قيود عشك الشيخ

قيد الاول الجزء2

شمالني؟ شناقصني حتىٰ تعوفني
منين ذوله الـ ترسوا عيونَك عليَه وما كدرت تشوفني ؟
﹌﹌﹌﹌﹌﹌﹌﹌﹌﹌﹌﹌﹌﹌﹌

جاي اقرة بـ الفيزياء واتذمر::- نعلعلة والديك نيوتن هسة الا نيوتن هسة الا تسوي قانون شطولة اكل التفاحة وانجب بس هو هذا هم حظي خلاك تكعد جوة الشجرة نعلة الله على ابيك

اجت ابتهال وبيدها صحن فواكه و حلكها متروس اردفت::- خايبة مالج بس تنوحين وكبر

::- انتي ضلي بس اكلي من طاح حظج اي ولله صايرة شعرضج تعاي خل نقرة اذا رسبنا هذا الشهر تحلمين بعد ندخل وزاري وخاصة احنا هم راسبين الشهر الاول

حجت بعدم اهتمام::- خايبة ويهد ما ريدن اقرة كوة هي شنهي الكتابة والقراية فادتهم علمود تفيدنا

::- اي ست ابتهال كون تسمعج جميلو تدرين شتكلج

ضحكنا وكلنا سوة::- ترديلج رجل يا بولة

ضحكنا جريتها غصب عليها وخليتها تقرة وياي هذا ثالث وزاري مو لعب عيوني مدمعة من كد الضغط الي علية وزاري وما جاي انجح لو يدري ايسر يفين حظي

شكد مشتاقتلة صارلة اسبوع ما نازل النا ابويا ايسر من جنت صغيرة يعتني بية وانا اصيحلة بابة وهو يعاملنا سواسية

شوية واجت سمر دخلت هي وجنطها مدنكة راسها وملفلفة نفسها ب عباية حتى وهي بالبيت مدنكة ابتسمت براحة من شفتها::- سمرتي

رفعت عيونها تباوعلي ابتسمت واجت ذبت حيلها على الفراش وكالت::- تعبت من السادس تعبت شوكت اخلص شوكت

ضحكت عليها::- انتي سادس وانا ثالث نتبادل

ابتسمت واردفت::- ولي انا اريد اخلص تعبت من الدراسة

كالت ابتهال::- لو يدري بيج ايسر يشوي البصل على اذاناتج

اختفت ابتسامة سمر واحمرن خدودها اعرف كلش زين ايسر هو حب طفولة سمر من جانت صغيرة تصلي وتكول اريد اصير عروسة لايسر

وسمر حيل حلوة وملامحها تجنن هادئة وما ينطلع الها صوت وها مدينة زايادة عن اللزوم اذا ضحكت وي اصيل واثير تسحبني تصيح عيب حرام اذا ابتسمت بالغلط بالشارع صاحت حرام ودائما عمة جميلة تكول الها ما ضاعت تربية ثقيف بيج

ما اعرف ليش دائما من اتذكر امي وابوي ينعصر كلبي الي عرفتة عنهم ماتو بحادث سيارة وهم جانو رايحين للبغداد

اهل امي لا اعرفهم ولا شايفتهم عمتي كالت جانو ما يردون امج وذابينها وحيل اكرهم وما احبهم بس خالو حسن الله يرحمة احبة لان دائما عمة سهى تحجيلي عنة وعن حبهم الما اكتمل خطية بيوم عرسهم وناس فرحانة وترمي واجتة طلقة تايهة بدون قصد ومات