( بعد شويه )
( تقي ) و الدموع بتنزل منها بأنهيار تام و شهقات : يا حبيب قلبي يا سيف
يا حبيبي
اااه لية يا رب كدة بس لية يحصله كدة
( عمر ) : استغفري ربك يا تقي مينفعش نقول ل ربنا لية
مينفعش نعترض علي حكمه و قضاءه
( عزيز ) و بيطبطب عليها و واضح عليه الحزن : اهدي يا بنتي اهدي و ادعيله
ادعيله مين عارف يمكن تحصل معجزة و يرجع يقوم
و يمشي علي رجليه من تاني مش بعيده علي ربنا
( تقي ) : حبيبي انا
ياريتني انا بدالك يا حبيب قلبي
( عمر و رامي ) : بعد الشر
( عمر ) : اية الي انتي بتقوليه ده بس
( سوسن ) و الدموع بتنزل منها و بتطبطب عليها : اهدي يا تقي
اهدي يا حبيبتي متعمليش ف نفسك كدة علشان خاطري
( عزيز ) : لا اله الا الله
اللهم لا اعتراض علي قضائك يا رب
لا حول ولا قوة الا بالله
( تقي ) و بتمسح دموعها : انا اا عاوزة اشوفه
عاوزة ادخل اشوفه
( رامي ) : ماشي تعالي ندخل انا وانتي انا مشوفتوش النهاردة
( قامت وقفت ) تقي : يلا
( و اخدها و مشيوا داخلين للعنايه المركزة يشوفوه )
( عزيز ) : عمر كلمتهم ف المستشفا تطمن علي مريم ؟
( عمر ) : لسة مكلم فاطمه و طمنتني الحمدلله مريم احسن
( عزيز ) : الحمدلله
بلغها تعذرنا يابني اننا مش معاهم اديها شايفه الي احنا فيه
( عمر ) : هيا مقدره يا حاج مفيش حاجة
( عزيز ) : ربنا يعديها علي خير
( شهد ) : انا هروح طيب اشوف هنادي
( عزيز ) : روحي يابنتي
***************
( في نفس الوقت )
( قربت علي سريره و الدموع بتنزل منها ) تقي : سيف
عامل اية يا حبيبي
الف مليووون سلامه عليك يا روح قلبي انت
( ابتسم ابتسامه باهته من التعب و رد ب صوت مبحوح ) سيف : الله يسلمك يا حبيبتي
حمدالله علي سلامتك انتي عرفت انك كنتي مسافرة
عامله اية ؟
أنت تقرأ
( وعد بالعشق )
Romanceروايتي الأولي هنا ... هي ( وعد بالعشق ) روايه دراما رومانسيه ، اجتماعيه ...و فيها بعض الاكشن.. كبير العائله رب الاسره و كلمته مسموعه دايما من اصغر واحد لأكبر واحد في افراد عائلته فهو شخصيه صارمه اتعودوا الكل يسمعوا كلاموا و ميعارضهوش ف اي شئ ...هل...
