ကျွန်မ တကယ်အံ့အားသင့်မိပါသည်။ သူ့သမီးကို နှစ်နှစ်မတွေ့ပါနဲ့ဆိုတဲ့ ဦးလေးက အခု သူ့သမီးလက်ကိုဆွဲပြီ ကျွန်မအိမ်ထိ လိုက်လာတယ်တဲ့လား ကျွန်မ စိတ်ကူးယဉ်တာများ များသွားလို့ မြင်ယောင်မြင်မှားဖြစ်နေတာလား....
"ဟဲ့ သမီး! ကလေးငယ်ကို ခေါ်ချေဦးလေ "
ဟုတ်ပါရဲ့ တစ်မိသားစုလုံး မေမေခေါ်သွားတဲ့နောက် လိုက်သွားကြပေမယ့် ကလေးငယ်နဲ့ ကျွန်မပဲ အိမ်ပေါက်ဝကြီးမှာ ရပ်ကျန်ရစ်ခဲ့သည်။
"လာလေ... တို့ဆီလိုက်လာတာမဟုတ်လား"
"မဟုတ်ပါဘူး တီတီဆီ လာတွေ့တာ"
ကြည့် ကျွန်မနဲ့ အဆက်အသွယ်ပြတ်တဲ့ တစ်နှစ်ဆိုတဲ့ကာလမှာ အဆိုးလေးက ကလန်ကဆန်လုပ်တတ်နေပါရောလား....
လက်ထပ်ချင်ပါတယ်ဆိုပြီး အိမ်ထိ လာတောင်းခဲ့တဲ့သူက အခု သူ့အိမ်ထိ လိုက်လာတဲ့လူကို ပွေ့ဖက်နှုတ်ဆက်မှုမျိုးတောင် မလုပ်နိုင်ဘူးလား ငယ်လေး ချော့ဖို့လာတာ ဆိုပေမယ့် စိတ်ဆိုးချင်ပါသည်။
"တို့တော့ မင်းကိုလွမ်းနေတာ"
"အပိုတွေပါ ငယ့်ကို block သွားတာ ဘယ်သူလဲ ဖေဖေပြောတာနဲ့ အဆက်အသွယ်မလုပ်ဘဲ နေနိုင်တာ ဘယ်သူလဲ"
"အို တဖက်သတ်ကြီးပါလား မင်းကရော ကောင်လေးတစ်ယောက်နဲ့ ဓာတ်ပုံတွဲရိုက်စရာလား ချစ်တယ်လို့ အရင်ပြောခဲ့တာ မင်းလေ မင်းဘက်က ဆက်သွယ်လည်း ရတာပဲဟာ"
"သူငယ်ချင်းတစ်စုလုံးကို မမြင်ဘဲ ကောင်လေးတစ်ယောက်တည်းကိုပဲ ကွက်မြင်တဲ့ တီချယ့်မျက်လုံးကိုလည်း အံ့ဩတယ်"
"ပုံတိုင်း မင်းဘေးနားရပ်နေစရာလိုလား ဘယ်လိုပြောမလဲ မြွေမြွေချင်းက ခြေမြင်တာ မဆန်းပါဘူး"
"ကလေးတွေ အိမ်ထဲမှာထိုင်ပြီးပြောပါလားကွယ်"
"ဟုတ်ကဲ့ တီတီ"
အဆိုးလေး စစ်စစ်ပါပဲ ကျွန်မအိမ်ရောက်ရင် ကျွန်မထက် မေမေ့ကို ပိုချစ်သွားတာ အဆိုးလေးမှ အဆိုးလေးပါ ဒါဆို ကျွန်မကို ရန်ရှာနေတာလည်း အဆိုးလေးပဲ အမြင်မှားနေတာ မဟုတ်ဘူးပေါ့....
YOU ARE READING
မြတ်နိုးမိပါသော...ကြင်နာရာ နာကျင်ရာ
Short Storyတီချယ်သာ ဆုံးမမယ်ဆို လိမ္မာမယ့် ကလေးတစ်ယောက်မို့ ငယ်ကို ပစ်မသွားပါနဲ့နော်.... အဆိုးလေးကိုမို့ပေးမိတဲ့ အချစ်တွေကြောင့် တို့ကို အထင်သေးသွားမလားဟင်......
