موطن ازلي

ثمانيه وعشرون

اتمنى تتفاعلون بتعليق 🩵

-

٢٨-

وكتمت مافي القلب الى ان فاضت ادمعي

اتجه مشعل للمجمع بنظره ان حالة مؤمل صعبه ويحتاج ملابس بشكل مستعجل حتى لو انها كم لبسه

التفت مؤمل وقال:وين ذا؟

طفى السيارة وطلع من السيارة:مجمع، يلا انزل

نزل مؤمل،وراح بشكل سريع جمبه،شابك كفه في كف مشعل
الي كان يراقبه بهدوء

فتح جواله وكتب ليحيى:يحيى

:بنروح مجمع..👁️،بس مؤمل ماسك يدي وش اسوي!

مشعل اكثر واحد يدري عن ظنون الناس،مايستبعد الان اذا ظنو ان موضوع مؤمل ومشعل غلط!

محد يقدر يحسن الظن،الناس كذا من اول نظره ياخذون افكار غلط

دون احترام لمشاعر الطرف الاخر..

حكم بدون علم ..يعتبره في قمة الجهل والهمجيه والغباء

دقايق ودخل يحيى،بالموت بعد مافجر مشعل جواله بالاتصالات
:هاه!

:مزعج

:خلك ماسك يده وش بيضرك؟☺️

كتب مشعل بشكل سريع ،ومؤمل يناظر في وجهه كيف قلب:
والناس!

:انا وانت اكثر شخصين ندري ان كلام الناس مايودي ولا يجيب!

زفر مشعل وكتب:مو علي

:انا ادري ان كلام الناس تافه ،على مؤمل..

رد يحيى :ترا مؤمل طفل وش فهمه بهالاشياء!

تنهد مشعل بتعب:طيب..
ما اعجبته الفكرة..مؤمل نقي جدا كنه قطنه من افكار المجتمع السائده..

دخل الجوال بجيبه والتفت على مؤمل:يلا؟
هز رأسه مؤمل

دخلوا المجمع جلسوا يحوسون في المحلات،شرى مشعل لمؤمل جوتي اسود رياضي ،وبعض الملابس الخفيفه مع البجامات

وهم يتمشون مؤمل كان يتمشى ببطء
دايخ حده ووصل. لمرحلة النوم وهو واقف
مشعل كان يسحب فيه هو والاكياس..اعتدل مؤمل بسرعه وفتح عيونه بقوة وهو يناظر للمحل الي كان مليان الوان زاهية

مشعل كان يراقب الموقف من بدايته ابتسم بخفه،مؤمل حاليا طفل..طفل اول مره يشوف الحياة !
طفل اذا شاف لعبه يوقف صنم قدامها،التفت بعد فتره لمشعل ورجع له قال بصوت خافت قريب من مشعل:عادي ندخل؟،بس ابي اشوف شيء جذبني