دخلت الهام للدار وهي تحك في راسها لي ضرباته وتدعي انو واحد ماشافها...بينما كاين زوج مطرطقين بالضحك عليها ...آدم واياد...
راح آدم لعند محمد بش يعاونو، شاف فإياد وقال
آدم:بلاك تروح هك ولا هك...ريح هنا ولا ياكلك الوحش
اومئ اياد ليه وباسو آدم من كمية الكياتة وجا محمد قال بابتسامة
محمد:هادا هو ايادو الصغير؟
راح اياد تخبا مور آدم بعد ماسيا محمد يتوشيه وقال آدم بفضول
آدم:كيفاه عرفت ؟
تبسم محمد ووقف وشاف فآدم وقال بابتسامة ماكرة
محمد:بلا ماتطلع وتهبط الحسابات كنت نحكي مع بنت عمنا وجكاتلي عليه ...ماراحش نقتلو ماتخافش ...حتى واذا كان هاد الدار حبس ليها بصح جامي لاراح نآذي فرد منمي ولحمي
كمش وجهو وقال وهو يح س فالكراطن هادوك
آدم:صيبون فهمنا بلا ماتزيد فالاشعار تاعك وااقوال المأثورة يالفنان
ضربه محمد فظهره وقال
محمد:نرسم مانغنيش !
ضحك ادم وهو يمسح على البلاصة لي نضرب فيها
آدم:صحا يابيكاسو ...همم ...كش تطور فخدمتك ؟
رفد محمد هادوك الكراسى بش يبدا يسقد فيهم مع تنهيدة وقال
محمد:ماشي بزاف...راني نبيع في طابلو كل شهرين
حرك راسمو آدم وكمل قال
آدم:وش رايك تحل معرض لتم فألمانيا ؟
تبسم محمد وبدا يضحك باستهزاء وقال
محمد:هنا فالدار راهم حابين يخرجوني من العايلة بسبة خدمتي وفوق هادا ندي دراهم بش نحل معرض ؟ ماتتمسخرش
بلاصا آدم هادوك الطوابل برجليهم وقال
آدم:ماشي لازم من عندهم ! نقدر نعاونك ان. بواش عندي ونشوفو شكون يقدر يعاونك ...
خزر فيه محمد وقال
محمد:كي يفوت العرس راح نحكو ...
اومئ آدم ليه وجاه صوت تع إياد الفضولي
إياد:وش هو المعرض ؟
سبقه ادم وقال
آدم:يشبه لحانوت كبييير فيه الرسومات ب تقدر تشوفهم وتاني تشريهم
حرك إياد راسو بتفهم وضحك محمد على فضول هاد الطفل وقال
محمد:يبان شاطر هاد الطفل
آدم:شاطر كي خالو
سكت محمد وقال
محمد: خالو ؟ علاه خوها نتا ؟ ماماشي نورمالمو وليد عم يماه؟
خزر فيه آدم وقال
آدم:اسكت اسكت صباح برك كنت نتدابز معاه فهاد الالقاب ... خليها فالخال خير
أنت تقرأ
الوريثة الوحيدة (باللهجة الجزائرية)
Romance❗كرونيك جزائرية ❗ النوع:غموض -اكشن-دراما-رومانسي-جريمة وش راح يصرا نهار نولي للدار لي حاولو يقتلوني فيها علاخاطر انا هي الوريثة الوحيدة لأكبر ابن فالعايلة ؟ واهم من هاد الشي...كامل حابينني نموت...
