#حقيقة ما وراء دبي
#اربيل -تُطارد
#بقلمي : شهد محمد
_________________
٢٠٢٠/١/١١ ٣:٣٠م
اليوم صاراسبوعين بأربيل كاعدين يم رجال جبير بالعمر عنده أثنين بنات شابات بيتهم بمنطقة زراعية كلها أشجار وزرع اليوم أتفقنا نروح نفتر المغرب بدلنا وطلعنا بسيارتنا
تيما.ريزان مول فاميلي حلو لا؟
ريزان .اي حلو
وصلنا لمول فاميلي افترينا واشترينا راح زُهر تحاسب وتيما تجيب ايس كريم
زُهر.أخي أحسبلي هذني
صاحب المحل.بس دقيقة اصيح صاحب المحل ....أمير أمير
أمير.هااا أجيت أجيت
صاحب المحل. مشي هذني البنات بسرعة
التفت امير على زُهر وكال .ولو خليها ست زُهر
زُهر بصدمه.لا لا
كملت وبسرعة طلعنا من المحل
عهد.يمعودين هذا شجابه
زُهر.ما ادري ما ادري
(تيما)
رحت أجيب ايس كريم جاي اطلب من الولد وأسمع
تيما. سلام عليكم بلا زحمه اثنين فانيلا واثنين فستق ووحده
حسين.ووحده فراولة
التفت على مصدر الصوت وجان اشوف حسين
تيما بخوف و صدمة.هاي شجابك هنا
الولد .خويه كملتي طلبج
تيما.لا بطلت ما اريد
وعفتهم ومشيت بسرعه رحت للبنات لكيتهم وجوهم صفره
تيماء.شكو شبيكم
عهد.راح اجيب السياره وبالبيت نحجي
راحت عهد واحنه تمشينا للبوابة انتظرنا تجي عهد وكفت سيارة تكسي نزل السايق ما انتبهنا منوهو
ضاري .تكسي حبايب
فطم.تروح من وجهي لا اكلب الدنيا عليكم ساقطين سفلة
زُهر بهمس مصدوم.ضاريييي
تيما وفطم. شلوووونً
سمعنا هورن سيارة قوي نزلت عهد وركضت على ضاري لزمته من ياخته اني ركضت خاف تكتل الولد
عهد.لك ساقط شعدك هنا شنو تردون بعد
ضاري.يولللل مشتاقين عجل هو هيج
عهد.انت ليش متسكت هااا شنو مشتاقين شنو هو هيج هااا
ضاري.اعصابج عهود اعصابج
عهد بصياح.ليش متسكت لك هااا
ضربته بوكس وكع بالكاع
تيما.كافي عهد كافي
جريتها للسيارة وهي تهد وتنفلت وتريد ترجع ركبنا والهدوء سيد الموقف ثاني يوم الصبح عهد هدأت شويه
ريزان .بنات اكو مكتبة جبيرة وحلوة ترحون قريبة
تيما بحماس.واوووو اكيد نروح مو عهد
عهد ببرود .عادي نروح ماكو مشكلة
العصر بدلنا وطلعنا تمشينا لان كلش قريبة وصلنا وجانت كلشش جبيرة ومرتبة نفتر على كتب حلوه بعدين كعدنا على طاولة نقراا
عهد.
كاعده اقرا كتاب وسمعت صوت سامعته قبل رفعت رأسي اتاكد مت شكوكي انصدمت من شفت هذال والياس كاعدين بالطاولة المقابلة النه همست لتيما
عهد . تيما هذا مو هذال لو واحد يشبه اله
رفعت راسها وكالت .لا هو بشحمه ولحمه كوموا خلي نروح
فطم.اي بس هذا الكتاب اشتري لان حبيته وأجي
رجعنا للبيت اشبه بالركض عكس من اجينا نمشي بهدوء
(فطم)
فطم.اي عمو هذا الكتاب
فتحت الجنطه اطلع الفلوس وسمعت صوت وراي خله جسمي ينتفض وتوكع الفلوس من ايدي
الغيث.بلوعه حساب الكتاب علينا
التفت اشوف وينه ما شفت شي ضليت ادور بعيوني ماكو قطع صفنتي صوت ابو المكتبة
الرجال.هاي عمو كتبج
أخذتهم ودفعت الفلوس و ركضت للبيت اتلكني البنات شافني الهث ضلن صافنات عليه بخوف سولفت كلشي واني كوه اجر النفس
تيما.معقوله كلهم يجون سواا
عهد بصياح.شلون شلون وهم كل واحد بمنطقة شكل
فطم و زُهر.سالفه تدوخ
(عهد)
مر يومين واحنه صفنه تأخذنا وصفنه تجيبنا ودايخين اليوم قررنا نطلع للألعاب نغير جو المغرب طلعنا وتوجهنا للمدينة صعدنا العاب كومه وصلنا لسكة الموت التفت تيما بحماس
تيما.تلعبون!!!!
