ولم يكُن لقائٌنا إلاَ بِداية حكايتُنا

البارت"2"

لمى :زينه الحمد الله وانتي اخبارك واخبارك عمتي ام سعود
المها :زينين الا صح سمعت انك بتتزوجين قريب
لمى :ايه ان شاء الله وترى لازم تجون
المها :اول الحاضرين ان شاء الله،،، يلا ما طول عليك حبيبتي اخوي ينتظرني
ودعتها المها ورجعت جلست عند سعود
سعود :خلصتي سواليف ماشاء الله عليكم يا الحريم ما توفرون بكل مكان وزمان لازم من سواليف
ضحكة المها وكمل سعود والحين يا استاذه المها ممكن نكمل عن الموضوع يلي جاين عشانه
المها :اسمعني يا سعود اهمشي لا تعصب ولاتسوي شي حتى نحل الموضوع وبعدها سوا يلي تبيه
اهمشي لاتتهور
سعود :تكلمي اول وبعدين
المها : يوسف يا سعود من بعد زواجنا كلمني وقال شرايك نسوي انا وانتي مشروع وقال ان هو بيتكفل بكل شي
بس يلي يبيه انه انا اعطيك نص مبلغ المشروع في البدايه ترددت وكنت برفض بس يوم قال لي
عن طبيعة الشغل تحمست وماهو نقص فلوس لا والله ياخوي بس انا من تخرجت وانا قاعده بلبيت
وحصلت شي يملي يومي
سعود :طيب اذا كنتي موافقه ايش يلي مضايقك
المها تنهدت وكملت :يلي مضايقني يا اخوي ان جاب لي اوراق كان محتاج توقيعي عشان نبدا هلمشروع
بس يوسف الطماع حط مابين الاوراق ورقه بيع وشراء الاسهم وخلاني اوقع عليها من غير مادري
سعود ويلي عدل جلسته وعقد حواجبه :اي اسهم؟
المها :اسهمي يلي بشركة ابوي ويوم اكتشفت الموضوع قال لي انه سوا كيذا عشان يحافظ على اسهمي
وان حقي موجود بس انه الفرق انه اسهمي انتقلت باسمه هو ومن الواضح يا اخوي ان يوسف
ماخذني عشان حلال ابوي لاغير
سعود ويلي ملامح الغضب بدت تبان عليه :يا قليل الاصل وانتي بعد ليش ماقريتي الاوراق قبل لا توقعين
المها :في البدايه قريت بدايه الاوراق بس للاسف يا اخوي كنت واثقه فيه بزياده بحكم
انه ينقاله زوجي ادري بتقول هاذي شفيها الثقه عندها بريال
سعود :الحين ما نقدر نسوي شي لازم نسكت عنه حتى نقدر نثبت انه خلاك توقعين
بدون علمك ولازم ندور على محامي في اسرع وقت
المها : ايه انا فكرت كيذا بعد
سعود : وترى ابوي لازم يدري عن الموضوع
المها : مانقدر نحلها بدون لايدري ابوي ؟
سعود :واذا داوم يوسف الشركه هذاك الوقت ايش نقول لابوي
المها :تمام بس ابوي واذا حليناها بعدين نقول للباقي بكل القصه
سعود : المها
المها :لبيه
سعود وبحده :متاكده بس هذا الموضوع مافي شي غيره؟
المها :عارفه شتقصد لاتخاف علي يا اخوي تراني اخت سعود تنقص ايده
قبل لا يمدها علي
ابتسم سعود :كفو والله يا اخت سعود
المها :اجل امش خلنا نطلع لشركة ابوي ونقول لها عن الموضوع كامل
سعود :يلا امشي
خذو اغراضهم وطلعو واتجهو لسيارتهم
في نفس الكوفي من بعد ما ودعت غُرور وخذت منها كل القضيه خذت اغراضها
وطلعت لسيارتها شغلة السياره وحركة على طول لمكتبها
~عند غلا~
بدو الرجال يملون البيت ودكتور فيصل واهله اوصلو
غلا نزلت وسلمت على ام فيصل واخته ملاذ
بدو ام فيصل وام عبد الله بسواليف واخذ الاخبار
ام فيصل ويلي كانت واضح على وجها عدم الرضا بس ساكته
عشان ابو فيصل وعشان فيصل بعد
ملاذ :ماشاء الله يا غلا طالعه قمر اليوم
غلا واكتفت بانها تهز براسها وتنطق:شكرا
ملاذ ويلي تحاول تفك سواليف مع غلا : انتي محاميه يا غلا صح
غلا :ايه محاميه
ملاذ :يلا زين تصير عندي محاميه بلبيت وكل من هب ودب ارفع عليه قضيه
ابتسمت غلا من كلامها : ابشريبي انتي اشري بس مايبيت الا بسجن
ملاذ ابتسمت :كفو والله هاذي زوجة الاخ صح
بدت سواليف دور حولهم حبه حبه لحتى ما نادى ابو عبد الله
على غلا عشان توقع استاذنت منهم ودخلت المقلط ناظرت بلكتاب يلي بيد
عمها لمعت عيونها ومد لها القلم ووقعت غلا ورسميا صارت زوجة الدكتور فيصل
شاف دمعتها يلي على خدها : تهون يا بنيتي تهون وان شاء الله انه فيصل قد وعده لعبد الله
امسحي دموعك يا بنت الغالي
مسحت دموعها وحضنت عمها وباركلها :جهزي نفسك يقول ان طيارتكم بليل
