The Deepest(အနက်ရှိုင်းဆုံး)♡Completed♡

The Deepest 48

ရိ​ပေါ်အခန်းထဲပြန်ဝင်လာ​တော့ မနက်သုံးနာရီရှိ​နေပြီ ​ရှောင်းကျန့်ကိုလှမ်းကြည့်​တော့ ကုတင်​ပေါ်မှာ​ခွေ​ခွေ​လေးအိပ်​ပျော်​နေပြီ

သူကုတင်​ပေါ်အသာတက်ကာ အိပ်​မောကျ​နေတဲ့သူရဲ့မျက်နှာ​လေးကို​သေချာကြည့်မိ​တော့ အပြစ်ကင်းစင်စွာအိပ်​နေတဲ့သူရဲ့မျက်နှာ​လေးက တစ်ချက်တစ်ချက်တွန့်ချိုးလာပြီး ရှိုက်သံ​လေး​တွေထွက်ထွက်လာတာမို့ ငိုထားတယ်ဆိုတာ သိလိုက်သည်

အိပ်​နေရင်းတွန့်ချိုးလာတဲ့နဖူး​လေးကို သူအသာဖိ​ပေးရင်း ဆံပင်​လေး​တွေကိုသပ်​ပေး​နေမိတယ် တစ်ရက်​လောက်​တော့ အမုန်း​တွေဖယ်ထားပြီး ဒီလူသားမျက်နှာ​လေးကို တဝကြည့်ချင်ခဲ့တာ တစ်ချိန်က​မက်​မောစွာငေး​မောခဲ့ရတဲ့မျက်နှာ​လေးကို​လေ

မျက်နှာအစိတ်အပိုင်းတစ်ခုချင်းစီကို​သေချာလိုက်မှတ်​နေမိတယ် ​နောက်ဆိုသူကအများကြီးဒုက္ခ​တွေ​ပေးမိမှာမို့ အခုလိုကြည်လင်​နေတဲ့မျက်နှာ​လေးကိုထပ်​တွေ့နိုင်ပါ​တော့မလားမ​သေချာဘူး​လေ နဖူး​ပေါ်ကဆံပင်​လေး​တွေသပ်တင်​နေရင်း နဖူးမှာရဲ​နေတာကို​တွေ့သွား​တော့ ည​နေကသူအရမ်းစိတ်တိုပြီး ကားထဲ​ဆောင့်တွန်းလိုက်တဲ့အချိန် တံခါး​ဘောင်နဲ့တိုက်မိသွားတာကိုသတိရသွားသည်

ရဲ​နေတဲ့နဖူး​လေးကိုအသာအယာပွတ်​ပေးမိရင်းတစ်ဆက်တည်း ဟိုးရက်က သူလွှတ်ချခဲ့လို့​လှေကားကပြုတ်ကျသွားတဲ့ကိုယ်​လေးကိုသူပြန်မြင်​ယောင်လာတယ်

မိသားစုနဲ့ပါတ်သတ်ရင်စိတ်ဆတ်လွန်းတဲ့သူက အဲ့​နေ့က​သူအကြိမ်ကြိမ်ကြမ်တမ်းစွာဆက်ဆံလိုက်လို့ ​ပျော့​ခွေနေတဲ့ကိုယ်​လေးကို လှေကားနားထိ​​ခေါ်သွားပြီး အဲ့​နေရာမှာအားအင်မရှိဘဲကိုယ့်ဘာသာဘယ်လိုရပ်တည်နိုင်မလဲဆိုပြီး ဒီတိုင်းပစ်ထားကာ အခန်းထဲပြန်ဝင်ခဲ့တယ် နှုတ်ကလဲ ​*လှေကားနားမှာရပ်​နေဖို့​တောင်ဘာအင်အားမှမရှိတဲ့ငါ့ညီ​လေးကိုမင်းတွန်းချတုန်းက ဘယ်လိုခံစားရလဲတစ်လှည့်ပြန်ခံကြည့်လှည့်လို့* ​ပြောလိုက်မိ​သေးတယ် သူပြုတ်ကျပါ​စေဆိုတဲ့ရည်ရွယ်ချက်မဟုတ်ခဲ့​ပေမယ့် ​လှေကားက​နေပြုတ်ကျသွားတဲ့အသံကြားတဲ့အခါ သူအ​ပြေးအလွှား ဆင်းပြီးဖမ်းယူမိတယ် သူက​ကြောက်​နေရ​အောင်တမင်ထားခဲ့တာ​ပေမယ့် တစ်ကယ်တမ်းပြုတ်ကျသွားခဲ့တယ်​လေ