ازابيلا ......
حـَمد سولفلهم عني ...
حَـمد گوللهم مابقى شي مني ....
.......................
فاتن : بنات اجه استاذ عبدالله قيام
هيلين : شيخلصه هالدرس عاد هففففف
الاستاذ : اليوم درسين طبگ عدنا موضوع مهم لازم نشرحه .... الحمدلله عالسلامه هيلين متشوفين شر انتبهي عالشارع مره ثانيه !
هيلين : الله يسلمك .. انشالله
رواء : اووو ديلا شو چنها حصان شخبصتونه ؟
هيلين : اني حصان ولج ؟ يمه اسم الله عليا شايفه وجهج عجل ؟ چنچ عتوي مطلگ مرته
هيلين كالت هيج لو حتى الاستاذ حصرته ضحكه وكوه لازمها مايريد يضحك كدامنه لا كل مره نسوي هيج ونهمل الدرس
الاستاذ : مو عيب عليكم ولاچن استاذ واكف كدامكم ؟
هيلين : لا استاذ العفو بس شفت شون تستهزء بالحادث الصار وياي لو ميته اني جان يلا يغزر عدها ودكول اخبصونه . ؟
استاذ : ميصير هالحجي رواء اعتذري منها يلا .
.
رواء : بتذمر ... اسفه
هيلين : مارديت كعدت والاستاذ صار يشرح
يشرح بالي مو يمه جنت ضايجه ومن اضوج لو معرف شيصير لازم اصفن ميعجبني انتبه .
استاذ عبدالله : اي هيلين گومي عالصبوره وشرحي مكاني اليوم اني طالب. وانتي الاستاذه ! .
هيلين : كال هيج وكفت على حيلي وضليت صافنه بوجه ..
الاستاذ : مو جاي اكلج تعالي للصبوره ؟
هيلين : هاا اي استاذ.. مشيت واني اعدل الشال مالتي طالع شعري ... طبعا على طول شعري يضوجني من أطلعه من الشال بس لأن حلو عليا اخلي هيج الا يضوجني هههههههه
اخذت القلم مال السبوره وهو راح وگف يم الباب وكتف ايديه وهو يدحگ عليا من فوك لي جوا بعدين ركز عيونه بعيوني ... وحجى .... نظل صافنين ؟ مندرس يلا شرحي اسمعج ؟
_ بقيت امتمت.... ام اة استاذ شسمه هاي الكيمياء بيها شغله لازم نفتهمها
الاستاذ : اي وشنهيا ؟
هو لازم نفهمها اول !
_. هيلين كومتج تشرحين لو تحزرينا ؟
ههههه ها لا استاذ هاي المعادله صعبه اعرف احلها بس معرف اوازنها !
_ سهله اني وياج نحلها
يلا كتبيها واني. وياج نوازنها
كتبتها واجه وأخذ القلم صار قريب عليا ابتعدت منه ودحگ عالسبوره
_ تعاي لهنا حتى تفهمين اني اعرف انتي متعرفين بيها لهذا كومتج .
مشيت خطوه نحوه حل وحده ... رجع كتب غيرها وگلي انتي حليها ... حليتها وطلعت صح
الاستاذ : ها يراد لها شي ؟
لا استاذ ...
_ ديلا رجعي مكانج . وكتبيها وركزي عليها ..
هو كال هيج الكل نقلها اني ابتسمت يعني جايبها بالامتحان مال شهر الجاي ..
هيج تعودت علي من يحل يكلي ركزي يعني جبتها والبنات عرفوا هو هيج يكول يعني جاييها ...
هيلين : رجعت على مكاني
الله ياخذك
فريال : هههههههههه لايسمعج معوده كافي علينا هالمحاضره وراها الخ وراها يكعد يتفلسف .
ليان : بنات كافي عاد راح ننطرد من صدك .
امنه : بربكم اريد اكل جعت.
دانا : اني هم
هيلين وفريال تقربو من بعض سوولنا ستار پرده حتى لايشوفنا
هيلين : ادري متوازيين عالطرده هو بقى درس وتتزقنبون .
امنه : سويت نفسي اگح وفتحت الجبس ويا الگحه اني سويت هيج لو هيلين وفريال وگعو جوا الرحله من الضحك
التفت على ليان ماكو اشوفها جوه الرحله ميته ضحك .. اني ضليت صافنه والجبس بيدي .. گبل خليته جوا الرحله
ادحگ على دانا صايره حمره شكد محاصرتها الضحكه ..
الاستاذ : هيلين اوكفي على حيلج اشو
هيلين : اريد اكوم ماكدر بعد احس راح اتقيئ من الضحك مدري على حركه امنه مال جبس مدري من الضوجه... فكرت وجهي وكفت واعدل شالي ... الحركه المعتادة من احد يحجي وياي أو يكومني الاستاذ ..
الاستاذ: عاجبج تطلعين برا هالدرس ست هيلين ام الاخلاق ؟
هيلين : هو حجى هيج لو اني حسيت حراره براسي من العصبيه ... ام الاخلاق ؟ ليش شسويت ضحكه ومكدرت الزمها صرت بلا اخلاق ؟ حسيت اذا ضليت بهل محاضره بالصف اني كلشي ما افتهم وبلا كرامه لأن صدك هاي اهانه الي
بكيفك استاذ
الاستاذ : اهاا يعني عاجبج تطلعين ... زين اطلعلج وحده من شلتج تونسج برا خاف تضوجين وحدج برا بعد ٣٥ دقيقه يلا يدك الجرص شتكولين ؟
_ كلت خل العب بعصابه... وحده ؟ كثار شلتي مو وحده .
الاستاذ : شكو بيها اطلعلج هما كلهم بس اشري ..
أشرت .. وحجيت..... امنه . دانا. فريال . ليان .
هذولا استاذ تكدر طلعنا ؟
الاستاذ : يلا كلكم براااا ما اريد المح وجوهكم بالدرس يمي يلاااااا..
هيلين : طلعت برا وراي البنات ...
ليان : عاشت ايدج طكت روحي بالصف كطيعه
فريال : ليش هيج هيلين اني مردت اطلع متشوفين كل شوي وكايل هذا مهم وهذا مهم اطلعي انتي الا اطلعينا كلنا
ليان : اووو ست فريال صايره سجاجه ودورين مهم
علت أصواتنا ونحن باب الصف
دانا : بنات طلعتنا. كلنا غلطه وصارت وتغلمو منها بعد لتعيدوها .
