"أثر الهناء حلم يا حمد"

البارت الثالث والستين

عند العيال كانو بالسطح تحديدًا عند حَمَام سعود اللي صار يتفقده بعيونه وهو يضحك ويشاركهم السوالف من بعيد ويتأمله كأنه أعز محبيه
ركان:هاه ياعريس متى الوعد؟؟
فارس ابتسم:امي تقول الخطبه بنص رمضان والعرس عقب العيد
سعود من بعيد: الله يتمم ويفتحها بوجه المصروع اللي بعدك
عمر رفع كفوفه للسماء:امييييييييييييييين
مشعل:اقول ياعيال كم باقي على دورة حمد؟ السطح ذكرني فيه وفي جلسته
متعب طلع بهم بالشاهي:تقهوو تقهوو وخلو عنكم الذكرى وقربو الورق
ابتسم سعود لمتعب المنقد دائمًا وبادله متعب الأبتسامة وهم مخبين فرحة خروج حمد بكره ... وهم يتقههوون تعالت أصوات البنات بالصراخ تحت وصوت الموتر اللي تو طفى ووقفو العيال على سور السطح من الجهة الثانيه ويوايقون بدون ما يكشفون على البنات بس يبغون يفهمون
مشعل:هذا موتر خالي فايز!!!
سعود:موتره بس صراخهم مب صراخ ترحيب !! اخو حمد ! لا يكون سوير صابها شيء ولا الهنوف!!!!
نزل متعب ركض ووقف في الصاله: هيااااااا ههههيييااااااا !
زينه جاته ووجهها جامد
متعب:يمهه علامكمم!!! عطيني طريق
زينه حطت يدها على صدر متعب ووقفته: من متى وعذبه بالديرة يا متعب !
متعب بصدمة:هاااااه!
زينه:عذبه جات مع هيا و طاحت من طولها يوم شافت اهلها ، العلم ويش يا متعب! عذبه علامها؟ عمك وش مسوي؟ علمني ادري هيا ما تخطي خطوه إلا بعلمك
متعب اختبص:عطييييني طريق يمه وانا افهمتس بعدين
هيا دخلت ووجهها أحمر : ألحق يامتتتعب ألحق يا سندي نبي المستشفى
متعب ناظر هيا بأستفهام بس تجاوب معها وطلع وهو يوزع نظراته على اللي بالحوش من عمه لطارق لفلاح لهزاع لجدته واخذ عذبه من قدامهم وسدحها بالمرتبة اللي ورا وحرك مع هيا للمستشفى
متعب وهو شاد على الدركسون: وين حصلتيها!!!!!
هيا وهي ملتفته على عذبه:مهب وقته يا متععب مهب وقته اسرع تكفى وجهها مختلف لونه
متعب ناظر هيا ثم ناظر الخط:هذا وانا موصيتس ماتسوين شيء بدوني!زين يا هيا

الجده منيره كانت داخله البيت توها وجايه من ام منصور وخاطرها مسفهل لين شافت جزء من المشهد وكثرت الأسئلة برأسها
الجده منيره: علامكم!
الهنوف ناظرت الجازي ولاحظت في عيونها رعب غير مسبوق والتفتت الهنوف على ساره وهمست : وراهم علم ولا ما اطلع الهنوف
ساره:اسكتي مب وقتس!!! ، ارحب ياعمي يا الله حيه ... سععععود
فايز ناظر ساره وما رد عليها ثم ناظر طارق وكأنه نادم وقلبه مع عذبه لكن مايدري ليه ما اسعفها بدل متعب ومايدري ليه اخوانها سمحو لمتعب يتصرف وهم يناظرون كان الموقف مثل الكف اللي صدمه وعجز يتصرف بعده
نزلو العيال من السطح بعد ما شافو متعب طالع بسيارته وعرفو إن فيه شيء واول ماطلعو الحوش شافو فايز واقف مكانه وزول عذبه ما فارقه دقيقه مو نفس الإنسانه اللي سلّمها رايد!
