Unicode ✅
-HOW TO DATE WITH SINGLE FATHER-
မနေ့ကညလုံးပေါက် သောက်ထားတဲ့အရှိန်ကြောင့် ဆိုးကျိုးကတော့ ဒီမနက် သူ့ခေါင်းတစ်ခုလုံး ထိုးကိုက်နေတာပါပဲ။ အိပ်ယာပေါ်က ဖုန်းကိုယူကြည့်လိုက်တော့လည်း ခေါ်ထားတဲ့ ဖုန်း Call တွေမှာမနည်း။ ဘယ်သူတွေ ဆက်ထားသလဲ သူကြည့်မနေတော့ဘဲ ရေချိုးဖို့သာပြင်လိုက်တော့၏။
ခေါင်းပေါ်ကနေ ရေချိုးချလိုက်တော့မှ သူ့တစ်ကိုယ်လုံး လန်းဆန်းသွားသလို။ ရေချိုးပြီးအချိန်မှာတော့ ပေါ့ပေါ့ပါးပါးဖြစ်မဲ့ ဝတ်ဆုံကိုယူဝတ်လိုက်ပြီး အကိုက်ခဲပျောက်ဆေး တစ်လုံးယူသောက်လိုက်သည်။
နောက်တော့ မနက်စာစားဖို့ကြံကာမှ အိမ်ရှေ့က ဘဲလ်မြည်သံကြောင့် တံခါးအားဖွင့်ပေးလိုက်တော့ တခြားသူမဟုတ်။ Aryan ပင်။
“ဒေး ညကသောက်ထားတာလား”
သူ့ပုံစံကိုကြည့်ပြီး မေးလာတဲ့ အာရန် အမေးအား ခေါင်းသာညိတ်ပြကာ သူမနက်စာပြင်ဖို့လုပ်တော့ အာရန် တစ်ယောက် သူ့ဘေးကို ရောက်လာလေရဲ့။
“မင်းဘာသာ သွားထိုင်နေ ငါဒီမှာမင်းနဲ့အတူတူစားဖို့ မနက်စာ ဝယ်လာတယ် ငါထည့်လာခဲ့ပေးမယ်”
“မင်းပဲအားကိုးရတယ်”
“ခိုင်းကောင်းအောင် မပြောစမ်းပါနဲ့ကွာ”
နှစ်ကောင်သား ခပ်ဟဟရယ်ရင်း မနက်စာအတူတူစားဖို့ လုပ်တော့သည်။ ဘာပဲပြောပြော သူ့ဆီမှာ အာရန် တစ်ယောက်ရှိနေတာက ဘုရားသခင်ကပေးတဲ့ လက်ဆောင်ပါပင်။
စာပွဲဝိုင်းထက် ရောက်လာတဲ့ မုန့်တွေကိုကြည့်ပြီး သူ့ခပ်ယေးယေးသာ ပြုံးလိုက်မိတယ်။ ဒီကောင်အမြဲ သူ့အကြိုက်ကြီး ဝယ်လာတတ်တာ။
“ဒါနဲ့ မင်းညက ဘယ်ပါတီတက်ထားလို့လဲ မင်းကြည့်ရတာ အများကြီး သောက်ထားပုံပဲ”
“ဘယ်ပါတီမှ မတက်ဖြစ်ဘူး အိမ်မှာပဲသောက်တာ”
အဒေးအဖြေကြောင့် အာရန် တစ်ယောက် သူ့ဦးနှောက်အား အလုပ်ပေးကာ ။
“မင်းစိတ်ညစ်စရာရှိလို့လား”
“စိတ်ညစ်စရာလား ငါ့မှာ စိတ်ညစ်စရာက အမြဲရှိနေတာလေ ဘာထူးဆန်းလို့လဲ”
![After Being Turned Into a Dog [Translation - U+Z] by 4am_mushroom](https://img.wattpad.com/cover/274157184-80-k695737.jpg)