زُهر وفطم.لا لا
عهد.هههه ليش
زُهر وفطم.لا منريد
عهد بضحكة.تمام تمام يله امشي نصعد
ركبنا وجاي نشد الحزام سألت تيما:متحمسه لو لا؟؟
عهد:اكيددددد
تيما:خايفة بيستي؟؟
علي. ليش انتن هم تخافن
باوعت لتيما وهي هم والتفتنا لمصدر الصوت
علي.هااا شكو
يسار .راح تبدي اللعبة دوروا وجهكم
عهد وتيما بصوت واحد.شجابكم هنااا
علي ويسار بصوت واحد.رجلينا
التفت على ابو اللعبه :اوكف اريد انزل بطلت
الولد.خويه هي شنو راح تبدي اللعبه
عهد.اريد انزل هي بكيفك
يسار.نزلها يمعود لتكتلك
التفت على تيما .نزلي شنو تبقين
نزلنا و رحنا للبنات وياا جيتنا اجت زُهر وفطم ركض
(زُهر)
تمشينا بالمدينة لكينا فشار رحنا نشتري وكفنا يمه واحنه نسولف ونضحك
فطم.بلا زحمه اثنين فشار
رائد.مواتفقناً بعد ماكو هيج لبس
فطم .شلوووو سكتت من شفت الواكفً كبالي
رائد.مواحاجيج ؟؟
زُهر.هاي شجاكم متكلولي كل ساعه واحد طافر بوجهنا
زيد.ليش منو شفتي
فطم.لا حلوو يسوي روحه ميدري امشي خيه امشي
رجعنا للبنات صعدنا بالسيارة وكبل للبيت
عهد.هذوله متفقين علينا
تيما.اكيد ماكو غيرها
زُهر .والحل شنووو
عهد.لحظة بس.....الووووو
المتصل .السلام عليكم
عهد.عليكم السلام اهلا وسهلا
المتصل.جوازكم كمل والفيزا طلعت وطيارتكم ساعه اربعة العصر باجر
عهد.تمام مشكور ما قصرت
المتصل.تدللون مع السلامة
عهد.وهاي لكينا الحل
الكل .شنوووو
عهد.طيارتنا بالاربعة العصر باجر ننطلق
الكل بصوت واحد.كولي والله
عهد.ههههه والله
كمنا لمينا الجنط والاغراض ونمنا ثاني يوم مر الوقت سريع واجه وقت نطلع ودعنا البنات
ريزان .بعد وكت متبقون شبيكم
تيما.حبيبتي ما قصرتوا ويانا وصار لازم نروح
ريندا .بعدني مشبعت منكم
زُهر.نجي ان شاء الله
عهد.ريزان الباب الخلفي مفتوح مو
ريزان .ايي ليش راح تطلعون منه
عهد .اي لان السياره هناك
تيما بهمس .ليش اكو شيء
عهد .خلي نصعد واكلج يله بنات نصعد الجنط
صعدنا الجنط وصعدنا ومشينا مسافه مو كلشش بعيده وكفت السياره
تيما.ليش وكفتي
عهد .مو لنشوف الخروف شراح يصير بي
البنات صافنات عليه ومستغربات الكلام وكفن بباب البيت اربع سيارات سود عاليه نزل خروف واخوته وجماعه البصرة وبغداد والناصرية دكوا الباب طلعت ريندا مدري شنو حجوا وياها بعدين ضرب رؤؤف الحايط وصار كتلة نارشخطوا سيارتهم وراحوا
تيما بعصبية.عهد شكو شصاير فهميني ؟؟
قبل ساعه—
عهد.الووو
المتصل.سلام شلونج
عهد.عليكم السلام تمام منو وياي
المتصل.فاعل خير بس ردت اكلج ديري بالج رؤؤف مراقبكم ويدري بطلعتكم واني كتلج حته تاخذين احتياطاتج ادري بيج ذكيه وتعرفين تخلصين روحج وخواتج
عهد.منو انته غير اعرف .....الوووووو
الوقت الحالي—
تيما. نذل نذل
عهد .هذال
تيما.شبي
عهد .هو
فطم.هسى شبيج شنو اقساط كلامج شبي الولد
عهد بصوت عالي. هو هو الي خابر
تيما.شلون عرفتي
عهد.نظراته
زُهر.عيني ام نظرات الطياره طارت يله
رحنا للمطار وانطلقنا لحياة جديده ببلد جديد تاركين ورانا الف والف شغله يا ترى راح نرتاح لو راح نتعب لو الاثنين سواا المحطة الاخيرة وما ادراك ما المحطة الاخيرة.
__________________________
-حين تفقدين وجه طمأنينتكِ
ستنظرين إلى وجهي
إليَّ أنا ..
حينها سأعد لكِ الأرض كي تستريحي
لأني أنا ، أنا مَن يُحبُّك حَد التعب .
أنت تقرأ
حقيقة ما وراء دبي.
Action-قد تكون رحلتنا لها طريق متعب وعثر لكن الصدفه هي من تمردت علينا هذه المرة وكانت سيدة الموقف وحصل ما لم يكن بالحسبان .