دخل ابو متعب بعد ما كان في المسجد يقرأ ورده بعد التراويح وشاف اخوه والكل بالحوش: ارحححححب يابو فلاح ارحححب يالله حيه! طالت غيبتك ياخوي وانتصف الشهر توك تجينا
تقدمو العيال يسلمون على عمهم/خالهم ودلال والجده منيره كانو يناظرون بعضهم وينتظرون أجوبه لأسئلتهم
رغد ناظرت مزون:ندش احنا داخل؟
مزون ناظرت الهنوف
الهنوف: ايه ايه اقلطو الله يحيكم لا تواخذونا عاد خذتنا الراعه من اللي شفناه ولا انتبهنا
دخلت رغد والجازي مع مزون وبدور وساره والهنوف والوضع كان شبه هادي ورسمي كلهم قلوبهم مشغوله بالأحداث اللي برا ومع عذبه بالذات اللي طاحت بينهم
زينه كانت بغرفتها وكل همها (حمد) ما كانت مرتاحه أبدًا وجلست تفكر بأخر الأحداث وتحاول تربط شيء بشيء بس مافيه حركة تثير شكوكها أبدًا !
-عند سرور-
دخل سرور البيت وشاف البخور في المجلس وامه في المطبخ تزين القهوه وابتسم من قلبه وتقدم لها
سرور: الله يسلم يمينتس يمه ما شفت البيت بهالزين والنظافه غير يوم جيتيني
بدريه ابتسمت:عاد اليوم بالذات شديت حيلي ليش ان عمك بيزورنا وان شاء الله تطيب نفسك وتسمع منه
اختفت ابتسامة سرور: ايه الشغله كذا!
بدريه وهي باقي مبتسمه: هذي فرصته الاخيره وانا اعرفك يمه اجودي وطيب ما بترده ان شاء الله وبتسمعه وتفهمه
سرور: اي زين خليه يجي ، بطلع ابدل ان جاء تدلين الباب والمجلس قلطيه
بدريه:هذا ولدي وسنايدي كفو يمه كفو ياسرور
ابتسم سرور بمجامله وراح لغرفته غير ثوبه بضيق وهو كاتم عبرته ومتوعد عمه زوج امه
- في بيت شريفه -
وقف رايد بيقوم:اكرمتس الله يمه
شريفه بزعل: وين اهلك؟
رايد ابتسم للكلمة إللي أخذها من خاطر حمد:بالبيت يمه تعبانه تقول
شريفه ناظرت صقر:وانت لمتى بتغبي عن ساره ان زوجة اخوك هي نفسها بنت عمها؟
صقر تنهد: حنا نحتري ولدنا مهب وقت مشاكل اقل شيء لين اتأكد من حملها وتالي اعلمها
شريفه:مدري شهالزواج ذا لكن الله يستر علينا ولا يفضحنا ويهديني قدام اغضب عليكم الاثنين، وعلى طاري العرس شايع السياف يبيكم بموضوع
صقر انشد بانتباه ورايد جلس:وش يبي؟
صقر:وش عنده؟
شريفه بضيق: كلموه وتعرفون
رايد:وانتي شفيتس ضايقه؟
صقر ناظر رايد:اسكت! .. يمه ما قال لتس وش عنده؟
شريفه:لا
رايد:بتصل عليه يجي ويعلمنا اخاف نسى جزء من الخطة هههههههههههههه
صقر تراجع على ورا وأخذته افكاره لساره وحملها ووده اصلاً يطلع من جو رايد الانتقامي واطلق العنان لهواجيسه اللي توديه لمحبوبته سوير
-في المستشفى-
الدكتوره ناظرت متعب: حضرتك باباه؟
متعب ناظر هيا ثم ناظرها:لا الله يعافيتس انا اخوها
الدكتوره ضحكت: مش الست .. البيبي ، بس مبروك
هيا شهقت وسدت فمها بيدها وقامت تضرب فخوذها وهي واقفه بحركه سريعه ومتعب جمد مكانه
الدكتور تجاهلت صدمة هيا: الهانم تعبانه وصحتها مش كويسه أبدًا ، خذ دي الڤايتمنز وانتبهو لأكلها وشربها وصحتها دلوقتي معها حد تاني يشاركها كل فيتامين تاخده وتاكله يعني بنضاعف الاهتمام والأدوية مش كده؟
متعب اخذ الورقه منها وهو ساكت وجلس على أقرب كرسي جنبه وغمض عيونه ولا تردده في باله غير صوت حمد في خطبته وهو يوصيه ويقول :
(تكفى يا متعب زين الحال تكفففى لاتخليني ادخل الدورة وقلبي هنيا لاتخلي ابوي يضيق من عمي واكلها انا طالبك يا متعب لايقهروني بعذبه)
متعب بهمس ضايق:قهروك ياتسبد متعب والله انهم قهروك ليتك ما اعتزيت فيني ولا حملتني هالحمل ليتني ما خذلتك ياحمد وزينت حالك ، وش اسوي الحين بهالروح !!!!
