عوض السنين

الـحـلقــة 17

#عوض_السنين

                                عـــوض الســنيــن
بقــلمي : رقـيـة عـبـاس

><><><><><><><><><><><><><><><>

-ابو حسام : لا تصيح الحجي والتفاهم بل هدوء

-عمر: اعتذر بس اعصابي تعبانه

-ابو حسام : شوف بابا ماكو داعي العصبيه التريده يجرالك بس بالبدايه غير نعرف هي شنو رايده هاويه ما هاويه خاف نروح الهم ونتفشل مثل كل مره

اني حلفت من هذاك اليوم بعد ماروح لئن كلما نروح نفشل رواحنه ويرفضون بس من عرفت وضعها وعرفتك شكد هاويها ماكدر اكسر بيكم الي اريده منك تشوفها اذا قابله من باجر اروح واطلبها الك

-وسن : حجيت وياه امل اليوم وكالت الجمعه خلاص الخطوبه
وراح تتجهزانتو حولو تروحون ب أسرع وقت علمود لا تروح من ايدك

-ابو حسام : بس تنطي خبر البنت احنة نوكف بالباب

-عمر :  ماشي اشوفها وارجعلكم خبر

-ابو حسام : هاهية ابني لا تشغل بالك اذا الله كاتبها الك متروح لغيرك
واحنة وياك بكل خطوة تمشيها

-عمر : شكد احمد ربي واشكره على هيج ام واب قليل

-وسن : حبيبي انت هذا واجبنا نشوفكم سعيدين

-ابو حسام : وهم نسيت اكلكم خابرني ابو زكريا كالو نحدد موعد العرس عالشهر اليجي

-رؤيا :  قصدك شهر الجاي بابا وين اللحك

-ابتهال :  نلحك معليج مناسبتين بشهر واحد

-عمر : بالنسبه الموضوعي لا تتحمسين زايد

-عمار : انت ضل ابجي چنك ارمله

-سجى : عمار لتحجي على عموري حبيبي والله حتى بصلاتي دعيتلك الله يريح كلبك

-عمر : هههه ولكم مال اكلها شو تعالي ..رحت شلتها وابوس بيها

-سجى : عمر كبرت كافي كلما شفتني شلتني شبيك

-حسام :  تضلين الصغيره بعيونه

-رؤيا : ترا بديت اغار شنو كلكم تدللون سجى واني لا

-ابو حسام : تعالي بحضني انتي بنت ابوج معليج بهذول

-عمار : روحي الزكريا يدللج سقط حقج

-ليان : لعد واني محد يحبني

-حسام :ولكم انعل ابوكم حبوجهالي مو حايرين بخواتكم

-ابو حسام : بارك الله بيك نعلتني

-حسام : يابه شسالفه دلوع متتحمل متعلم على الجنود كله اسبهم ويسبوني

-وسن : حسام ميجوز امي المسبه يمكن ابوهم ميت الميت بس الرحمه اله

-عمار : شوفي امي البطرانه هذا ميت بزمنكم مو بزمنا