جمعتنا القرابة *الجزء الثاني* (أنت قدري)

Partie 43

بعد أسبوع :
قاعدين فالصالون بعد ماكملو العشاء وراحو يسهرو ، كانو مجموعين كامل يحكيو كل مجموعة وحدها ، النساء مع بعض ولبنات مع بعض والرجال مع بعض موضوعهم الدائم الخدمة وآرام ومروان يحكيو حتى هوما على أمور business والمشاريع و ينيس حاكم تلفونو ويوري لأديم ، شاف معهم وتحنحن باش ينتبهولو ، وهوما شافو معاه عرفوه كاش ما راح يهدر

صهيب: كيما تعرفو حنا عايلة كبيرة مشاءالله ومزال راح نزيدو نكبرو بإذن الله ، كنا حنا صغار قدكم وتزوجنا وجبناكم ودوكا دالتكم راح نزوجوكم وتجيبو أولادكم وغدوة من غدوة نتوما تاني راح تزوجو ولادكم الا كتب ربي وهيا رايحة ويبقا النسل تاعنا ماشي ، ضم يديه لبعض .... حنا عمرنا ما حتمنا عليكم حاجات ماحابينهمش فحياتكم الا اذا كانو غالطين ، حتى وشفناكم كبرتو ولحق وقتكم للزواج وعمرنا مسيفناه عليكم خاطر رانا كبر منكم ونعرفو مليح باللي الزواج ماشي لعبة ولا نزوة تاع شهر وشهرين وطيش عليك ، كان يهدر ويشوف مع الأولاد وهوما تبهدلو فهموه .... لالا الزواج رابط مقدس تكمل بيه نصف دينك وحياتك كامل ومع ربي يزيد ينعم عليكم بأولاد توليو أم وأب يعني لازم تكونو مستعدين مليح ليه نفسيا وبدنيا ، على هاديك خليناكم على راحتكم تختارو الوقت المناسب والاهم الشخص المناسب اللي تكملو معاه هاد السنين الباقية من حياتكم ، وفهاد النهار اول حفيد فهاد العايلة اللي كنا كامل مستنيينو يدير هاد الخطوة ، شاف معاه .... قرر يتزوج ، ماريا فتحت عينيها من الفرحة وينيس قدم عند أديم
ينيس: تكون مستعد نفسيا فهمناها وبدنيا علاش ؟ ، خزر فيه أديم بخبث
أديم: راح يولي عندك double travail واحد فالنهار وواحد فالليل ، خزر فيه ينيس وضحك ، اما ماريا فما صدقت هدر ، قطعتلو كلامو
ماريا: صح ! ، ماتتصورش ياوليدي شحال راني فرحانة ، ووقتاش الخطبة ؟ نبداو نوجدو !
صهيب: خليني نكمل كلامي ومبعد اهي ليك دايما مزروبة
ماريا: خلاص كمل تحمست برك
صهيب: المهم آرام قرر يتزوج وهادي حاجة تفرحني انا كأب بالدرجة اللولة يشوف وليدو كبر وراح يستقر ويدير دارو وولادو إنشاء الله وتفرحني كخال تاني ، شاف معاها .... لانو خير بنت ختي كزوجة ليه ، هبطت راسها حشمانة ، وراسم تبسم

غالبا كامل كانو عارفين خصوصا النساء ، آرام خبر باباه وهو سقسا راسم على رأيو قبل ميقول قدام العايلة ، اما بخصوص تعجب ماريا هيا صح عرفت بلي آرام ولونار كيف كيف بصح مكانتش حاسبة راح يزرب ويخطبها

زاكو: مفهمتش ! ، يعني آرام راح يخطب لونار ؟
صهيب: ايه ، دار شاف مع آرام .... عمك راهو قابل وحنا رانا قابلين ونتوما قابلين ، يعني نقولولكم مبروك الباقي شوف مع يماك ديرو نهار ، فطوم طلقت تزغريتة من اعماق قلبها ، وهوما تبسمو معاها فرحانين ، قلعت النفس