هيا جلست قبال متعب:متعب قم قم نكلم الإداره او الدكتوره ونوقع على اجهاضه  قمممم قبل يطلع حمد
متعب طارت عيونه:هيييييه هيا!!!!! علامتس؟ حرااام
هيا:حرام لو انه تعدى الاربعة الاشهر هالحين قطعة دم ما بعد تكونت اسمع مني وخلنا نتصرف بكره يطلع حمد وتكبر تكفى يا متعب عاوني وخلني اطلع اختي باقل الاضرار
متعب:وانا اهرجهم بصفتي من! لا اني ابوه ولاني امه ! هيا اذكري الله وحكمّي عقلتس انتي قاعده تنثرين هروج مهيب لشكلتس
هيا: من حر ما اونس يا متعببب من الضيققق اقوله انت لو تشوف شوففتها اللي لقيتها بها ما لمتني
متعب: انا لي معتس هروج ثانيه لكن مب ذا وقتها
هيا فهمت انه بيعاتبها على تصرفها ووصولها لعذبه بدون مايدري
عذبه صحت وهي تحس بدوخه ورجفه وقالت بصوت متقطع:هـ...ـيـ...ــا
هيا فزت من عند متعب ودخلت عليها: لبيه ياعذبة الروح لبيه
عذبه نزلت دموعها على المخده البيضاء:زرع بي القهر مرتين يا هيا مره في قلبي ومره في رحمي ...
هيا حاولت تهديها: لالا مو اللي تتوقعين
عذبه:سمعت هرجها ، مير والله ماسلمته نفسي والله انه سلبني بالقوة وعين ابوي تشوف والله مابغيت غير حمد يا متعب كانك تسمعني
متعب تنهد بضيق كبير ومسك راسه يحاول يفكر بحل قبل يرد على عذبه
هيا: لاتفكرين بهالامور والحمدلله على سلامتس المهم انتس طيبه لاتشلين هم شيء ياوخيتي
عذبه ناظرت هيا برجاء:لاترديني لرايد .. متعب
وقف متعب وتقدم لباب الغرفه:سمي
عذبه: انا في وجهك من رايد .. تكفى
هيا التفت بعيون باكيه تناظر متعب
متعب بغبنه: والله معاد يشوف لتس زول من هالساعه وانا ابو سيف مير انتي هدي من روعتس هالحين واذكري الله ويوم ان علاجتس يخلص نبي نطلع وتنومين عندنا ويسلى خاطرتس انتي في وجهي يابنت عمي لين يملكتس حميد
بعد كلام متعب تملّكت عذبه راحة وسكينة ما عاشتها من شهرين لأول مره تهدى نبضات قلبها لأول تحس بالأمان فعلاً ونقيض الشعور كان يعيشه متعب اللي قال كلامه بس عشان يطمنها لكن مو عارف كيف يطبقه! كيف ياخذها من زوجها الشرعي ! كيف يتصرف في حملها ! هالمره الحمل مو عادي عليه ولا هو شيء يقدر يتصرف فيه .. ابتعد عنهم بعد ما هدت عذبه ورفع جواله يتصل على سرور يستشيره بهالقضيه وهل تدخل بالتخبيب أو لا بس لاحظ الضيق في صوت سرور وما طول معاه بالخط وقفل وبعد وقت ما كان طويل انتهى السيروم والمغذي وطلعت عذبه وهي متمسكه بهيا وركبو الثنتين ورا وعذبه مرخيه راسها على كتف هيا ومغمضه عيونها تبي تستشعر لحظة الأمان هذي اللي تبعدها عن رايد وصوته وسيارته وعنفه

- في بيت أبو متعب-
الجده منيره :افصحوا باللي عندكم! جيتكم هالحين وراها علم
حصه: انا استأذنكم
الجده منيره بحده:اقعدي يا ام فلاح أنا أهرّج الجميع
ابو متعب ناظر أمه:علامتس يمه!
الجده منيره ناظرت فايز:انا مثلك يا وليدي احتري العلم
دخل متعب المشب اللي كانو جالسين فيه وهيا وعذبه ناوين يدخلون الصاله بس سمعت هيا صوت ابوها وجرت عذبه معها ودخلت ورا متعب
ابو فلاح:مافيه شيء يمه جينا نصوم معكم.... متعب ! شلون عذبه؟
متعب التفت وراه: ابوتس ينشد عنتس
هيا بحده: عذبه حامل يبه
ابو متعب فز: وشششههههووووو !!!!
