រឿង ♡សុំទានប្រទានស្នេហ៍♡

ភាគ13: ពួកសំរាម!

នៅពេលដាយុនទទួលបញ្ជាពីជុងហ្គុកឲ្យមកទទួលថេយ៉ុងនោះ នាយក៏បើកឡានចេញពីក្រុមហ៊ុនដើម្បីទៅទទួលអ្នកប្រុសតូចទៅហាងសម្លៀកបំពាក់មុនយ៉ុងហ្គី។

" ហ្យុង!! និយាយមកថាមួយរយ:ដែលខ្ញុំមិននៅមានបញ្ហាអីខ្លះក្នុងក្រុមហ៊ុននេះ? " ពេលដាយុនចេញទៅផុតនាយក៏ដើរចូលទៅអង្គុយនៅសាឡុងម្ខាងនៃតុធ្វើការរបស់យុងហ្គីតែបន្តិចទៀតនេះវាជារបស់នាយហើយ។ ព្រោះតាំងពីដើមវាជារបស់នាយគ្រាន់តែនាយពឹងឲ្យយុងហ្គីមើលការខុសត្រូវមួយរយ:តែប៉ុណ្ណោះ។

" ក្នុងក្រុមហ៊ុនមួយរយ:ក្រោយនេះវារាងរញ៉េរញ៉ៃបន្តិច! បើសិនជាឯងនៅយូរជាងនេះប្រហែលអាចនិងធ្ងន់ធ្ងរ " ដោយនាយឃើញជុងហ្គុកសួរអំពើរឿងនេះនាយក៏ប្រាប់គេយកតែម្តងទៅ។ ដំបូងថាចង់ប្រាប់គេនៅល្ងាចនេះឬព្រឹកស្អែកតែមើលទៅគេដូចជាចង់ដឹងទើបសម្រេចថាប្រាប់អីឡូវ ស្រួលកុំឲ្យមានបញ្ហាច្រើន។

" ក្រុមហ៊ុនឯងមានវិបត្តិផ្ទៃក្នុង! តាំងពីឯងចេញទៅម្លេះ តែឯងកុំភ័យអីយើងបានឲ្យឆេវីនដែលជាកូនចៅជំនិតយើងស៊ើបមើលហើយថាវាជានរណា! ហើយពេលនេះក៏បានតម្រុយមកខ្លះៗដែរ តែអីឡូវនេះវាបានស្ងាត់ហើយតាំងពីវាដឹងថាយើងជាអ្នកណា " ពិតណាស់! បញ្ហាផ្ទៃក្នុងវាកើតឡើងតាំងពីជុងហ្គុកបន្លំខ្លួនធ្វើជាអ្នកសុំទានមកម្លេះ។ ដោយសារឃើញប្អូនខ្លួនចង់បានប្រពន្ធខ្លាំងពេកទើបនាយនេះមិនព្រមប្រាប់រឿងក្រុមហ៊ុនឲ្យទៅជុងហ្គុកដឹង។ ហើយណាមួយនាយក៏ចង់ដោះស្រាយវាជំនួសរាងក្រាសដែរ ទើបប្រើឲ្យកូនចៅទៅស៊ើប ប្រើពេលមួយរយ:ធំទើបតែបានតម្រុយតិចតួចតែប៉ុណ្ណោះ បើតាមនាយគិតប៉ាន់ស្មានប្រហែលពួកគេទាំងពីស្មានដឹងហើយថាជានរណាដែលនៅពីក្រោយរឿងនេះនោះ តែធ្វើអីក៏មិនបានព្រោះនាយគ្មានភស្តុតាងឡើង ទើបនៅស្ងៀមធ្វើជាមិនដឹងរឿង។

" បញ្ហាផ្ទៃក្នុង? រឿងនេះមិនចម្លែកទេដែលវាកើតឡើងនោះ ខ្ញុំបានដឹងមកខ្លះៗដែលតាំងពីខ្ញុំមិនទាន់ចេញទៅម្លេះ តែខ្ញុំមិននឹកស្មានថាវាធ្វើសកម្មភាពលឿនដល់ម្លឹងទេ! " រឿងបញ្ហាផ្ទៃក្នុងមិនមែននាយមិនដឹងនោះទេ នាយដឹង តែនាយមិនទាន់ចាត់ការនោះទេព្រោះគិតថាវាមិនលឿនដូចពេលនេះ។