مع انتهائهم لغداهم وهضرتهم اللي ماكاتقاداش جات العشية ومن بعد طااح ضلام الليل معلن على انتهاء اليوم... دخلات سرية وقاسم والدراري كل واحد فين مجلي شي كايرتاح شي مجمع شي ناعس المهم مهنيين وجماعتهم مفرحاهم, بينما ميسون اللي كاتشوف من نافذة السرجم اضواء الحديقة اللامعين بعويناتها الغزالين والساحرين ولجين على السرير كاتقلب وتبحت كعادتها فالحاسوب ديالها مترقبة النتيجة ديال جهودها الجبارة ههه😂
في حين فالمغرب , وسط الحديقة الفاخرة والواسعة اللي كانو فيها افراد العائلة مجمعين بحال ديما, بحكم اختلاف المواقيت بين البلدان العربية والاجنبية... كانت الجدة شاداا على قلبها وكاتنفس بالشهقة وتارا وتارلا على جنابها يهدنو فيها حتا دخل الجد بكل حزم وجدية
بسام: ماكاين لاش بقاي دمعي تمااك نتي راه ديجا قلتلك بيلا لسانك سليط وبلاش من هاد الخووزعبيلات والتجهيزات على والو ولكن اللي فراسك كديريه واهانتي داابا جبتي الربحة
بتلاء: بغت نفرح بيهم الحاج بغيت نفرح بولدي حبيبي وبنتي لاين غانبقاو صابرين على هادشي لاين غاتبقا بعيدة علينا هاديك امانتنا وحفيدتنا الحاج حفيدتي وحفيدي
باسم: والله حتا كاطييري اودي ياشريفة زعما نتي مولات الصبر والرزانة , راهو دخل قبيلات للاصال ديال الصبوور سيري تشووفيه وشدي شوي داك اللسان الماضي راه كاتقلبي عليا شحال هادي ماربييتك
تارا: الله يهديك ابابا نتا براسك باغيهم غيل باغي تزين راسك معاهم وصافي
تارلا: ماما عندها الحق الحاج راه خاصك تدوي معاه راسو قصااح وايلا مابغاوش بالخاطر نديرو بزز
باسم: والايني تهنيت من لسان جاولي عشرين لسان خرجو نتوما هاد السوق وزايدون هاد السيرة مابقاتش تجبد حيت ابدا ماغاتكونش
مشات الجدة نازلة لصالة الرياضة وهي كاتمسح دميعاتها حنينة على ولادها وحفايدها خاصة البنات لكن لسانها مبري منها وفيها القفزة والطيران ديرة كيف الصاروخ
حازم: دخلي الحاجة(قالها دون مايضوور ولكن عندو الاحاسيس والسمع مجهدين طبعا وهو عضو من المخابرات الامريكية)
بتلاء:( تخلعات وبقات كاضوور فراسها عاد تفكرات بيلا راه هادا اللي قدامها حازم اليعقوبي حفيدها) سمحلي اولييدي سمحلي راني غيل بغيت نفرح بيك قبل مانمووت وياخد مول الامانة امانتو وماكان فنييتي والو من غير انني نفرح بيكم وبفرحتكم احبيبي
حازم: (مشا عند جداتو اللي باين فعينيها البكا والعيا) الله عليك ياللي لسانها سلييط تخافي ماتحشمي معضر جدي, الميمة ديالى نتي والحب ديالى واش كاين اللي يتقلق من الحب ديال قلبو المخننة
بتلاء: اييه اولدي قلقتك وغلطت فحقك اعار ربي اولييدي ايلا ماسمحلي وديرها فوجهي
حازم: الله يهديك الحاجة راك ماشي السبب فتقليقتي غيل تهناي غيل داك ولدك المتكبر ديال جاسم معطل وعصبني راك عارفة الوقت عندي هو الوقت, صافي الميمة غيل سكتي راه مادرتي والو ولكن والله مانكدب عليك لسانك سلييط ومبري منك ياربي السلامة
بتلاء: ايييييه ايييه اولدي ايوا غيل بعد مني يالله ولد الهم انا اللي جيت نطلب منك السماحة
حازم: ايوا شفتي الميمة شقلت ليك لسانك مبري منك الله يستر
بتلاء : اييه اولد كرشي سربي سربي اوكان باش تتلاقا لخووك يالله ( بقات مقابلاه حتا شافتو دار واحد الحركة فحالها تماما) وااضسرتي يالباسل يالمشعكك ضسرتي
طلعو فالدروج تابعها وهي كاتغووت وتعتر فجلايلها " ضرتي يالمكاضم" حتا وصلو عندهم مخليها كاتنهج ومشا يبدل حوايجو, مع حطات رجليها فالحديقة وهي ضرب واحد التخنزيرة فباسم اللي حابس الضحكة عارفها تصالحات مع حفيدها والا ماكانتش اتجي اصلا تعاود تكلس معاهم,
باسم: امالنا على التخنزير الحااجة؟؟
بتلاء: بعد مني نتا غيل بلا مدوي معاي
باسم: اييه وعلاش بالسلام شنو درتليك؟؟
بتلاء: وكاتنكر من الفوق
باسم: الله اودي الحاجة غيل قوليلي شنو درتليك وتشوفي ايلا ماتصالحنش دابا؟؟
بتلاء: غووتي عليا شنو غادير كتر من هاكداا
تاليا:(نقزات كيف البطة واقفة حدا جداتها اللي كاتخزز فيها بشي شوفات ديال الصباح لله) اهيا الميمة شكون غووت عليك عااد, جدي انا حرااام راه غيل كدبو عليك وبغاو يدابزوكم
بتلاء:(خنزرات فديك المشة اللي حداها) اولا نتي غاتسكتي قبل مانلوحك حدا دوك الكلاب تولي تحرسي فبلاصتهم نيت, راني عارفاك حنينة وقلبو عليك تلاقيتوو الله يستر وصافي
نطق شخص من وراهم بصوت رجولي وغليظ, زعزع الحضور وتصدمو بمجيئو فهاد اللحضة بالضبط وخاصة الجد وتارلا اللي تفافات .......
أنت تقرأ
♡وَلَنَا بَعْدَ الشَّوْقِ لِقَاءٌ♡
Romanceمهما تباعدنا حبك بقلبي أزرعه، ولا الفراق حاصل ولا أقدر أمنعه... والحب ليس كلمة عابرة، الحب في الوجدان وفي الخافي الروح أجمعه...أعطيتك كل حبي وكل عواطفي وأي شيء عنك لا أمنعه...أترك دموعي تجرح الخد وتغيره مادام أيوب صبر وجاءه العمى ثم أبصر النور عندما...
