37

1K 37 39
                                    

اللحظة الا اقتحم فيها الحراس القاعة كانو الحضور برة .. وتحركوا بسرعة يسحبوا ثابت بينما جزء منهم طلع للدور الثاني يدور على مكان القناص ..

سادن ظل يطالع في الناس الا بتخرج .. بقي نجم .. هو داري انو نجم يقدر يتصرف .. بس قلبه يبغى يتطمن على الكل

التفت على الناحية الثانية وشافه جالس على الارض ضامم رجوله ببعض .. جالس يرجف ..

سادن اخذ وقت الين استوعب انو الا معاه مو باسم .. مهاب ما جاب باسم الحفلة .. والا معاه مجرد شبيه ..

تنهد وهو يبتسم بسخرية .. مهاب حاول يدافع عن شبيه باسم بس لو كان باسم ما كان شرد وتركه .. او يمكن مهاب مجرد اناني ما ينتبه الا على نفسه

مد يده لكتف مراد الا ارتجف وهو يكتم شهقاته ويرفع عيونه بشويش لسادن
- اا .. ان .. انا

سادن طبطب عليه بشويش
- اهدأ .. خلي الامور تهدأ وبرجعك لمهاب

بس مراد هز راسه
- ا .. ابغى اخوي ما ابغى مهاب

سادن تنهد وهو يهز راسه
- طيب ممكن تهدأ ؟!

لؤي طالع في مراد بستغراب
- ماني فاهم ليش اصلا جبته ؟!

سادن رجع يطالع بمراد
- واحد من حراسهم كان بيحاول يقتله ..

لؤي قرب من مراد ومسك وجهه يدقق بملامحه .. للان مو قادر يستوعب ان الا قدامه مو باسم !

رجع لؤي يطالع في سادن
- متأكد انك انقذته لانو مسكين مو لانو باسم بس فاقد ذاكرته ؟!

قلب سادن عيونه
- مو كلنا حبايبنا يفقدوا ذاكرتهم زي حبيبك !

اسامة دخل بالنقاش وهو يبعد يد لؤي عن مراد
- سيب وجهه شوف كيف الولد خلقة مفجوع وانت جاي تعامله كذا !

لؤي تنهد وهو يوقف ويتحرك بعيد
- برجع لوحدي اجل وانتم اجلسوا انتظروه هنا الين يعرفوا الحراس انكم متمردين !

اسامة مسح خد مراد بطرف كمه وهو يحاول يهديه
- طالعني .. قولي اسمك طيب

مراد مسك يدين اسامة وهو يحس انو احن واحد بين الموجودين
- م .. مراد

اسامة ابتسم وهو يحرك يده على خد مراد
- اوك مراد ايش رايك تجي معاي نروح مكان بعيد عن هنا عشان لحد يعورك ؟

مراد هز راسه بشويش وهو يتمسك بأسامة الا وقف وطالع سادن
- بلحق لؤي .. انتبه لنفسك

سادن هز راسه وهو يشوف فارس يدخل بين الحراس عشان يتطمن على نجم الا تأخر للان

على الجانب الثاني كان أمير مرعوب وهو يشوف الدم على بدلة إلياس .. لونها الازرق الفاتح تغير وهو مو قادر يتصرف .. لما شارك بالغزو هو عمره ما عرف كيف يسعف احد .. لو باسم هنا كان عرف يتصرف بالجرح بس أمير ما يعرف

قد يعجبك أيضاً

          

إلياس تمسك بأمير
- خلينا .. نخرج

أمير ضغط على كتف إلياس
- ظ .. ظهرك .. ك .. كله دم

إلياس ما كان حاسس بالالم .. الادرانالين بجسمه مو محسسه بأي شي .. قلبه كان قلقان على أمير الا كان قدامه للان بوسط كل ذا الخطر

التفت إلياس وهو للان متمسك بأمير
- لازم نخرج من هنا

أمير التفت بيوقف ينادي الحارس بس إلياس سحبه لتحت
- ما بنقدر نثق بأحد منهم دحين ! .. ما نعرف لو ذول معانا او مع الهجوم ؟!

أمير رجع يطالع بإلياس .. هو قلقان من الدم .. إلياس مو راضي يلتفت ويسيب أمير يشوف الجروح .. هو ما يعرف كم رصاصة اخذها إلياس للان ولا يدري متى بيغمى عبيه بسبب الدم .. أمير يعرف انو ذي حالة طبيعية تواجه الجنود بوسط الميدان فهو فاهم انو إلياس مو حاسس بشي دحين وهذا الا مخليه قلقان اكثر

أمير رجع حول عيونه على الميدان .. المنصة فيها ابوه للان .. محد يدري لو عايش او ميت .. رجع يطالع بالسقف .. بس لو عرف يحدد مكان القناص بيقدر يتصرف بس هو مو قادر يحدد حتى مكان مهاب

عند البوابة كان فارس واقف بين الحراس .. الغلط انو المتمردين ما حطوا على نفسهم علامة يقدروا يميزوا بيها بعض .. بس هما سوا كذا عشان لحد ينتبهلها ويصير تميزهم بصفوف الغزو سهل

رجع يطالع بالدرج .. المفروض نجم ينزل دحين .. لازم يتحركوا قبل ما الدعم يوصل وقبل ما مهاب يصحى ويبدأ يتصرف كقائد عسكري

حس بشخص يدق كتفه فالتفت وشافه بالقناع
- يلا ؟!

فارس عقد حواجبه ورجع يطالع بالدرج
- متى نزلت ؟! .. ومن فين !

نجم بدأ يمشي
- لو نزلت من الدرج كانو قتلوني .. تقدر تقول انو هديل خلتني انزل من غرفة الاميرة

فارس
- والاميرة !

نجم هز راسه
- نايمة .. هديل خدرتها قبل ما يبدأ كل شي .. لو ما كنا نتكلم عن هديل كنت حشك انها حقيقي بتحميها

فارس تنهد
- هديل عاطفية من يومها .. للان مو مستوعب كيف غطاها ما انكشف بسبب تصرفاتها

نجم تحرك للجدار ووقف جوة يفصخ زي الحراس عشان يرجع لملابسه الاصلية بينما فارس واقف يراقب الممر
- ما شفتها كيف تتعامل مع الامراء الصغار انت ! .. امهم حابسة نفسها بغرفتها وهديل مبتلشة بالاثنين

فارس رفع راسه يطالع بجم الا كان يفصخ قميصه .. ما شافه بدون قميص من سنين .. و .. نجم ما عنده اي علامة بظهره

فارس بعد وجهه عن نجم وهو ناسي ايش كان بيقول

نرجع لوائل الا كان يطالع في باسم النايم في المقعدة الخلفية من السيارة .. ما يقدر يتركه ويروح يدور إلياس ولا يقدر يسيب اخوه وراه .. يدري انو إلياس غبي وهو دخل القاعة قبل ما يبدأ كل شي بلحظات .. كان المفروض يسحبه ويرغمه يجلس مع باسم .. كان المفروض ما يخليه يروح يشيك على أمير !

خائنحيث تعيش القصص. اكتشف الآن