هايي حيابي كيفكم طبعا البارت ذا بارتين ابارت لا تنسون تحطوا نجمه للبارت عشان استمر معكم والحين اخليكم معه البارت
عزيز : ياخي مالقيت الوقت المناسب عشان اعترف لها
رعد : وهيا كان تبكي على اهلها جيت انت وعترفت لها ذا الوقت المناسب انك تعترف لها ياخي توي اتاكد انك ماعندك احساس
هايف : بدل ما يواسي البنت ويكون معها زادها همها همم
رعد : لو كنت مكانها وتقول لي كذا اعطيك كف على خلقتك
عزيز بزعل : بعد عني انت وهو بدل ما تنبسطو لي جالسين تبهدلو فيني
وقف ومشي عنهم وراح يكمل شغله هايف لتفت حق رعد : زودنها صح
رعد : كله منك
هايف : قم قم خلنها نشوفه
رعد : انا حمار لاني سمعت كلامك
هايف : رعد قم احسن لك
رعد : احلف بس
هايف : لحوللل
وقفوا وراحو ل عزيز اللي كان يقطع اللحم بالغيمه : عزوز
عزيز لا رد
رعد : عزوز هايف يناديك
هايف : كل ذا مزح رعد الخايس
رعد : قسم بالله كذاب هوو غمز لي عشان يقهرك
هايف : ايي بس ماقلت لك زودها كذا
رعد : عزز والله هو قال لي اقول كذا
عزيز عصب منها ونطق : ولعنهه تلعنكمم اذلفو برا احسن لكم
رعد : انا بساعدك وبقطع معك اللحم
هايف : وانا بعد بساعدكم
عزيز ترك السكين اللي بيده وقف : اجل كملوا انتو انا مالي دخل
رعد : لا والله انت ما ساعدتنا بشيء وحتى تقطيع اللحم تبينه حنا نسوي
هايف : خلاص انا مالي دخل اذا رعد يبي يساعدك بكيفه
رعد : شف الكلب وش يقول
عزيز : لحولللل تركوني لوحدي مابي احد يساعدني اطلعو برا
هايف قرب وحضنه : انا اسف والله
عزيز : بعد عني كنت مبسوط وجاي اقول لكم بس ايش سويتوا انتو خربتوا فرحتي
رعد : والله ذا كله من الكلب هايف بس والله انك كفوو اعترفت لها
عزيز : بعد ايش
هايف : ماقلت لنا
عزيز : وشش
هايف : هيا وش قالت لك
رعد : اعترفت لك
عزيز : لا تركتني ومشيت
هايف : اكيد ماتبيها تبوسك وتقول لك احبك البنت تستح ومشيت
عزيز : اقول لكم شيء
هايف ورعد : قول
عزيز : خايف ماتكون تحبني زي ما انا احبها
رعد : ابتسمت لك
عزيز : ايوه
رعد : امورك تمام تحبك
هايف : هييي هييي انت امورك تمام وتحبك حبك برص يمكن ماتبيه وبس ابتسمت يعني احبه
عزيز : هايف معه حق
رعد : طيب حنا بنسافر للرياض وهيا تتجي معنا وهناك تقدر تاخذ راحتك معها وتسألها اذا كانت تبيك
عزيز : هاذ اللي راح يصير
هايف : اجل خلص تقطيع اللحم انت ورعد وانا بروح اغسل مكان الدم عشان جدي مايتوطى في بطونه
رعد : تمام
عزيز : لا تبطي انا باقي شوي واخلص عشان نلحق
هايف : تمام تمام
بيت جدة منال
صحى نواف من النوم وقام غسل وجهه ورجع اخذ جواله وهو يشوف اتصالات ابوه وام احمد ونويصر وغلا اللي فوق الخمسين اتصال ماعده المسجات تنهد بضيق قفل الجوال وحطه بجيبه راح للمجلس وشاف منال جالسه لوحده وسرحانه دخل وهو يلطف جوو : جالسه هنا وانا كل تفكير انتس بالمطبخ تجهزي الفطور تعرفي اخر يوم برمضان وهااه انا عازم حالي على الفطور
ابتسمت بضيق : من عيوني وش تبي فطور
جلس بجنبها نواف : للحين متضايقه