“ငါပြောချင်တာ-”
အာရန် ပြန်ပြောဖို့လုပ်နေချိန်မှာပဲ အခန်းတံခါး ဘဲလ်တီးသံကြောင့် ထိုင်ရာကနေ ထသွားကာ တံခါးသွားဖွင့်လေသည်။ နောက်တော့ မျက်နှာမအီမသာနှင့် ပြန်ရောက်လာတဲ့ အာရန်ကြောင့် သူ့အနောက်သို့ကြည့်လိုက်တော့ အာရန်နောက်၌ ပါလာသူမှာ ကိုကိုပင်။
“ကိုကို”
သူခေါ်လိုက်တော့ သူ့ကိုတစ်ချက်ကြည့်ပြီး သူ့ဘေး၌ ဝင်ထိုင်သည်။ နောက်တော့ လက်ထဲက ဘာထုတ်မှန်းမသိတဲ့အထုတ်အား သူ့စာပွဲပေါ်၌ ချပေးပြီး ခပ်တည်တည်ကြီး ထိုင်နေလေ၏။
“ဘာတွေလဲ”
“မနက်စာ”
“ဟင်”
“မစားချင်ရင်ပြစ်လိုက်”
မဟုတ်တာပဲ။ ဒီကောင်က ဘယ်လိုလုပ် ပြစ်ရက်မှာလဲ။ ဒါပေမဲ့ သူအခုမစားနိုင်သေးဘူး။ သူအခုစားလိုက်ရင် သူ့အကြိုက်တွေကြီး ဝယ်လာပေးတဲ့ အာရန်ရဲ့မနက်စာကို ဂရုမစိုက်သလိုဖြစ်သွားမှာပေါ့။
“မင်းကဘာလို့ရောက်နေတာလဲ”
အာရန်အားစိုက်ကြည့်ကာ မေးချလိုက်တဲ့ ဒန်တီရဲ့အမေးကြောင့် အာရန်တစ်ယောက် ချက်ချင်းပြန်မဖြေ။ နောက်မှ ဟက်ခနဲရယ်ချပြီး ပြန်ချေပလေ၏။
“ဘာထူးဆန်လို့လဲ တစ်ခန်းတည်းအတူနေ တစ်အိပ်ယာတည်း အတူတူအိပ်လာတဲ့ သူတွေပဲ ဘာလို့ ဘောင်မဝင်တာတွေ လာမေးနေတာလဲ”
“မင်းတို့နှစ်ယောက်စကားများမယ်ဆိုရင် နှစ်ယောက်လုံး ပြန်လိုက်တော့ ငါခေါင်းတွေကိုက်နေတာ မင်းတို့ အငြင်းခုံစကားတွေ နားမထောင်နိုင်ဘူး”
ကြားထဲကဖြတ်ပြောလိုက်တဲ့ အဒေး စကားကြောင့် နှစ်ယောက်လုံးတိတ်သွားပြီး ဘာစကားမှထပ်မဆိုကြတော့။ သို့သော် ရုတ်တရက်ဆိုသလို အဒေးလည်ပင်းထက် ပါးကပ်လာတဲ့ ဒန်တီလုပ်ရက်ကြောင့် အဒေးလန့်သွားသလို အာရန်မှာလည်း မျက်မှောင်ကြုတ်သွားလေရဲ့။
“ဘာလုပ်တာလဲ”
အဒေးအမေးအား ဒန်တီက ဆံပင်ကိုနဖူးကနေ လှမ်းတင်ကာ ။
“ခေါင်းကိုက်နေတယ်ဆိုလို့လေ ဖျားနေလား စစ်ကြည့်တာ”
“ခင်ဗျားလက်ကကျိုးနေလို့လား ဘယ်ကောင်က အဖျားကို အဲ့ဒီလိုစစ်ရတယ်လို့ပြောလဲ”