العيال ناظرو بعضهم بصدمة واحراج
طارق تأفف بينه وبين نفسه ثم قال : ايه ياعم اكيد بتحمل لانها متزوجة وهذي كل الحكايه يا جده
هيا بزعل من طارق: أنت سد فمك! الهرج عند الكبار ، وش تقول يبه!
ابو متعب بغضب:فايز!!! ابك الجاهل ذا وش يقول؟؟؟ يا فلاح!!!
فلاح ناظر ابوه ومتعب سحب هيا لبرا عشان تسكت وطلعت هي وعذبه بس وقفو مكانهم ما دخلو الصاله
ابو فلاح ناظر طارق بغضب: اذلففففف برا لا رحمت ، انا بفهمكم كل شيء
ابو متعب: يعني صحيح اللي سمعناه!
ابو فلاح:صحيح
الجده منيره:صاحت عيونك إلا صاحت عيونك ... الصحيح ان عذبه لحمد من خلقت الدنيا شلون تقول اعرررست وحملت والبنت مخطوبة له !!!! أنتم وش تقولون!
ركان كان يناظر هزاع بنظرات العتب والشرهه وهزاع يحاول يبرر له أنه مو راضي وكل هذا باللغة العيون
دلال: وراك ساكت ياخوي! انطقققق وعلمنا شلون وافقت! ماتعرف انه مايجوز هاللي مسويه! لاحول ولا قوة إلا بالله !
ابو متعب وقف بزعل: وحنا نتحرااااك ونحتري شغلك يخلص عشان تصوم معنا وتعيد معنا وتأجز بيننا أثاريك تلعب بالدنيا لعب من ورانا !!! انت ماتشوفنا رياجيل قدامك! ماتعتبرنا ولا تحسبنا مع الرجال؟ نخطبها منك وتعطينا ثم ترجع الشرقيه وتعطيها لغيرنا!!! لعنبوك سلعه هي بين يدينك !!!!
الجده منيره:من مزوجها له!!! هاه يا حصيص منهو نسيبكم!
حصه: رايد ابن ضاري
تناقزوا العيال واحتمو وناظرو عيال فايز بنظرات زعل وااااااااااضحه
ابو متعب انصعق من اللي سمعه وسكت لثواني ثم قال بنبره هادية مكتومه: ولد ضاري يا فايز! قلو الرجال يوم تعطي عذبه ولد ضاري! هذا وظهري منحني من ثقل اللي حمله (يقصد أنه أخذ ذنب اخوه) ، البارح (بمعنى الزمن القريب) بعرس السياف تقول قلعته الباب وهالحين مشرع له بيبان بيتك ومزوجه بنتك!!! وش خليت للعدو يا فايز؟
ابو فلاح وقف قبال ابو متعب: انتم ما بتخلوني احتسي! وانت ياخوي تبي بتذلني أول العمر وتاليه!!!! كل ما حصل شيء ذكرتني بجميلك وذنبي! الهرج اللي سمعته مني هاك اليوم كله من راس ذا -أشر على متعب- هو اللي قايلٍ لي لاتزعل ابوي واتسذب عليه ، والرجال خاطب عذبه من قبل ولدكم وموضوعنا منتهي معه الراضي يرضى والزعلان يطق راسه بالجدار مهب حاله ذي يا سيف لمتى بتعقب على تصرفاتي وخطواتي !! شاب راسي وانت للحين تأمرني وتنهاني حتى بنتي مالي كلمة عليها !!!!
عذبه وهي برا: يا ليت مالك كلمة علي يابوي يا ليتك ماحرمتني من حمد وعطيتني لغيره
الجده منيره وقفت وتقدمت لفايز وطقته كف:منتب كفو ياقليل المروة عضيدك ساترٍ ذنبك له سنين يوم طوّعُك اهل الدم طلع لسانك! والله بعالي سماه إن ما خلعت عذبه من اللي مايتسمى ان شوفتك لي ولبيتي حرامٍ عليك ليوم الدين والحساب ، ابك انت ماصرت تشوفني شيء وتخطي على اخوك قدام الصغير والكبير وقدامي قبلهم ولا كأن لي قدر ولا حشمه!