#جنون_العقلاء
الكاتبة :- ساره جعفر
لا تنسون التصويت + التعليق بين الفقرات .
ملاحظة 🚫 :- هذا البارت مو الأخير ..
•~•~•~•~•~•
عبود :- تتزوجيني ؟
يباوع الي بالمراية الگدامة طالعة بيها عيونه وگف السيارة علمود الحرس يفتحون الباب ويدخل للكراج
جريت جنطتي وفتحت الباب ونزلت من وصلت للحارس تذكرت وحش ما يقبل ننزل بالباب لأن متروس زلم ..
محذرنا أكثر من مرة لأن كُلش مزدحم بالحراس وحتى همَ ديفتحون الباب علمود تدخل سيارة عبود وأني نزلت .
حسيت گلبي اجه يطلع مَـن مكانه مَـن الخوف وعبود بسرعة نزل وراي أول ما فتحو الباب دخلت للبيت
آمين :- وما رديتيله ؟
أزل :- طبعًا لا شردله مثلاً ؟
آمين :- يعني أنتِ ما موافقة ؟
أزل :- طبعًا .
آمين :- ليش ؟
أزل :- ما توقعتتتتت !
آمين :- شنـو ؟
أزل :- كُل ليلة مَـن أريد أنام أظل 3 ساعات أفكر شلون يعترف الي ورد واعترفات وبـ أجمل الأماكن بلأخير يگُلي تتزوجيني ؟
آمين :- بَـس هيـچ أحسن ؟
أزل :- شنـو الأحسن ؟! نوب حتى مـو اعتراف زواج تقليدي ، أني أتزوج زواج تقليدي من كُل عقلـچ ؟
آمين :- هاي مَـن الزينات تقدملـچ أكو ولد يعترفون للبنات وبعدين ما يتزوجوهن .
أزل :- لعد والـ 3 ساعات الي بخيالي ؟
آمين :- زين الورد والاعترافات وحش وين ؟
أزل :- ما أعرف مـشكلتة هاي .
آمين :- وهسة تقبلين بي لو لا ؟
أزل :- لا
آمين :- ما تقبلين بي لأن ما اعترف الچ ؟
أزل :- أكيد لا ، بس خل نكون واقعيين أني وعبود لو ننجمع ما يصير براسنا خير .
آمين :- يا !!!
أزل :- طول عُمري ما أعرف أشرح ، المُهم أني وعبود أبد منتوالم هوَّ كُلش جدي بالكلام وأني أحب اسولف هواي منتشابه !
آمين :- اممم أشياء بسيطة ..
أزل :- لا مو بَسيطة أني وعبود بكُلشي منتشابه حرفيًا أني 24 ساعة اسولف نادرًا ما تشوفيني ساكته وأذا ساكته فـ تلگيني أضحك
عبود لو يحچون گدامة نكته تموت ضحك يضحك العصبي مَـن يسمعها ويموت ضحك وعبود ابتسامة ما يبتسم .
آمين :- انـه وحش أبد منتشابه بس نحب بعض ومتفاهمين ؟
أزل :- هواي أشياء كُلش أحنى منتشابه بيها عوفچ من اختلاف الشخصيات أني كُلشي ما أعرف اسوي بيضة ما أعرف اطبخها
آمين :- انـه اعلمـچ .
أزل :- مَمتعلمة على أجواء المسؤولية مُستحيل أتحمل عائلة وأطفال وزوج .. أموت مَـن العَطش وما اگوم اجيبلي گلاص مي
آمين :- بس هذا كسل وحتى على صحتچ يأثر اشتغلي شوية علمود يتحرك الدم بجسمچ هسة دائمًا تحسين بخمول
لأن ما تتحركين بكثرة بَـس اشتغلي تصيرين نشيطة انـه حتى لو مريضة اتحرك علمود ما اتكاسل .
أزل :- ما أحب متتت من العطش وحش گام جابلي مي ليش أعوف دلال أخوي واروح عد ناس ما أعرفهم شنـو ويمكن ما اتأقلم وياهم
آمين :- أخوچ ما دايم الچ وأنتِ تحبينه مَـن صف الخامس الاعدادي وهسة راح تتخرجين ونوب ترفضنه ؟!
أزل :- ما أعرف
آمين :- فكري على راحتچ بينچ وبين نفسچ ومَـن تشوفين نفسچ اخذتي قرار صح وما راح تتندمين عليَّ تصرفي بي
أزل :- هوَّ عنده أخوات وأم وما أعرف بَـعد منو عنده بالبيت يعني همَ عائلة طلعن مثلنا ويسون بين مثل ما سوينه بيچ ؟!
آمين :- لحد هَـل لحظة حاقدة عليچن
أزل :- ولچ چانن عدنا خدامات وماما متعاركة وياهن وحش حلف ما يجيب خدامات جديدات يشتغلن بيتنا لأن كُل فترة ماما تتعارك وياهن ويجون جديدات لحد ما بزع وما قبل يجيب بعد
أحنى گُلنا چنه وجديدة وأكيد تخجل خلي نخليها تشتغل النه لحد ما يطلع وجها الحقيقي نوب ما طولتي أسبوع ما أعرف أسبوعين نزعتي قناعچ
آمين :- لچ عيني غير لعبتن بيه لعب كل وحدة تأكل بوكت مختلف ولازم أغسل كل مواعينكم والطبخ علية
أزل :- هههههههه
آمين :- المهم نرجع لموضوعچ مثل ما گتلچ فكري زين واتخذي قرار صحيح ما تتندمين عليَّ وأذا تحبين بكل وكت اسمعچ
أزل :- شكرًا كرز
ابتسمت الها وطلعت من الغرفة ، انـه وأزل باخر فترة تقربنا لبعض حيل وصرت انتظرها يومية تجي من الدوام اسوي الها غده واسولف وياها وحيل تفرح من تشوف تصرفاتي
هاي الفترة صعبة عليها فقدت ابوها واخوها دوم مشغول اخواتها تزوجن وامها ما تطلع من الغرفة ولا تحچي ويا أحد
تستوحش وتحس بالوحدة بعد ما چانت عائلتها كلها موجودة وتحچي ويا الكل هسة محد بجانبها وانـه أحاول أسد هل فراغ
رب العالمين يرجعها الي أضعاف وبيوم مَـن الأيام أحتاج مساعدة أشوف راح تنفتح أبواب الخير بوجهي وغير هذا انـه أحب أزل .
