Kalïla's pov:
Omar finally come fi fix mi car tire n mi take the time fi chat to him bout him n Rae likkle relationboat.
"Yuh think mi nuh hear bout the likkle saga yuh n Rae pull off last night "
"Ehh" mi say n geh him a bottle a wata since the place hot.
"Yuh nah defen yuhself?"
"Mi been do that last night n ah yuh ah the main cause"
"Weh mi look like fi deh inna oman argument?"
"A bitch or a pussy pick yuh poison"
"Mi nuh have time fi yuh fuckrey, mi come fi do this n go bout mi business"
"Which business "
"Nth weh yuh need fi kn bout"
"If it affi do wid yuh making up wid mi best friend that is mah business"
"Wah she tell yuh now?"
"She nuh affi tell mi nth, mi kn yuh n mi kn how yuh stay"
"How mi stay?"
"Yuh nah change or yuh nuh waa change but that a nuh my business has yuh. mi ago protect mi best friend n wah good fi r."
"Weh yuh mean?"
"She need fi protect r peace. She been ah go round n round wid yuh like headless fowl, ah time fi she realize r worth" Rae n Omar been a talk from before mi move come ah town n him neva think fi change. Mi did understand at first cause she have r mn (which she still do)n Omar did have him oman dem but more n more mi see things change n mi nuh kn if Omar blind r him just nuh waa see it. Rae love him but him ah act like ah pussy. Him want Rae fi leff Andrew but him nuh waa do the same wid fi him oman dem.
"Just leff that alone"
"Leff that alone" mi say mocking him.
"Yuh kn say a true mi a talk. Yuh see how fast yuh shut it dung "
"Wah, none a this affi do wid yuh? Make yuh nuh go worry bout yuh own relationship?"
"First of all mi ago look out fi mi friend cus mi love r n secondly mi nuh have a relationship n if mi did have one yuh woulda be the last person mi come to bout advice. Yuh cah keep yuh dick inna yuh pants n it ago cost yuh a real one.mi nuh kn wah Rae see inna yuh, yuh look like fucking E.T" mi say n walk off.
"Gyal dem love the E.T dick tho"
"Yuh a worry bout the wrong thing n the wrong gyal weh fi love yuh"
~♡~♡~♡~♡~♡~♡~♡~♡~♡~♡~♡~♡~♡~
"Just waa thx everybody for their support on the closet clean-out and hope unuh love the pieces. N plz take care a mi babies"
Mi say as the number on the live go up and comments keep coming in.
"Now that mi closet clean-out that means, I'll be going on my annual shopping world tour" every year or two years mi travel the world and Vist some ah most luxurious n name brands stores.
"So as you guys kn mi visit Tokyo, Japan, NYC n Singapore already so mi just have a few more countries on mah bucket list for it to be complete"
"Hopefully this year, but if not maybe in the near future " mi say answering a question weh supmmbody asked about when mi plan to finish the world tour.
"It's.the.real_ slime:Mi cahh stand deh gyal yah" mi say reading out a comment weh somebody sen.
"Bitch if yuh cahh stand fi hear n see mi siddung, betta yet stop come pon mi live n block mi"
"Fucking outa orda n bright, yuh cah stand mi but yet still yuh deh pon mi live n inna mi comments. Just admit it yuh life boring if mi name nuh deh pon yuh mind or pon yuh tongue. Bitch pipe dung cus I'm not the one"
Mi cah stand ppl weh come pon the internet r watch ppl life pon the internet n make up theory bout ppl n dem life. Just because mi post pon the internet nuh mean mi want yuh fi theorize bout mi or mi life.
"It's.the.real_ slime: All yuh chat a ppl pon the internet a pay yuh rent n fi yuh lifestyle" she sent in one next comment n mi just affi laugh tpc.
Everybody Inna the comments a tell mi nuh answer r but mi affi put r inna r place.
"Listen, mi clearly nuh kn yuh so mi nah go argue wid yuh ova the internet cus obviously yuh a look a hype n mi anuh fucking hype mn. Ova yah a nuh bar so yuh cah get nuh stripe from mi. If yuh have a problem take it up wid yuh mada cus clearly she fail yuh. And to educate yuh,sweetie, I'm a entrepreneur, that mean seh mi provide goods and services to people who want or need it. If yuh go pon mi website n read, if yuh can yuh woulda kn that and maybe invest inna one r two a mi costume made wigs. 30% off if yuh use the code 'THE REAL SLIME'" mi finally say using Rae likkle joke from yesterday and blocking r same time. Cah make some idiot gyal disturb mi peace.
"Make this be a notice. Anybody weh feel like dem jumpy dem a get a block to. Anyways that's it for today mi vibz just broke n mi down say wah mi did affi say anyways"
This n mi interaction wid Omar mix together just rowing mi fucking day. The fucking E.T look supmm n this likkle idiot gyal weh a hide behind a Instagram account. Coming like ah the devil sen dem. One thing mi kn fi sure a seh Omar a rid pon a high horse n fi him nuh careful Rae ago kick him off, Everybody have dem braking point n ah bout time fi Rae get tired a him n him shit.she been a do this wid him way too long.
DU LIEST GERADE
Mobster
KurzgeschichtenWhat will happen when a out going party girl path meets with the Don, who is her complete opposite. Kalila Green - A 23 year old who is outgoing and the life of the party, who lives and sleeps fun and drama... She is a social media influencer who...
