بێتاوانییەکەی

Chapter Eleven

بۆ ساتێک واز لە نیگەرانییەکان بێنە و چێژ ببینە

^^

______________________________

- تێڕوانینی نووسەر -

دوای نیوەڕۆ بوو کاتێک وانەکەی تەواوبوو و لە چێشتخانەکە هاتە دەرەوە، چووە شوێنی وەستانی ئۆتۆمبێلەکان و بەرەو ئۆتۆمبێلەکەی چوو، ویستی دەرگاکە بکاتەوە و سەربکەوێ بەڵام دەنگێکی کەمێک بەرز وەستانی:

"جۆن!!"

ئاوڕی دایەوە و ئالێسیای بینی کە بەخێرایی بەرەوڕووی دێت، چاوەکانی سوڕاند و هەستی دەکرد میزاجی خەریکە تێک دەچێت، بۆیە ویستی خێرا سەربکەوێت و لەو دەورووبەرە نەمێنێت، بەڵام ئالێسیا قۆڵەکانی گرت، بەمجۆرەش هیچ ڕێگایەکی نەما بۆ دەرچوون و بە ناچاری مایەوە:

"چیت دەوێت؟"

"مەبەستت چییە؟! بۆچی چەند ڕۆژێکە خۆت بەدوور دەگریت لێم؟"

قۆڵەکانی لە نێو دەستەکانی دەرهێنا و بە توندی وەڵامی دایەوە:

"باشتر وا نییە ئەو پرسیارە لە خۆت بکەیت، خاتوو ئاکاردی؟"

ئالێسیا برۆکانی گرژ کرد لێی:

"چیت بەسەر هاتووە؟ بۆچی بە نامۆیی قسە دەکەیت؟"

جۆنگکووک سەرسوڕماو نەبوو لە خۆلەگێلیدانەکەی، پێشتر دەیزانی چی جۆرە کەسێکە:

"هیچ سەرسام نەبووم بە ڕۆڵگێڕانەکەت هەر خۆی دوای ئەوەی کە لەوێ بینیم تەنها چاوەڕێی ئەمەم لێدەکردیت."

ئالێسیا چاوەکانی کەمێک فراوان بوون و ڕەنگی پەڕی هەر کە بیرۆکەی ئەوەی ئەو ڕۆژە بینیبێتی هاتە مێشکی، چونکە لۆپێز پێشتر پێی وتبوو کەوا لە هەمان ڕۆژدا جۆن چۆتە سەردانی:

"بـ... باسی چی دەکەیت؟"

سەرەڕای شڵەژاوییەکەی هێشتا هەوڵی دەدا بەردەوام بێ لەوەی وا خۆی دەربخات نازانێت باسی چی دەکات، جۆنگکووک هەنگاوێک هاتە پێشەوە لێی و بۆی تەواو کرد:

"باسی ئەوە دەکەم کە چەند بە ئاسانی قاچەکانت بۆ کەسێکی دیکە کردەوە لەبەردەم چاوەکانمدا، ئەوەی کە دوو پیاو لە هەمان کاتدا چێژیان لە جەستەت وەردەگرت و تۆش زۆر ئاساییانە خۆت خستبووە ژێر جەستەیان وەک ئەوەی شتێکی زۆر بێنرخ بیت، بیرت دەکەوێتەوە ئالێسیا؟"

"تـ..تۆ چی دەڵێیت؟"

"هەوڵ مەدە لەوە زیاتر خۆت لە گێلی بدەیت، تەنها زیاتر قێزت لێدەکەمەوە، پێموابوو بە ڕوونی ئاگادارم کردیتەوە لەوەی ڕێگە پێدراو نیت لەگەڵ هیچ کەسێکی دیکە بیت تا ئەو کاتەی لەگەڵ من بیت، بەڵام وا دیارە قسە کار لە تۆ ناکات، ئێستا بیردەکەمەوە، هەموو ئەو شەوانەی پرسیارم لێدەکردی لە کوێ بوویت هەر لە هەمان شوێن لەشفرۆشیت دەکرد، ڕەنگە لەسەر هەمان مێزیش."