رواية عشقت مجنونة الجزء الثالث

البارت الثالث عشر

رواية عشقت مجنونة الجزء الثالث للكاتبة آية يونس الفصل الثالث عشر

بين طيات الورود يسكن لقائنا، ( )
اتجهت يارا لترد على هاتفها الذي يرن بلهفه وخوف على أختها هدي...
يارا بسرعه: الو...
معتز بخبث على الناحيه الأخري: هو انتي مفكرة يا روح امك لما تروحي تقولي للجن الأزرق ان اختك مخطوفه إني كدا هديهاله!

يارا بخوف وصدمه: إيه!
معتز بخبث وشّر: وأقسم بالله يا يارا لهوريكي الويل من انهاردة يا روح امك، وعشان الحركه اللي انتي عملتيها دي، جهزي نفسك كتب كتابنا انهاردة بالليل، هتشوفي الجحيم بعينيك يا يارا، أنا بقي هربيكي يا يارا عشان تفكري تروحي لأي حد تشكيله مني...

يارا بغضب شديد وتحدي هي الأخري: انت مفكر أن انا الجاريه بتاعتك يا روح امك ما تفوق لنفسك وأقسم بالله انا بقي دلوقتي هروح اقول لأبويا عنك وهقوله أن خطيب بنتك هو اللي خطفها دا غير أن ابويا وامي يا عيني مناموش من امبارح بسببك وبسبب أنهم بيدورو على بنتهم وراحو القسم والعيله كلها عرفت وبتدو معاهم فما بالك بقي لما اقولهم أن انت اللي خطفتها شكلك هيبقي ايه قدام كل العيله يا ابن الكلب يا قذر...

معتز بخبث شديد: وماله يا حببتي روحي اعملي كدا، عشان اخلي اختك مراتي بجد بقي المرادي، روحي يلا مستنيه ايه، بس وحياه امك وابوكي ما هتشوفو ضفر هدي بعد كدا، هتختفي نهائياً من حياتكم وحتى الشرطه مش هتلاقيلها مكان لا في مصر ولا بره مصر...

يارا بخضه شديدة وخوف: قصدك، قصدك إيه!
معتز بخبث شديد: قصدي متلعبيش مع اكتر واحد فاهم دماغك وهيكسرهالك برضه لما اتجوزك، هو انا مقولتلكيش، اصلك دخلتي مزاجي اووي والبنت اللي تدخل مزاج معتز الدمنهوري مش بتطلع منه بالساهل، اشوفك بالليل يا قطه...

قال جملته بخبث واغلق الخط في وجهها بخبث...
اتجه معتز إلى الفندق إلى احتجز به هدي، فتح الغرفه ودلف ليجدها متكوره على نفسها ببكاء وخوف شديد منه وقد خرج شعرها الطويل العسلي من حجابها ليدلي على كامل جسدها وهي تضم ركبتيها إليها في منظر جذاب للغايه لمن يراها...

اتجه معتز إليها بخبث وجلس على السرير، ليردف بأمر وهو يقترب منها بخبث: بصي بقي يا روح امك، هتنفذي اللي هقولك عليه بالحرف هخرجك من هنا سليمه، هتشغلي دماغك زي اختك هعمل فيكي أوسخ من اللي هعمله فيها، مش هخلي فيكي حته سليمه...

هدي بخوف شديد وصدمة: ع، عاوز ايه مني!
معتز بخبث وهو يخرج هاتفه ويضع شريحه أخري فيه: هتكلمي ابوكي وأمك هتقوليلهم إن انتي هربتي بمزاجك عشان مش عاوزة تتجوزيني، وهتقوليلهم انك عند عشيقك وميدوروش عليكي...

شهقت هدي بصدمه شديدة مما تسمع، ثواني واردفت بغضب: لا طبعا مستحيل اعمل كدا مستحيل أخلي رأس ابويا في الطين حتى لو هتقتلني يا قذر، اقتلني وقطعني كدا لكن إنك تمس شعره من رأس ابويا أو امي أو اختي دا مسمحش بيه ابدااا...