"ရိပေါ်"
"မယ်ရီ ဘာလာလုပ်တာလဲ"
"အော် ရိပေါ်ဆီအလည်လာတာလေ"
"ဘာလို့အလည်လာတာ"
"မယ်ရီကအခုမှတရုတ်ပြည်ပြန်ရောက်ခါစလေ အဲ့တာဒီနေ့ရိပေါ်ကိုအကူအညီလေးတောင်းမလို့"
"ဘာ အကူအညီ"
"မယ်ရီကိုလေ ဒီနေ့အချိန်လေးတစ်ရက်ပေးပါလား မယ်ရီသွားချင်တဲ့နေရာတွေလိုက်ပို့ခိုင်းချင်လို့"
ရိပေါ်သည်းခံနိုင်စွမ်းကုန်လေပြီ။မနေ့ကပဲအခုလိုအနွယ်တွေလာဆက်မှာစိုးလို့အပြတ်ပြောထားတာတောင်ရအောင်လာသေးသည်။ရုပ်ကိုကမိတ်ကပ်တစ်ပိဿာနဲ့ သူ့ကိုယ်သူကလေးနဲ့လာနှိုင်းနေရသေးတယ်။ကြည့်ရင်းနဲ့တောင် အန်ချင်တယ်။ကလေးရဲ့ဆံချည်မျှင်လေးတောင်မမှီပဲ့နဲ့။
"တက်စီငှားပြီးသွား"
"ရိပေါ်ကလည်း မယ်ရီကမိန်းကလေးလေ ပြီးတော့တရုတ်ကိုခုမှလာခါစဆိုတော့ အန္တရာယ်များတယ်လေရိပေါ်ရယ် လိုက်ပို့ပါနော်"
"ငါ့ကို နင့်ခိုင်းဖက်များထင်နေလား!!!!"
ရိပေါ်တစ်ယောက်ထိုသို့အော်ထုတ်လိုက်တော့ မယ်ရီသာမက ရိပေါ်ရင်ခွင်ထဲကရှောင်းကျန့်လေးပင်လန့်သွားရသည်။ရိပေါ်ဆိုတာ သူအရမ်းစိတ်တိုမှသာခုလိုအော်တတ်ခြင်းဖြစ်သည်။ရှောင်းကျန့်လေးမှာလန့်လည်းလန့်ရသလို ဝမ်းလည်းသာရသည်။ကိုကိုကသူ့ကိုအတော်ချစ်တာပါလားလို့လည်းစိတ်ထဲတွေးမိသွားသည်။
ဝမ်မားမားကတော့ဒီမိန်းကလေးကိုသူကြည့်နေတာကြာပြီ။အိန္ဒြေကိုမရပါ။သူ့မျက်လုံးထဲအတော်အမြင်ကပ်လှသည်။ဒါပေမဲ့သူကလူကြီးဆိုတော့အလိုက်အထိုက်လေးပြောပေးနေရုံပင်ဖြစ်သည်။ရောင်လာကတည်းကအပေါ်ထပ်ကိုချည်းကြည့်နေတာ အတော်ပင်မျက်စိစူးလှသည်။သားရိပေါ်က သားကျန့်လေးအပေါ်အတော်ချစ်တာသိပေမဲ့ ဒီမိန်းကလေးကိုသူမျက်မုန်းကျိုးနေသည်။ရှင်းရှင်းပြောရရင်သားရိပေါ်ကို ဒီလိုမျိုးမိန်းကလေးတွေနဲ့မပတ်သက်စေချင်။သူအစက သားရိပေါ်အတွက်အလွန်စိတ်ပူနေခဲ့ရတယ်။အကြောင်းအရင်းကအခုခေတ်မှာမိန်းမကောင်းဆိုတာရှားသွားပြီလေ။ထမင်းထုပ်ဆွဲပြီးလိုက်ရှာလျှင်တောင် ထမင်းထုပ်သာကုန်ချင်ကုန်သွားမယ်။သားနဲ့လိုက်မဲ့မိန်းမမျိုးကိုရှာလို့တွေ့ချင်မှတွေ့လိမ့်မယ်။သားကျန့်လေးလိုအရာရာဖြူစင်တဲ့သူလေးနဲ့မှသူကသဘောတူတာ။ဒါပေမဲ့တိုက်တိုက်ဆိုင်ဆိုင်ပဲ့သားရိပေါ်ကသားကျန့်လေးကိုမေတ္တာသက်ဝင်နေကြောင်း သူ့ကိုလိုက်တောင်းပေးပါကြောင်းပြောပြတော့ ဝမ်မားမားမှာထခုန်မိမတတ်ပျော်ခဲ့ရသည်။
YOU ARE READING
ကိုကို့ရဲ့အချစ်တော် (Complete)
Romanceငယ်ငယ်ကတည်းကကြိတ်ကြွေလာတဲ့လူသားဟာလည်းကိုယ့်ချစ်သူဖြစ်လာနိုင်ပါတယ်
