قتـام الـود

البـارت الثانـي

ما مرتاح عيوني تستحي بس الدموع وكاح .

قتــام الـود
بقلمي ريـــبـال ♥.

لاتنسون التصويت والتعليقات بين الفقـرات

قراءه ممتـعه...
_____________________________________♡•

كاعدة بغـرفه أمـي مخلية رجل عله رجل وأفكر بهدوء بعيداً عن الهوسـه
سمعـت صوت عياط كمت كعدت

شهـد:-اسم الله تخبلو

كمت بسرعـه نزلت جوه طايره
شهـد:-شكو شبيهن
ريام:-آدم بالمستشفى

فتحت حلگي مصدومه اباوع عله عمه فرحـه الي ملخه روحهة بس
شهـد:-بي شي
نواره:-ماندري

بقينـه بقلق بس الف الحمدلله من اجو وريحو كلب امـه
اول مافاتو شهـم وفهـد كامت عمه تركض

فرحـه:-ها يمه ابني
شهـم:-سالم ينظر عيني
فرحـه:-اخذنٓـي مااريد حجي اريد اشوفه اني
شهـم:-بعيـوني والله يله امشي

لبست عباتهة تركض ووكفـت عله راسه خطيه شكلهة يكسـر الخاطر

شهد:-يله الحمدلله نونه راح اروح انام مانايمه
نواره:-روحــي ياروحيي

ابتسمتلي وصعدت وبقيـت اني
ياهو الي يهدي بالي وعيونـي شأفته تعبان!..

بقيت الوب يمهم لحد مأكل واحد راح المكان
طلعت بره الدنيا غروب شكد حلو

نواره:-بـس اريد افهم ليش هيج احبه؟

دنكت راسـي مبتسمه بس إجت ببالي صورته
ولَك اخجل حته من طيفـك

تمشيت يم الورد المخلي عمو أسـد علمود شهـد
بس كالت أحب الورد الحديقة انترست

ويلومني أحب ابنه شفايتلي وبنتي تلكه هيج حب وحنيه

خليت حجابي عله جتافي وأتمشه سارحـه
لحد ماسمعت صوت الباب نفتح تعلكت عيني عليه
بس شفته فات والوحده ضحكتي شكت حلكي

باوع عليه وانطاني ظهرة أتعجبت شبي؟
حجه بنبره عياط

شهـم:-شعرج نـور

بلعت ريك فشلانه وخليت حجابـي عله راسـي

من فشلتي بعد مااريد ابقه يمه انداريت أفوت وصاح عليه

شهـم:-وين يابعد سنيني

وكفت بمكاني مغمضه عيوني
شهـم:-التفتيلي شو

نداريت عليه عيوني مدمعه
شهـم:-چؤؤ يبعد عيني وماي عيني امسحي عيونج

يحجي وياي بحنيه مايدري يخلي دموعي تزود
شهـم:-شبيج بابا

بلعت غصتـي وكوه طلعت منـي الحجايه
نواره:-مابيـه شي
شهـم:-عليه؟
نواره:-لاصدك
شهـم:-احجي لاتشلعين كلبي