أصفاد المجتمع سبب إنكساري ( ࢪبــاب)

توضيح

#أصفاد_المجتمع_سبب_إنكساري

في الأول كنت راح نحطلكم القصة كيما بعثتها هي بعد نحكيلكم على كيفاه عاشت معاه من أول يوم زواجها لاخر يوم لي مات فيه ربي يرحمو باه تشوفو بلي مشي رجال كامل كيف كيف صباع اليدين ومشي كيف كيف كاين المليح وكاين الشين رضا كان نعم السند و الزوج والحبيب في الوقت لي ناس كامل وقفو فيه ضدها كي كانو يقولو بلي عاڨر ومجيبش اولاد هو اول واحد وقف معاها وساندها قالها منسحقش الاولاد ويصبرها قاتلي جامي بينلي بلي الخوضوع هذا مقلقو بالعكس قاتلي يقولي انت هي بنتي صغرونتي منسحقش لي تديلك بلاصتك النهار لي يماهاا جات لدارهم وعايرتها وهدرتلها الهدرة هذيك غدوة مين ذاك حكاتلو يماه راح ليها لدار عرشلها وودار لي مايندارش عليها بعدها كي حبت رباب تروح لدارهم ويماها حاوزتها هي وباباها وتبراو منها هو ثاني اول واحد وقف معاها قالها من اليوم انا باباك ويماك وراجلك ماتسحقي حتى واحد من بعدي ومشي مجرد هدرة برك بل هدر وطبق بأفعالو قاتلي معاه كنت عايشة فالجنة ففترة حملها بولدها كان هازها على كفوف الراحة معاه باه ماتحتاج حتى واحد من غيرو كان يخلي خدمتو ويقابلها غير هي وش تطلب يجيها تحب تخرج يخرجها قاتلي نهار لي زوجت بيه ومن حبو ومعاملتو ليا ثم وين حسيت روحي تزدت وبديت حياة جديدة قاتلي جامي بكاني ديما ضحكتي مرسومة على وجهي اذا شافني قلقانة يبقى ورايا حتى يفهم علاه ويحاول يحلي المشكلة تاعي قاتلي جامي غلط معايا عمري سمعت عليه هدرة مشي مليحة كان انسان مثالي لواحد الدرجة تمنيت بلي نعيش غير معاه مانقولش ربي يزيدني كي نمرض كان يسهر معايا يجري بيا يداويني كان نعم الزوج الصالح لي تتمناه اي وحدة قاتلي الموت خطفو بين يدي خطيف ماامنتش بين ليلة وختها تحطمت حياتي كنت فسماء سابعة تخبطت لسابع ارض نوصيكم استغلو كل ثانية كل دقيقة مع الناس لي تحبوهم والديك خاوتك راجلك حاولو تعيشو كل ثانية كانها اخر ثانية ليكم مع بعض انا هذي هي الحاجة الوحيدة لي ماندمتش عليها مع رضا جامي تزاعفنا عشت معاه كلش خلالي غير ذكريات الملاح ربي يرحمو ويوسع عليه ادعيولو بالرحمة والمغفرة

نتمنى تكونو فهمتو دوك علاه كل مرة نديرلكم بعد عام وبعد مرور مدة محبيتكمش تتعلقو بيه 💔