عناد اللي وده يفجر كل غضبه في فيصل : انت بس دق الباب
"سلطان اللي اخذ نفس وهو يدق الباب وتمنى ان حنان تكون بخير ، بعد ما استمر فوق العشر دقايق وهو يدق محد فتح والعيال اللي كل واحد بدا يفور دمه ، ناظرهم عناد بحده " شكلي راح اكسر الباب فوق راسه
سعود اللي خاف : يارجال استهدي بالله يمكن انهم طالعين
سند اللي لف لسعود : وسيارته اللي موجوده وش تسميه
سلطان اللي رجع بدق بطريقه اقوى شوي ، لين جاه الصوت وهو يفتح الباب ، العيال كلهم تجمعو وعناد اللي نطق اول ماشاف فيصل عند الباب: ساعه ندق وينكم فيه
فيصل اللي استغرب جيتهم : والله ماسمعت الباب " قرب وهو يسلم عليهم ويرحب فيهم ، والعيال اللي دخلو وهم ودهم يشوفون حنان ونطق سند " الا وين حنان
فيصل اللي توتر : الحينه اناديها
عناد اللي بدت ملامحه تهدا وسعود اللي تكلم : اجل انا انتظركم برع
سند اللي كان منتظر وهو على نار ، وحنان اللي دخلت عليهم وواضح عليها اثار التعب ، فز عناد وهو يقرب منها ويحضنها ووجه نظره كله لفيصل : علام وجهها كذا شاحب وش جاها يافيصل
فيصل اللي خاف : والله ما ادري صار لها يومين تعبانه وعلى هالحاله
سند اللي بدا يفور دمه هو وسلطان ونطقت حنان من شافت حدت ملامحهم : ياعزوتي والله مافيني شي بس تعب خفيف
سلطان وهو يناظر فيصل : وانت وش شغلتك دامها مريضه ليه ماتخذها المستشفى شوف التعب كيف واضح عليها
فيصل : يشهد الله اني حاولت فيها بس هي عيت تروح معي
سند اللي لف لحنان : ماهوب على كيفك سامعه لازم تنتبهي لصحتك
حنان اللي ابتسمت : والله مافيني شي واحس اني صرت احسن من شفتكم " قربت وهي تحضنهم وفيصل اللي ماحب يجلس وبعدها طلع عشان ياخذو راحتهم ، جلست حنان وبعدها جلسو ونطق عناد وهو يشد على يدها : حلفتك براسي ياحنان وشلون فيصل معك ، علمينا وين اختفيتي اسبوع لاتردي علينا ولا زرتينا ولا عرفنا وش حالتك
سند : اسمعي ياحنان احلفك باغلى ماعندك انك تعلمينا الحقيقه ، لاتخافي من اي شي حنا وراك ماراح نتركك سندك ومركاك بس قولي
حنان اللي تحجرت الدموع في عيونها وهي تنطق بفرحه : والله اني بخير والحمدلله ا، وفيصل معاي زين ومو مقصر معاي بشي وانتو عارفين اني مستحيل ارضى بالذل او بالاهانه وانتم عزوتي ، انتو بس تطمنو ، واذا على غيابي اعذروني وان شاء الله اني نازله الاسبوع ذا
عناد اللي باس راسها : الله يكتب لك السعادة ياحنان ياحنية البيت
سلطان : اجل ماودك تسوي لنا من الشاي حقك
سند اللي ضربه : انت ماتشوف ان البنت مريضه
حنان اللي فزت : والله ان يجيك احلى شاي انت ابشر بس
سلطان اللي ابتسم : تبشرين بالجنه
طلعت حنان وبعدها دخل سعود ونطق عناد : ها وش قلتو!حنان صادقه باللي قالته!!
سند : حسيت من كلامها انها صادقه وش قولك انت
عناد : مدري والله بس اتمنى انها بخير واللي قالته صدق
سلطان اللي كان يهوجس وسعود اللي مافهم شي وتمنى تكون بخير وسند اللي مسك كتف سلطان : وين سرحت
سلطان : الحمدلله واضح من عيونها انها بخير
سند: شلون عرفت
سلطان : اعرف حنان من عيونها اذا كانت مرتاحه ولا لا وواضح انها مرتاحه وسعيده اللهم لك الحمد
" دخلت حنان ومعها دلة الشاي وهم متغطيه زين وفيصل اللي يصب للعيال نطقت حنان بخفوت : وشلونك ياسعود وشلون عمتي وعمي
سعود وهو يناظر الارض : الله يسلم كلهم بخير يسلمو عليك
حنان : الله يسلمهم من كل شي
" بعد ماشربو الشاي واخذوها سوالف وقف عناد وهو ينطق " اجل حنا نستاذن
فيصل وهو يمسك يد عناد : وين رايحين في ذمتي ان عشاكم عندنا
سند : لا ياخوي خلها مره ثانيه ، وحنان تعبانه وين لها شده تطبخ
فيصل : ماعليك نجيب من برع اجل اهمشي ماتطلعون من عندي الا ومتعشين ماهيب حلوه مني اخليكم تروحون بدون عشا
حنان : اي ياعزوتي
عناد اللي ابتسم من كلمتها : خلاص تممم مانقدر نقول شي
فيصل اللي ابتسم وبعدها طلع : عشر دقايق والعشا جاهز
"جلسو العيال وحنان جلست معهم وعناد اللي كان محاوط يده على كتفها ونطق بضحكه " حيا الله حنان
حنان اللي استحت: حيا الله عمي الغالي
سلطان اللي كح : ترى حنا مامشينا يعني قلت اذكركم
عناد اللي ضحك : درينا يالغيور
سعود اللي ابتسم وهو فرحان انها سعيده بحياتها وسند اللي اخذته السوالف معاهم وماهي الا ربع ساعه وفيصل يجي وبعدها قدم العشا وتعشوو وبعد العشا اخذتهم السوالف ونطق سلطان : انا عندي كم شغله اخلصها وبعدين نمشي
سند اللي فهم عليه وحب يمزح معه : تحتاج اجي معك
سلطان اللي وقف بضحك : انت خلك مرتاح
الكل اللي فهم هو وين رايح ونطقت حنون : وش العلم علامكم تتهامسون
فيصل : ماتشوفي له ساعه يرسم بالشماغ يعني وين رايح
حنان اللي فهمت : في ذمتك
فيصل : اي بلاه
حنان اللي ضحكت : واضح اخوي طاح ومحد سما عليه
فيصل اللي همس : اخوك مثلي محد سما علينا
"حنان اللي استحت وهي تاخذ الاكل ، وبعدها العيال رجعو ياخذونها سوالف وطقطقة على سلطان "
YOU ARE READING
كيف اكتب الشعر وعيونك قصيد
Poetry"ان كان حبي لك هو اعظم خطاياي م اقول ي نفسي عن الحب توبي "