فطوم: اه بابا العزيز النفس تقطعلي ، هادي في خاطر الخواطر
ماريا: هههه يما فطوم كانت محرقة عليك تتزوج كتر مني
آرام: هانا راح نتزوجو فطوم هاه
فطوم: الله يكملكم بالخير ويزين سعدكم ويخليني نشوف ولادكم
كامل: آمين 🤲🏻 ، آزار دمعو عينيها
آزار: معلاباليش علاش تأثرت بصح منيش مأمنة بلي بنتي كبرت وراح نشوفها عروسة ، ناضت عندها حضنتها
لونار: مامااا
راسم: اوه يا هاد النسا يدخلو البكا فكلش
آزار: حنا نعبرو على الفرحة هكا ماشي كيما نتوما
راسم: انا المهم راني متهني كي راح نمدها لآرام ، معندي مانزيد من نسيب كيفو
آرام: الله يحفظك عمي ، ونقولهالك قدامهم كامل باش يكونو شاهدين بنتك راهي أمانة عندي كيما عاشت عندك معززة مكرمة راح تعيش عندي هكاك واحسن ، راح ندير جهدي باش نخليها دايما فرحانة ، يعني كون متهني
راسم: مهني مهني بلا متقول
ماريا: وانا راني مهنية وفرحانة ليوم كي علابالي بني راح يتزوج بلونار ، راهي بنتي كبرت وتربات قدام عينيا نعرفها مليح واش تسوا وبلي مكانش ماخير منها ، كنت كل ما نشوفها نقول نشاله تكون من مكتوبو وربي استجاب لدعائي
أديم: رانا كامل متهنيين كي راح يديو بعض خاطر مهربوش للبرانية ، شاف معاها وتبسم فالشط وهيا بدلت عينيها منو باش ميمرڤولهمش
آزار: صح
كامي: نفكركم بحاجة ، شافو معاها .... تشفاو نهار زيدت آزار ورحنا عندها باش نشوفو لونار اللي جابتها فالدقيقة التسعين من عرس وجدان وصرب وصهيب شافها واش قال ؟
ضحك صهيب ونطق
صهيب: قلتلها أنا وليدي يتزوج ببنتك
كامي: وراسم نتا واش رديت عليه ، حك راسو
راسم: ادا كان وليدك يشبهلك غير مكان علاه
آرام: يتسما حب يقول مخرجتش نشبهلو
ماريا: والله ياوليدي راك معطوس من باباك ، srtt خشونية الراس
لورين: يمال كيفاش بدلت رايك عمو راسم ؟
راسم: هههه هاديك مانعرف ، راني نڤصر كنت هاداك الوقت نتمهبل بيه ، اصلا كنت نقول مراحش نزوجها كامل من الفرحة بيها ، شاف معاها .... بصح واش دير كل بنت مصيرة لدار راجلها
وجدان: المهم كلشي مبروك وربي يجعل سعدهم خير منهم ولعقوبة للي مازالو نشاله
كامل: إنشاءالله
ماريا: اهيه ووكتاش نديرو الخطبة دوك ! ، ماتقولوليش على شهر ولا ننتحر انا ماكدبت يخطب
آزار: اللي تساعدك
ماريا: بعد 5 أيام مليحة ؟
صهيب: احنا الرجال ماعندنا حتى پروبلام شوفو نتوما اذا يكفيكم الحال توجدو نعرفو سوقكم
آزار: والخطبة كبيرة ولا صغيرة ؟
فطوم: كبيرة واش هادا اللي صغيرة المناسبة اللولة فالعايلة وزيدلها الحفيد اللول مع بنت الدار لازم كامل الناس تسمع
ينيس: فطوم راهي هابة تزها افهمو
زاكو: وزعما يكفيكم الوقت ؟
كامي: ساهل كل وحدة فينا تشد حاجة هيا توقف عليها ويعاونونا الولاد والبنات يتلهاو مع العروس
وجدان: خلاص هكا متفاهمين ، انا غدوة نروح ندير congé تاع 5 أيام
لورين: وانا منزيدش نروح نقرا حتى تفوت الخطبة
صرب: بنتي راكي غالطة مشي نتي اللي راح تتخطبي لونار
لورين: ايه بصح لازم نوقفو معاها تروح تخير واش تلبس وتتهلا فعمرها ، واش فهمك نتا پاپا ، ضحك وحكمها من حنكها
صرب: ياوخدي راني نخمم نهار نزوجك ونتوحش هاد اللسان
وجدان: وماخممتش كي يردوهالك علاجالو
لورين: شكون قالكم راح نتزوج نبقا هنا
كامي: كامل كنا نقولو هكا ممبعد تزوجنا ، دورت راسها لقاتو يشوف معاها ويتبسم ، قلبت عينيها
فطوم: المهم لعقوبة للي مازالو واللي ماشي واجدين يوجدو عمرهم قبل مايفوتهم الثران ، تبسم
مروان: فطوم يا فطوم راكي عليا
فطوم: شكون خلافك نتا تجي من موراه يعني نتا تتزوج بعدو
آزار: هاي زادت صوطات ليه
زاكو: خلي نتلهاو بهادا ونرجعو ليك ، كي نبداو نزوجو نجيبوكم ورا بعض باش نتهناو
صرب: هادي مليحة