Carrying the Billionaire's Daughter [COMPLETED]

Chapter 23

{Chapter 23}

After 6 months...

"Saan po tayo pupunta mama?" nakangiti at masiglang tanong sa'kin ni Kalie habang inaayos ko ang damit niya.

"Mamamasyal ulit tayo baby," ani ko at pinulbuhan siya at inisprayhan ko din ng pabango.

"Your Tito Nezro will fetch us here and we'll going to go somewhere." Nakangiting wika ko habang inaayos ang suot kong damit sa harap ng salamin.

Tumawag kasi kagabi si Nezro sa'kin at namimilit na mamasyal daw kaming tatlo dahil namiss daw niya kami. Wala daw kasi siyang trabaho ngayong araw at ganoon din ako. Wala na nga pala akong trabaho ngayon dahil na din sa kagustuhan ni Nezro na patigilin ako sa pagtatrabaho at alagaan ko na lang daw si Kalie dahil siya na ang bahala sa amin.

Sobra-sobra ng hiya at utang na loob ko sa kaniya at hindi ko alam kung paano ko masusuklian ang mga 'yun. Nagkikita pa din kami paminsan-minsan ni Selest and dumadalaw din siya dito sa bahay para makipag-chikahan sa'kin.

Aniya nang minsang makita niya si Kharl sa store ay agad na tinanong daw kung nasaan ako at kung ano-ano pa. Sariwa pa sa isip ko ang sinabi niya noon sakin...

"Alam mo bang pumunta sa store natin si Kharl?"

Napatitig naman ako sa kaniya.

"A-Ano daw ginagawa niya doon?"

"Hinahanap ka, kaya sabi ko tumigil ka muna sa pagtatrabaho para alagaan ang anak mo."

"Sinabi mo ba ang tungkol kay Nezro?"

"Hindi," aniya bago isubo ang chicharon.

Napapikit na lang ako nang mariin bago hinarap si Kalie.

"Are you excited anak?"

"Opo," aniya at tumango pa.

"Anak, nandito na sa baba si Nezro." rinig kong sigaw ni mama mula sa baba. Nagngitian naman kaming dalawa ng anak ko na para bang kinikilig and at the same time excited sa kung saan man kami mamamasyal.

"Sige ma. Pababa na kami."

Inabot ko ang kamay ni Kalie at sabay kaming bumaba ng hagdan.

"Apakaganda naman talaga ng apo ni lola eh," ani mama at agad na niyakap at pinugpog ng halik sa pisngi si Kalie. Natatawa naman ang bata sa ginagawa ni mama.

"Ehhh, lola..."

"Sige na nga at baka gabihin pa kayo sa daan. Magpahatid kayo kay Nezro ah?"

"Oo ma. Kahit naman hindi mo sabihin 'yan sigurado namang ihahatid niya kami bago siya umuwi."

"Babye po lola," ani Kalie at nagwave pa kay mama.

"Mag-enjoy ka apo."

Dumako naman ang tingin ko kay Nezro sa labas kung saan kausap niya si papa. Napalingon naman siya dito kaya napangiti ako.

"Mag-iingat kayo!" ani papa ng makalapit kami.

"Babye po lolo." ani Kalie at nagwave kay Papa. Humalik naman ako sa pisngi ni papa bago ako sumakay sa kotse ni Nezro.

"Huwag po kayong mag-alala tito, ihahatid ko po sila mamaya." Tumango lang si papa sa kaniya. Umikot naman siya sa harap bago sumakay sa driver seat.

"Are you two ready?" nakangiting aniya habang sinusuot ang seatbelt niya.

"Saan po ba tayo pupunta Tito Nez?" Kunot noong tanong ni Kalie na agad na tinanguan ko din.

"Oo nga, saan tayo pupunta?"