روان كانت قاعدة ف الشركة ومستغربة تأخير ريان جداً هو عمره ما اتأخر .. بعتتله مسدج ...
روان : ريان انت فين! مجتش الشركة ليه! انت كويس! طمنى عليك
ريان رد عليها : معرفش هاجى ولا لأ
روان : ف ايه طيب طمنى!
ريان : معرفش ياروان أدهم فين .. لا ف البيت ولا ف المستشفى .. والمصيبة كمان انهم ف المستشفى قالوا مشى من امبارح وصاحب العمارة بيقولى مرجعش من امبارح
روان : هيكون فين مثلاً يعنى!
ريان : مش عارف أنا بدور عليه
روان : اهدى طيب خير ان شاء الله
ريان : ملوش حد غيرى ياروان عشان اطمن واقول يمكن راح عنده حرفياً ملوش غيرى .. أنا حاسس قلبى هيقف من كتر القلق والخوف
روان : أنا عارفة والله ياحبيبى بس استهدى بالله كدا وان شاء الله تلاقيه بخير
ريان : يارب
*___________________*
عشق بعتت مسدج لحسام : حوس
حسام رد : نعم
عشق : عندى محاضرة فاضية!🌚
حسام ضحك : هتخلينى اجرب ايه النهاردة!😹
عشق ضحكت : صاااحبى اللى بقى فاهمنى😹قابلنى عند الجامعة يلا .. هغديك النهاردة غدا عظمة
حسام : اوك
اتقابلوا وراحوا قعدوا ف حديقة عامة وعشق طلعت علاج ادتهوله ...
عشق : عملت حسابى وجبتهولك من الصيدلية عشان متروحش منى😹يلا خد
حسام : هو انتى هتأكلينى ايه بالظبط أنا خوفت🙂
عشق ضحكت : ياواد ثق فيا عيب عليك خد بس😹دا احتياطى عشان أول مرة تاكل الأكل دا
حسام خد منها الحبوب وهى بدأت تطلع الأكل وهو بيبصله باستغراب ...
عشق : دى اسمها رنجة
حسام باستغراب : سرنجة!
عشق : رنجة ياحساااام رنجة🙂سرنجة ايه هو احنا قاعدين ف صيدلية!
حسام ضحك : 😹ما أنا مش آرف والله
عشق : سمك مملح
حسام : شكلها موش لطيف🙂
عشق : ملكش دعوة بشكلها .. دوق بس طعمها هيعجبك جرب
ادتله حتة ف بوئه
حسام : اممم😋واو😳
عشق بثقة : شوفت!😌عيب عليك قولتلك ثق فيا
حسام : لا بجد هلوة أوى
عشق : يلا بقى سمى الله وكل
قعدوا ياكلوا سوا ف جو كله هزار وضحك ومبسوطين مع بعض جداً ...
*___________________*
عند سيرين ف المخزن واقفة قدام أدهم وهو لسا زى ماهو على نفس موقفه وسكوته ...
سيرين : ايه يادومى مصدوم! اوك أنا هشرحلك سبب وجودك هنا عشان مبحبش اخد حد كدا على عماه .. من فترة كدا كان ف شغل بينى وبين واحد اسمه محمود الصياد .. خسر الصفقة .. كرامته كراجل نقحت عليه أوى انه ازاى يخسر صفقة قدامى وكمان كنت رفضاه .. اه أصل هو كان عرض عليا الجواز وأنا رفضته أصل سمعته ماشاء الله مشرفة أوى .. المهم من غير رغى كتير هو ساعتها هددنى انه هينتقم منى بس الصراحة أنا مهتمتش لي قولت كلام فاضى وخلاص
كملت بغل : بس مكنش كلام وعرف فعلاً ينتقم منى ويوجعنى صح ...
*..فلاش باك..*
سيرين رجعت من شغلها لقت أختها قاعدة ع السرير مصدومة وف ايدها حاجة غريبة .. قربت منها وحطت ايدها على كتفها وبصت للى ف ايديها اتصدمت لما لقته اختبار حمل إيجابى ...
سيرين : ايه دا؟!
أختها شهقت بصدمة وقامت وقفت بعيد عنها : دا دا أنا .. أنا ...
سيرين راحت بسرعة قفلت باب الأوضة ورجعتلها تانى ...
سيرين : فهمينى دلوقتى حالاً ايه اللى ف ايدك دا ودا حصل ازاى!!
أختها بتوهان وكلام ملخبط وبتعيط بهستيريا : 💔أنا أنا والله معملتش حاجة😭هو هو قالى انه بيحبنى وهيتجوزنى والله هو .. أنا معرفش دا حصل ازاى هو هو قالى قابلينى نتكلم ومعتش حسيت بحاجة بعدها .. دلوقتى كلمته عشان اقوله انى حامل قالى مليش دعوة .. كان كان بيدينى مخدرات من غير ما اعرف والله
كملت بصدمة : 😳أنا حامل .. أنا حامل ومدمنة مخدرات
بدأت تضحك بهستيريا : 😹أنا حامل ومدمنة مخدرات
سيرين قربت منها وضمتها لحضنها وهى بتعيط على حالتها وبتحاول تهديها ...
*..باك للواقع..*
سيرين بعيون مليان غل ودموع : 💔وآخر حاجة قالتهالى محمود الصياد ومن يومها وهى بقت عايشة جثة من غير روح .. محجوزة ف مصحة بين ٤ حيطان .. لا بتنطق ولا بتتحرك
بصت لأدهم : عرف ينتقم منى صح ف أختى .. وأنا بردو انتقمت منه ف أخوه .. انت كمان بقيت مدمن مخدرات يادومى🥺
أدهم حتى متصدمش ولا ادى أى رد فعل .. فضل زى ماهو على نفس حالته بنفس الهدوء الغريب المؤلم ...
سيرين : كفاية عليك كدا .. لما تروح لأخوك بقى بلغه سلامى وقوله سيرين العِمَرى بتسلم عليك وبتقولك لعبت مع الشخص الغلط ياحودة
فكته وأدهم كان هيقع وهى سندته وهو حاول يمسك نفسه بالعافية ...
سيرين بسخرية : تء تء امسك نفسك كدا يادومى
أدهم بيحاول يتحكم ف أعصابه وخرج وهو بيمشى خطواته بالعافية .. حاسس ان ف جبل على كتافه مخليه مهدود مش قادر على حمله ومخليه مش قادر حتى يقف عشان يمشى أو يخطى خطوة واحدة من مكانه .. خرج من المكان وهو ماشى بتوهان مش عارف هو رايح فين ولا ماشى فين وازاى أصلاً .. كأنه ف دنيا تانية غير الدنيا .. وهو ماشى حس بإيد على كتفه .. رفع عينه لقى ريان قدامه وملامحه كلها قلق وخوف ...
ريان : أدهم! انت كويس! انت كنت فين بقالى كتير بدور عليك
أدهم بيبصله ومش سامعه ولا حاسس أصلاً بأى حاجة حواليه .. بس كل اللى يعرفه انه خلاص دلوقتى يقدر يستسلم لوجعه ولكل اللى هو حاسس بيه .. استسلم للغيامة السودا اللى سحبته جواها وفقد الوعى ...
كدا البارت خلص♥️رأيكوا؟؟!!!....
أنت تقرأ
أنا فقط أحببتك❤️🩹
Romanceأعطيتك قلب يتمناه ألف مريض .. لكنك أعطيتنى جرح لا يعالجه ألف طبيب..💔 لم أفعل لك شيئاً .. أنا فقط أحببتك
