تمنيتگ لي

__البارت السابع عشر__

امير/ دك الحصه الثانيه وجاي اراقب وطاحت ابنيه وركضت عليها و شفتها مغمي عليها وخشمها ينزف دم بسرعه سويتلها الاسعافات الاوليه وكلتلهم يحضرون سياره حتى يأخذوها المدرسين وتصلو ع اهلها ورجعت للحانوت باقي وهم اراقب الوضع وتصلت ع باقي الفريق حتى اشوف الوضع ماكو شي صافي هنوب شفت حركه غريبه كلت ال سلوى تتحقق منهم وراقبت الساحه والطالبات اتصلت عليه مهره رفضته
.
.
.
.
مهره/ اخر مسج واتصال ع امير بعد مادزيت والتهيت ويا اهلي وتلفون ناسيته بيد اخواني الصغار ومادري بي متصل عليه اكثر من مره مادري اخوتي ماينطوني تلفون ولايكلولي وانا مشتاقه الاهلي ف ناسيه كلشي اتصلت علي يرن بس مايرد بالي انشغل يمه مايرد الف فكره اجت بالي يمكن زعلان لان يتصل ومارد عليه وخاف عباله مغلسه عليه لان انا بيت اهلي بس مو بقصدي ضليت افكر بي ماحس لا انا نايمه وفزيت لان شفت حلم شفت الساعه ب 4 الفجر شفت تلفوني مامتصل عليه ضجت حييل من تصرفه ليش هيج مغلس عليه مامهتم بيه خاف مايريدني وخذاها حجه حتى اروح الاهلي بقيت بالفراش شفت الساعه صارت وقت صلاة كمت غسلت وفرشت السجاده وصليت وقريت قرأن طلع الصبح وكعد أبويه وامي شافوني كمت شلت السجاده والقرآن رحت بوست امي وابوي وصبحت عليهم بقينه نتريك ونحجي ونضحك بقيت يم اهلي اكثر من اسبوع وامير ماموجود بالي يمه وابوي هم لاحظ هل شي بس ساكت ماحجه شي ولا حسسني بس شفت شلون ضايج من تصرف امير هم يتصل علي مايرد  انا دخلت للغرفه بقيت ابجي ونقهرت من تصرفه حيييل فكرت اتصل ع عمتي ام امير دورت رقمها ولكيتها اتصلت عليها شفته يرن  ردت
مهره/ صباح الخير عمه شلونه
ام امير/ هلا بيج بنيتي مهر شلونج يمه
مهره/ مو زينه عمه امير وينه كال اسبوع واجيج وهسسه صار اكثر من اسبوع ماكو واتصل علي يرن مايتصل اخر شي اتصلت مغلق ليش هيج سوه لو يمكم ممكن تنطينا خل احجي ويا حتى لو مايريدني خل يطلكني مو هيج يسوي احجي ويا عمتي انا ابجي بس صدمتني عمتي من ردت عليه
ام امير/ حبيبتي مهره امير سافر البغداد كال عندي شغل اهناك هم نتصل علي مايرد وهم بالي يمه وكلبي ميت علي وريد اعرف عنه شي عبالي اتصلتي تعرفين علي شي شو حالتج مثلي هم ماتعرفين شي
مهره/ بصدمه لا عمه والله ماعرف شي حتى ابوي يتصل ع امير يرن وهنوب يكطع يتصل من جديد يكول مغلق ابوي هم ضاج من تصرف امير هيج سووه ويا أبويه عباله عافني اهنا ومايريدني بس مايدري بامير حتى انتو ماتعرفون عنه شي
ام امير/ لا عمه الله شاهد لو اعرف شي جان كلتلج احسن مايبقه بالج يمه راح اتصل ع اخويه  محمد يشوفه وينه هو هم يداوم بغداد ضابط تعرفينه يشوفه النه وينه
مهره/ يي عمه اعرفه الله يخليج خابري خل يشوفه وينه لان صدك بالي يمه
ام امير/ ان شاء الله عمه سلميلي ع اهلج وكليلهم امير طلع بغداد مشغول حييل مايكدر يرد ع احد ومسدود تلفونه ماشي يمه
مهره/ يي عمه صار اكللهم هيج
ام امير/ يله بنيتي انتبهي ع روحج ماشي عمه
مهره/ ان شاء الله عمه حتى انتي وسلميلي ع عمي حييل مشتاقتلكم حييل
ام امير/ احنه هم مشتاقيلج بنيتي يله مع السلامه يمه
مهره/ مع السلامه عمه سديته منها بالي الف فكره رحت يم اهلي مابينت الهم شفت ابوي كلتله اتصلت ع عمه تكول امير مسافر البغداد صارله اهواي عنده مشاكل بشغل مايكدر يرد حتى هم مامحصلينه بس قبل لا يروح بلغهم هيج
ابو مهره/ خير ان شاء الله بنيتي الله يرجعه بالسلامه
مهره/ عفت بابا ودخلت للغرفه مقهوره حيييل توضيت وفرشت السجاده قريت القرآن وابجي خايفه ع امير مادري احبه مدري لاا بس احس خايفه عليه بقيت اقره قرآن وخلصت شلتهن ونمت
.
.
.
.