بقلم : جوليانا مهند ~
قرائة ممتعه حياتاتي 🥀🤍
اذا شفتو اخطاء املائية غلسو
.
.
.
هو حجه وبلش يحجيلي ودموعه تنزل
الياس : زينب قبل فتره جنت اطلع ويا جماعة جديدة وجانت معروفين ويخافون منهم الناس اني من ورا ضعفي جانو الي ويايه بالمدرسه يضحكون عليه ويصحولي بالبنيه ويتنمرون اني كمت امشي وياهم وهمه علموني على هاي السوالف
اني شهكت وكتله بقلق وقهر
زينب : حبيبي ليش ما كتلي ليش بقيت ساكت ومشيت بدرب مو خوش ليش
هو كام يبجي اكثر اني ما تحملت وكمت ابجي وحضنته هو كام يحجي
الياس : زينب ما ردت ابوگه ولله ما ردت ابوگ شهم بس همه جبروني كامو يكولون عليه جبان وما عنده فلوس وفقره واني اطريت ابوگ من بابا وماما وشهم
مسحت على شعره وكتله
زينب : اشش كافي تبجي عمري انت انطيك عيوني شعندي غيرك اخ بس اريدك توعدني ما ترجع لذاك الطريق شفت شنو نتائج المشي بهاذا الطريق عمري
الياس : زينب راح تتزوجين بشهم لا تسويها خلي ادخل سجن لا تسويها
تنهدت وحجيت بقهر
زينب : حبيبي افديك بروحي ترا انت والماس وبابا وماما اغلى ما عندي وبعدين اني راح ازوج وقابله لشيل على نفسك
حجيت هيج علمود لا يبقى يعاتب نفسه
هو حضني وكام يبجي مسحت على شعره ونزلت دموعي على حالي وحال اخويه وشويه وحسيت جسمه ثكل خفت عبالي اغمى عليه رفعت راسه لكيته نايم ابتسمت وبسته من كصته وهمست
زينب : ربي يحفظك
مددته على الجربايه وكمت اخذت بطانيه من للكنتور مالي وفرشته وحطيت مخده وذبيت روحي ميته تعب ونمت
الصبح ~
الام : زينب كعدي كافي نوم كومي تريكي
فتحت عيوني وهزيت راسي
زينب : يي كمت كمت
كعدت على البطانيه وباوعت على الجربايه لكيت الياس نايم ابتسمت بخفه وكمت بست ماما من خدها
زينب : صباح الخير يا نبع الحنان
هيه ابتسمت وكالت
أنت تقرأ
"بـرائـة طـفلـة " باللهـجه العـراقيـة
General Fiction: دخيلج يمه لا ما اريد ما اريده كافي : انجبي لج غصبًا عليج تروحين كافي دلال . . . باوعت عليه شلون يباوع عليه بابتسامه خبيثه بس اني ما اعرف ليش كلبي يدك من اشوفه صار مثل الشيطان يطلعلي وين ما اروح حتى باحلامي مستحيل اكون احبه اكيد لان شخصيته مو مفه...
