🌹 بيان النصر 🌹 بقلمي انا 😍 شمس الغريب 😍
البارت 610
من بعد الليلة لي مرات على فتيحة صعيبة بقاو معاها وليداتها ضايرين بيها باش ما تديهاش فيه وتنسى زبايلو لكن هادشي ما غير والو واش غادي تبقا كل مرة يجي ليها يا للدار يا المحل
فاقت الصباح كما العادة توضات وصلات صلاتها وللكوزينة دخلات كتحاول ما تقرقبش عارفة فتيحة مشات للخدمة منير غادي يكون غير فبيته بحكم الويكاند وحمزة وايناس جابدين عليها فالصالون كيف دخلات للكوزينة وجدات الفطور اتاي حليب وقهوة مسمن وبطبوط كاع لي كاينة جبداتها مكبرة بمراة خوها وخوها طبعا ستفات كلشي فوق الطبلة لي تما عاد مشات للبيت لبسات سروال ديال الدجين اسود مع قبية واسعة بالرمادي بارد فيها كتابة بالاسود والابيض شعرها جمعاته كعكة مهملة لبسات صنيديلة ديال الصبع فالاحمر مبينة رجيلاتها البويض هزات صاكادو ديالها وخرجات
لي دازت من جنبه كتحييه وتبسم فوجهه حتى تصادفات مع الحاجة السعدية قربات منها خدات يديها باستها وتبسمات فوجهها
فاطمة بفرحة" مي السعدية كيييف راااك تووحشتك
ح.السعدية" ياااا البااانضية حولك كطلي عليا
فاطمة بابتسامة" وااا مااا بغيت نجي حتى نكمل ليك القفطان والبيجامات لي بغيتي
ح.السعدية" ايييوة حتى نتي غييير دووزي شوووفيني
فاطمة قبلات يديها" عشية نجي نجلس معاك ااا الحبيبة
ح.السعدية" مرحبا بالحبيييبة ديالي نييت توحشت نجمع معااااك ياا زينة البنات
فاطمة كتشوف ياكما عندها شي ثقل" يااااكما مثقلة نهز معااك عااد نمشي للمحل
ح.السعدية" لاااا لااا ا بنتي غير سيري لا تعطليش راني مشيت غير سرحت رجليا وجبت مسيمنات من عند فتيحة نفطر بيهم سخانين
سلمات عليها فاطمة ومشات كدير ليها باي باي" يالااه اااا مي السعدية بسلامة انا غادي ندوز عليها ونمشي للمحل حتى انا
مشات وكلشي كيشوف شحال هاد البنت باقي صغيرة ولكن كلها طاقة اجابية وكتفرقها على المحيط لي ضاير بيها مشات عند فتيحة سلمات عليها وقالت ليها باش تمشي تفطر معاهم جات حشومة ومشات هي للمحل ديالها حتى فالسوق نفس الحيوية والنشاط حلات وقادات مسائلها ورشات معطر بنكهة الورد وجلسات كتخدم بكل حماس وحيوية
فالمقابل فتيحة رصات الامور فالمحل وتوجهات للبيت ديالها حلات الباب لقات ايناس كدوز جفاف غير شافتها حطاته وجات سلمات عليها بابتسامتها المعهودة من نهار تزوجات ب حمزة" ماما فتييحة لباس عليك كيف صبحتي
فتيحة بادلاتها الابتسامة" الحمد لله اا بنتي ونتي نعستي مزيان
ايناس" اااه الحمد لله فقت لقيت فاطمة مشات واااقيلة وجدات الفطور ومشات حمزة ومنير باقين ناعسين قلت ارا نجفف الدار ونسيق الحمام
أنت تقرأ
🥰 قصة بيان نصر 🥰 بالدارجة المغربية
ChickLitالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
