي اني اتفقت ويه عمر نوب اجيب حليب من المحلات واسجلهن علي وهو يدفع كل راس شهر..
هيا:- تسلم اخويه صارت زحمه والله..
خلدون:- لا خيتي رحمه ادللي..
هيا:- مرن اشهر عله حملي تعبت كلشي وجسمي صار ثكيل والشغل والعمال والخبز والطبخ كله عليه وخيريه علساس هيه علويه كامت تشتغل بالخيره ونسوان طابه طالعه عليه كلسا تجي وحده واني اسوي جاي واودي صواني كلسا صينيه تعبت كلش وعلي بعده صغير توه يزحف اركض منا وارد منا نتهيت عمر نفس الحاله بعده يوميه يسكر بالليل تعودت على هذا الشي وعلياء تركه بعد ميروحله لان اني رحت وهددته اذا متعوفه اكول لأهله عليه بس تمنيت لو باقي وياهه ولايشرب هذا ادمان ادمن علي الشرب وبعد ميعوفه كم مره حجيت ويا وتعاركت ويا مافاد يكلي شتردين تسوين تزعلين ازعلي عادي مو مشكله ما اترك الشرب..شلون بيه ياربي واني عندي طفل وحامل بالثاني حتى طلاق ما اكدر اتطلق منه محد يخليني اتطلق منه بقينه على هاي الحاله اني بعد محجيت ويا لان تسودن بالشرب ما اكدر امنعه ولا اكدر احجي ..اليوم عرس علياء طبعا اني عادي عندي لافرحت ولاضجت لان هو تركه وبعد ميروحله هم عزمونه للعرس ورحنه كلنه..ثاني يوم كعدت ماعندي شي كلت خلي أرتب الغرفه واغير ستايله بلكي عمر يتغير شلت الغراض كلبته كلاب صحت على حمواتي وعمة عمر وبنتهه أجن وياي شالن الكنتور ردت اغير مكانه شلت الكنتور وجان اشوف كيس اسود صغير ستغربت شنو هذا ياربي شلته بسرعه وظميته كملنه الكنتور ونظفت الغرفه واجيت عله الكيس فتحته وجان أنصدم من الي شفته بالكيس شهكت وظليت صافنه....
يتبع ......
