اعِتذار مُتأخر
#البارت_ستة_وثلاثون
قراءة ممتعة 🖤
..
...
....
.....
....
...
..
.
____________________✿_____________________
احمد: سلام عليكم
سلام زهرة : وعليكم السلام
احمد: وين رايحين؟
حچالة عمو انه رايحة لفاطمة و دويصلني
احمد: اني اوصلها خالي
سلام:ديالله لعد وصلها و تعال مرلي اريدك
احمد: صار خالو
طلعنة و سد الباب ورانا عمو سلام و صرنة نمشي سوية و اني لازمة الكيكة لحد ما گلي: مبارك زهرة منها للاعلى
زهرة: الله يبارك بيك
احمد: شوكت ارجع اجيبچ؟
زهرة: بـ6 واذا تتأخر بعد احسن هههههه
احمد:خوش لعد ب6:30
وصلنة و دگيت الباب عالفاطمة و طلعتلي امها
سلمت عليها و سدت الباب و اجت باتجاهي وصاحت: تعالي فاطمة يمة اجت صديقتچ
طلعت فاطمة من الهول و شعرها المفتوح وراها وهيَ تمشي بهرولة و اجت باتجاهي باستني
فاطمة: هاي شنو ليش جايبة اني جبت
زهرة: عادي يمعودة ههههههه
فتنة جوة و لگيتها مسوية نفاخ بالهول و جايبة حتى حلويات و چكليت
فاطمة: معلية اليوم تبقين يمي للليل
زهرة: دنچبي ب6:30 اروح
فاطمة: دروحي من يجي عمچ اني احاچي
زهرة: لا يجي احمد
فاطمة: اني اشحتة من الباب ههههه
بقيت يمها و خلصناها احتفال و نرگص و قطعنا الكيك و انوب گعدنة نسولف و نسولف لحد ما اخذنا الوقت وامها خطية عافتلنا الهول بس النا و گعدت بالغرفة
لحد ما اندگ الباب
گامت فاطمة تفتح الباب وتگول: اهوو بس لا اهلچ
ضليت گاعدة و اضحك عليها شلون ضاجت
رجعت ورة دقائق
فاطمة: هذا محمد بالباب
دگ گلبي بسرعة و اني اسمع اسمة لهالمخبل
كملت كلامها: اگلة عمك گال ب6:30 تروح وهسة ب6 يگول صيحيها و يصيح والله يالله الا اگول لابوية اخليه يموتة كتل
زهرة: هههههههه اي خف يموتة كتل يستاهل، خل اروح هسة و بغير وقت عود هم اجيچ
حضنتني حيل وهيَ تگول: والله محظوظة بيچ ههههه
زهرة: اني هم، يلا باييي
طلعت من بيتهم و اني گلبي و اعصابي نار بس ما ردت اضوج فاطمة
لگيتة واگفلي بالباب مثل البومة
مشيت بدون ما اجاوبة وهوَ اجة يمشي وياية
محمد: وعلي طالعة تشگين اليوم
مجاوبتة عاد كمل كلامة: متجاوبين ما عندچ السان هاي لو سهى چان طارت من الفرحة
جاوبتة بنتر: روح طيرها شكو جاي علية هيَ مرتك اني شكو
محمد: انتِ حبيبتي
گالها و لزم ايدي
جريت ابدي منة بسرعة و مشيت سريع گدامة لحد ما وصلت البيت نهد حيلي الطريقة صار شكبرة علية
طبيت للبيت و گلت: عموو
ما جاوبني صحت بصوت قوي: عمووو
ام خنجر: شبيچ ولچ؟
زهرة: وين عمو سلام؟
ام خنجر: بالصيدلية هوَ و نور
تذكرت هوَ الصبح بالمستشفى يداوم و العصر بالصيدلية
اجت بوجهي سهى: شنو مكيفة لان ناجحة
زهرة: دروحي انتِ الثانية
گلتها و دفعتها و طبيت لغرفة بيبي بدلت و طلعت برة گعدت يمي بيبي
لحد المغرب اجت نور لوحدها و سوت العشة لوحدها مثل كل مرة
مر الوقت و بليل دنام و سمعنة صوت عياط و تكسير
فزت بيبي و فزيت و جسمي يرتعش و ركضت و عثرت
ام خنجر: يمة اسم الله شبيچ بنتي
بچيت من الصوت العالي مال تكسير: بيبي شديصير
اجت حضنت راسي عالصدرها وهيَ تردد: اسم الله الرحمن يمة
سمعنة صوت صياح فوگ عاد صعدنا و اول ما اجت عيني عالسهى وجها احمر و مبين مضروبة
اجت علية بحقد: كلة بسببچ بنت السحارة الگح...
بسرعة جرها محمد من شعرها
راحلة عمو سلام بحركة سريعة و جرة من ايدة و ضربة راشدي
كلنا واگفين مصدومين منعرف شصاير
محمد: والله ما اريدها بعد، خل تجي امها هسة تاخذها
خنجر: اكل خرة مو هي لعبز
سلام: يابة غير نفتهم شصاير شنو عالنعل هذا و التمسلت
ردت سهى بحرگة گلب: ميريدني يريد
قبل لا تكمل كلامها صاح بيها محمد سسسسهى والله اموتچ
محمد: هاي ما اريدها لو مدري شيصير
گالها و نزلت طلع برة سمعنة صوت رگعة الباب
خنجر: وين راح ابن الكلب بهالليل
سعاد: تعاي حبيبتي تعاي
اخذت سهى و راحت لغرفتها
سلام: يلا يابة روحوا ناموا هي هاي الچنة عارفيها
أنت تقرأ
اعتذار متأخر
General Fictionشعوذة و دجل اصدرت من الجدة والتي كانت سبباً لدمار ثلاث عائلات و سلسلة لثلاثة اجيال متتاليه,كل جيل اخذ عقابه من ذنب لم يكن له, لكن هنالك شخص واحد اخذ عقابه و عقاب جدته و والدته ليكسر الزمن دهراً منه.
