Unicode
ရှောင်းကျန့် ပြန်လာတော့ အိမ်တော်ကြီးက မှောင်ပြီး တိတ်ဆိတ်နေပြီဖြစ်သည် ။ လက်ကနာရီကို တစ်ချက်ကြည့်လိုက်သည် ။ ညဆယ့်တစ်နာရီပဲရှိသေးသည်မို့ စိတ်အေးသွားရသည် ။ ရိဟွား ပြောတာတော့ ဒီနေ့ ဝမ်ရိပေါ်က အရေးကြီးကိစ္စရှိလို့ ညဉ့်နက်လောက်မှ ပြန်ရောက်လိမ့်မယ်တဲ့ ။ အဲ့ဒါကြောင့်လည်း သူ ခိုးထွက်ရဲတာလေ ။
အပေါ်ထပ်တက်မယ်အလုပ် မြို့စားဝမ်ရဲ့ရုံးခန်းက ပွင့်နေလျက္မို့ ထိတ်လန့်သွားရသည် ။ သူခိုးများ ဝင်တာလားမသိ ။ ဒါမှမဟုတ် မြို့စားဝမ် ပြန်ရောက်နေတာများလားမသိ ။
" ကျဲရိဟွားက မလိမ်လောက်ပါဘူး "
ခေါင်းကို တစ်ချက်ထုလိုက်ကာ အပေါ်ထပ်တက်ရန် ပြင်လိုက်ပေမယ့် ရုံးခန်းကိုပဲ သွားချင်စိတ်က ကြီးစိုးလာတာမို့ ရုံးခန်းဘက်ကို ဦးတည်လိုက်သည်။
" ဝမ်ရိပေါ် ပြန်ရောက်နေတာလား ... "
အသံတိုးတိုးလေးနဲ့ ခေါ်ကြည့်လိုက်ပေမယ့် ဘာမှပြန်မကြားရတာကြောင့် ရှောင်းကျန့်လည်း သူအထင်မှားတာဟု တွေးယူလိုက်ကာ ပြန်ထွက်မယ်အလုပ် ပြတင်းပေါက်နားမှာ မီးစသေးသေးလေး မြင်လိုက်ရတာမို့ ရှောင်းကျန့်လည်း အဲ့အနား တိုးကပ်သွားကြည့်လိုက်ည် ။
အမှောင်ထဲကနေ လက်ဆွဲခံလိုက်ရကာ ပြတင်းပေါက်အနားကို အားနဲ့ကပ်လိုက်သည်မို့ ရှောင်းကျန့်လည်း နာလည်းနာ ရင်လည်းတုန်သွားမိသည် ။ စီးကရက်အနံအပြင် အရက်အနံကြီးပါ ရနေတာမို့ နှာခေါင်းကို ပိတ်လိုက်သည် ။
" အဟက် "
ခပ်သဲ့သဲ့ရယ်သံက သေချာပေါက်ဝမ်ရိပေါ်ပင် .... ။
" မင်း..!! "
" လန့်သွားလား .... "
" အရက်တွေ သောက်ထားတာလား ... "
" အင်း .... "
သိပ်မကြာပေ ။ မီးက လင်းလာသည် ။ မြို့စားဝမ်ရဲ့ပုံစံက ဆံပင်တွေက နည်းနည်းဖွာနေပြီး မျက်နှာကလည်း မဲနေသလို့ပင် ။ ရှောင်းကျန့်လည်း ဘာမှပြောစရာမရှိတာကြောင့် အခန်းထဲက ထွက်သွားရန်သာပြင်လိုက်သည် ။ တံခါးအနားရောက်တော့ သော့ခတ်ထားတာကြောင့် ဝမ်ရိပေါ်ကို ကြည့်လိုက်မိသည် ။
![𝐀 𝐠 𝐚 𝐢 𝐧 [ 𝐎𝐧𝐠𝐨𝐢𝐧𝐠] by Wang_Htet_Zhan](https://img.wattpad.com/cover/363956997-80-k507836.jpg)
![Happiness [GakuenBabysitters] by beatrixwenner](https://img.wattpad.com/cover/260118382-80-k226583.jpg)
" မင်း ... ပြောစရာရှိလို့လား .... "
" မရှိပါဘူး "
" ......... "
ဝမ်ရိပေါ်လေသံက မာနေသလို့ ခံစားရတာကြောင့် ရှောင်းကျန့်လည်း ဒီနေရာကနေ ပြေးထွက်လာချင်သည် ။ ဝမ်ရိပေါ်က သူနဲ့စတွေ့တုန်းကလို့ ပုံစံကြီးမို့
စိတ်ထဲ တစ်မျိုးတော့ဖြစ်မိသည် ။
" မိုးတွေရွာတော့မယ်ထင်တယ် ကလေးတွေ .... "
" သူတို့က အစ်မဝမ်ရိဟွားနဲ့ပါသွားတယ် .... "
" အာ ...... "
ရှောင်းကျန့်လည်း ဘာဆက်ပြောရမလဲမသိတော့ ။ ကျဲရိဟွားကလည်း ကလေးတွေကို ဘာလို့ခေါ်သွားလည်းမသိ ။
" ခင်ဗျားက ဘယ်သွားတာလဲ ..... "
ဝမ်ရိပေါ်က စီးကရက်သောက်နေရင်း သူကို ကြည့်ကာ မေးလာသည် ။ ရှောင်းကျန့်လည်း မျက်နှာလွဲကာ
" ဆိုင်ကို .... "
" လိမ်တယ် ....! "
" ......... "
" ဘယ်သွားတာလဲ "
သူနားကို လက်ပိုက်ကာ တစ်လှမ်းချင်းလျှောက်လာပြီး သူကို စူးစိုက်ကြည့်လာတဲ့သူကို ရှောင်းကျန့်လည်း မျက်နှာလွဲလိုက်ကာ
" ပါတီပွဲတစ်ခုကို သွားတာ ..... "
" အော် ...... "
ရှောင်းကျန့်က ဆက်မလိမ်တာမို့ ဝမ်ရိပေါ်လည်း နည်းနည်းတော့ စိတ်သက်သာရမိသွားသည် ။
" ဘယ်သူနဲ့သွားတွေ့တာ ...? "
" ရှောင်းသခင်ကြီးနဲ့ ..... "
လိမ်ညာခြင်းမရှိ ရှောင်းကျန့်က အမှန်အတိုင်းပြောတာမို့ ဝမ်ရိပေါ်လည်း ဘာဆက်ပြောရမလဲတောင်မသိတော့ ။
" အဟမ်း ဘာတွေပြောခဲ့တာလဲ .... "
" သူကို ဆေးကုပေးပြီး လွှတ်ပေးဖို့ ... "
" ကျွန်တော် သူကို ဖမ်းပြီးသတ်မှာ ခင်ဗျားက မကြောက်တာလား .... "
" ဘယ်လိုထင်လို့လဲ .... "
ကြောက်လန့်ခြင်းမရှိ ရှောင်းကျန့်က မျက်ခုံးတစ်ချက်ပါပင့်ပြနေသေး ။ ဝမ်ရိပေါ်လည်း ကြက်သေသေမိသွားသည် ။
