- اختِلاس الكَلف -
- سجى حسين -- السابع ⚜️ -
﷽ .
عقلوووووو بناتتتتتت !!!
-
تينا- مرت فتره ؏ غياب ديرين وكل يوم يمر وهيَّ مو
يمي احس بغصه جبيره بكلبي احس مرات قسيت
عليها بالكلام بس هيَّ جان تهلوس بسبب مخلد واتهمت
عُدي انو تحارش بيها واني اعرف عُدي يحبني ومستحيل
يسوي هيج- قطع سلسلة افكاري دگه الباب رحت فتحت ولكيت ماكو
احد باوعت ؏ الگاع لكيت ضرف أخذته وسديت الباب- اخذت نفس بخوف وفتحت الورقة وانصدمت من المكتوب!
:- سعادتج مراح تكتمل والبيت يلي بنيتي
؏ سعاده شخص ثاني راح ينهدم- بقيت صافنه برساله ما فهمت شي منها شي ؟
شلون ؏ سعاده شخص ثاني شنو بيت يلي بنيته- اخذت نفس وسديت ضرف وكعدت افكر
منو المعقول هيج يكتب وشنو قصده !- كمت ضميت الرساله وبديت اسوي اكل
وشميت ريحة الدجاج وكلبت معدتي ورحت
ركضت للحمام تقيأت واحس الم بمعدني ودوخه- ظليت بالعشر دقائق أتقياء وكملت وغسلت وطلعت
اني والدوخه لازمتني وما اكدر اوكف هواي، رحت
كعدت وأخذت تليفون اتصل ؏ عُدي وجاوبني راسًاعُدي:- الو ها تينا
تينا:- عُدي تعال للبيت فدوه احس
روحي دايخه مادري شبيه فدوه تعالعُدي:- حبيبتي اني بشغل هسه تكدرين
تتحملين ساعه بس اكمل واجي- ما ردت اضغط عليَّ خطيه
تينا:- ماشي بس جيب وياك اكل لان ما اكدر اطبخ
عُدي:- ماشي حبيبتي- سديت الاتصال منه وحسيت روحي راح اتقياء
من جديد ركضت للحمام واتقيأت وكملت وغسلت
باوعت ؏ وجهي صاير اصفر- تذكرت ماما من جانت تكول اعراض الحمل
لبنت ام حمد وهاي الاعرض نفس اعراضي
فتحت عيني بصدمه وخليت ايدي ؏ حلكيتينا:- معقوله حامل؟
- ظليت افكر بالموضوع وخل اتاكد قبل ما يجي عُدي
غيرت ملابسي ولبست ونزلت براس الفرع صيدلية
تكعد بيها بنيه- رحت الها وطلبت منها تحليل حمل منزلي وأخذته
ورجعت للبيت وبدلت وكعدت متوتره ماعرف إذا
صحيح لو داتوهم وبنفس الوقت خايفه اجربه إذا طلعت
حامل ما عندي أحد اشارك ويا فرحتي واهلي وكلهم راحوا
وحته ديرين اختفت وما ادري وينها
BẠN ĐANG ĐỌC
اختلاس الكلف
Tiểu Thuyết Chungبين الحُبِ والقسوة بين الهلاك والعذاب يوجد ذلك الشيء الذي يلتفُ حول رقِبتي يُلون ماتبقى مِن حياتي باللون الأسود ، أحارب بما تبقى لي من قوةٍ لأزيل بقايا اللون الأسود واضهر بألواني وشاء القدر ان اُمنح بمن يُلون حياتي الى الأبيض بعد كل ذلك السواد الح...