والله ماودي انه تطلعين من عندي يابنيتي بس هاذي هي سنة الحياه
هزت براسها واستاذنت من عمها وطلعت لعند ام فيصل وملاذ
~في مجلس رجال ~
دخل ابو عبد الله وباركله
ابو عبد الله :لااوصيك عليها يا فيصل تراها غاليه علينا
فيصل :لاتوصي حريص يا عمي وغلا بلعين
ابو فيصل : لاتخاف عليها يابو عبد الله من الحظه هاذي اعتبر غلا ببيت ابوها
وطول ما راسي يشم الهوا غلا ما ينقصها شي
ابو عبد الله :ماتقصرون والله
ابو فيصل :اجل احنا نستاذنكم وبنجيكم ان شاء الله بالليل وناخذ بنيتنا معنا
ابو عبد الله :على خير ان شاء الله
استاذنو وطلعو وغلا يلي من طلعو اتجهت لغرفتها وبدا صياحها يزيد
وقفت من شافه مكالمة فيديو على سناب مسحت دموعها وعدلت جلستها وردت على لمى
لمى :افا عروستنا شفيها
غلا ويلي اكتفت بسكوت
لمى: نقدر نقول الحين صرتي حرم فيصل
غلا هزات براسها
لمى :الف مبروك يا قلبي
غلا:الله يبارك بعمرك
لمى ويلي تحاول تغير نفسيتها لان من اتصلت عليها وهي ساكته :تدرين
غلا :شنو
لمى وهي مبتسمة :على اساس اني بوقف قضايا بس ضي اخت رنا صديقتنا دقت علي
ولزمت علي اني استلم قضيتها وانا انحرجت منها وخذيتها وعلى فكره لو ما امداني
بسلمك للموضوع كامل وابلشك فيه
غلا مسحت وجها :عيوني لك ابشري بس قوليلي ايش هي قضيتها
لمى : هاذي وحده اسمها غُرور بنت خالد ال صارم قصتها الله يسلمك شاكه بان امها حاليا مو امها الا مو شاكة متاكده
وتقريبا قدرت تاخذ اسم امها والحين قاعده ادور على اي احد ممكن يساعدني تخيلي ابوها الله لا يسامحه
هو كان متزوج ثنتين وكلهم خلفو بنفس اليوم زوجة خديجة خلفت بس بنتها توفت ونوره خلفت بس
انهم بدلو بين ثنتين واعطو خديجة بنت نوره والحين ومن بعد ما كبرت قدرت تكشف حقيقتهم
غلا :طيب ايش اسم امها ممكن اقدر اساعدك ؟
دقيقه ارسلك الاوراق يلي ارسلتها لي
غلا فتحت جوالها ثاني وبدت تقلب بين الصور بس جذبها اسم ابو نوره يلي ما كان
غريب عليها :مُلهم ال شجاع
لمى :ايه شفيه
غلا :هذا صاحب الشركة يلي انا اشتغلت معاهم اخر مره
لمى وبحماس :احلفي
غلا :مابي احلف بس نفس الاسماء بضبط
لمى :طيب هو عنده بنت اسمها نوره
غلا: دقيقه اتاكد ،،دخلت على ملفات عشان تشوف اسماء عياله
وبلفعل شافة اسم نوره من بينهم ،،،ايه عنده بنت اسمها نوره
لمى:احبك احبك ياخي وش ذا انقذتيني وانا لي ساعه احوس ادور على اي شي
ممكن يوصلني لها
ضحكة غلا : يا الله والله لو هي فعلا بنت نوره ياسعد عينها بجدها لطيف لطيف مره
لمى :يارب مثل ما تقولين لانها فعلا كسرة خاطري وهي تشكيلي معناتها مع خديجه ويلي يقولون عنه
ابوها ،،طيب عندك عنوان لهم
غلا :عندي عنوان شركة الجد بس
لمى : ياليت ترسلينها لي
ارسلتلها غلا العنوان
لمى وهي تضحك :شكلها بتكون اسرع قضيه وش ذا توني مسكة القضيه حتى ما عدها 24ساعه
من خذيتها
غلا :والحين ايش بتسوين ؟
لمى :بدق على شركتهم واحط لي موعد معهم اليوم
غلا :الله ييسرها
لمي :الا متى بتجيني الحلوه ؟
غلا ابتسمتلها :اليوم ان شاء الله اكون بدمام
لمى : تنورين يا قلبي
غلا : بنورك
لمى :يلا انا استاذن خليني اخذ موعد منهم واقابله اليوم
سكرت لمى وبلفعل دقت على رقم يلي ارسلتها غلا لها
وبلقوه خذت موعد معاهم اليوم لانها قالتلهم الموضوع ضروري جدا
ويخص بنته نوره بدت تخلص اخر اوراقها يلي موجوده قدامه وبعدها
سكرت مكتبها وطلعت تتوجه لشركه ال شجاع
~في شركة ال سليمان ~
سعود:وبس هذا يلي صار
ابو سعود :اصلا حصة المها في شركة صغيره مره ومرح يضرنا بشي
المها :بس انا ابي اخلعه يا يبه مابي اقعد عند يوم واحد طامع في حلالنا ماتزوج
عشاني انا
ابو سعود :اكيد مرح اخليك عنده بس لازم تسايرينه حتى القى محامي شاطر
ونجمع ادله عليه
المها :ان شاء الله يبه
سعود وبحده للمها:اسمعي حطي كاميرات في البيت كله وحطي رقمي بطوارئ
في حال تعرضلك دقي علي
المها وهي مبتسمه :لا تخاف علي يا خوي تراه طامع بحلالي بس مافي شي غيره