منال : ياليته هو يهتم زي ما انت تهتم لي
نواف : بعد كل اللي سوى امس تبينه يهتم لس
منال : عادي من حقه مب انا بنته يحق له يسوي اللي يبيه فيني
نواف : لا ياشيخه
منال : تركني مني الحين كلمت خطيبتك
نواف : ايش تبي من خطيبتي الحين قومي لابسي وجهزي حالتس بنروح للسوق
منال : مابي اروح مكان
نواف : منول يلا اجهزي انا بروح للبيت اتروش واغير ملابسي ومنها تشوف ابوي حرق جوالي بالاتصالات
منال : في خبر عن خالتي
نواف : للحين لا مافي
منال : يمكن اسماعيل مسوي فيها شيء
نواف : منال من جدتس تتكلمي مستحيل ابوي يسوي حق امي شيء
منال : خلاص رح انت وزي ماقلت فطورك عندي
نواف : ان شاء الله بروح انا وبس اتصل عليتس تتطلعي لي عشان نمشي وشوفي جدتي بتروح معنا
منال : يصير خير
نواف : منالل
منال : خلاص ابشر
نواف : يلا سلام
منال : مع السلامه انتبه ل نفسك
نواف : ابشري
طلع نواف متوجه ل بيت ابوه بعد مدة وصل وفتح له الحارس الباب دخل وهو عارف ايش ينتظره اول مايدخل وايش ارح يصير فيه لانه من اول ماطلع من بيت جدة منال هو مراقب من رجال ابوه ويعرف وصل للعلم لابوه انه راجع للبيت اخذ نفس ودخل للصاله شاف ابوه جالس تقدم وباس راسه لانه يعرف ابوه ان عصب مايشوف قدام ومايبي يعصب هو بعد وتكبر المشكله قرر انه يبقه مروق ويخلي ابوه يقول اللي يقوله مستحيل يزعل منه مهم صار ذا ابوه وحترام له : كيفك يالغالي
ابو نواف بحده : فين كنت
نواف بطقطقه : ليه الرجال اللي حاطهم يراقبوني ماقالوا لك انا فين كنت
ابو نواف : تكلم زين عشان ماقول واخليك تتكلم زي الاوادم
نواف : ابشر
ابو نواف : عند البنت ذي مابي اشوفك تفهمم علي انت
نواف : يبه انت ظالمها ب....
قاطعه ابو نواف بعصبيه : انت لا تتدخل بذا الشيء ان كنت ظالمه ولا لا ذا الشيء يخصني وانت تعرفني ماحب احد يتدخل بخوصياتي
نواف : طيب عاجبك اللي سويته امس ابنتك
ابو نواف : انت ماتفهم اقول لك لا تتدخل
نواف : يبه الله يوفقك خلها تجي تعيش معنا
ابو نواف ضرب الطاول اللي قدامه مغضب : قلت لك لا تتدخل والحقيره ذي ياويلك يا نواف اشوفك رايح لها
نواف : اذا تبي تترك بنتك انا ماتركها يكفي امها تركتها
ابو نواف : هاذي غلطه
نواف : وانت سبب الغلطه لو ما انت هيا ما كانت جت على هل دنيا وعتبرتها غلطه
ابو نواف : انت جاي تحاسبني على غلطاني انت يا نواف
نواف : يبه انا مب جالس احاسبك واخسى احاسبك بس انت قول هيا غلطه وانا رديت لك بس
ابو نواف : انت كل يوم جايني ابلوى اول شيء الكوفي الزفت حقك وبعدها المصيبه الثاني خطيبتك والثالثه نويصر والرابعه منال انت وش الاقي منك جبتك لي عون تصير لي فرعون
نواف : طيب انت قلت لي تعال انت اجبراني اترك الموفي وخطيبتي واجي هنا تحملني
ابو نواف : اوظيفتك كل اهل الديره يتمنوا وظيفتك يا نواف جبتك عشان شغلك مابي شغلك يروح وبعدين انت لو مادريت عن خوانك كان ماسمعت كلامي وجيت هنا انت جيت ابي تسمع الحقيقه من امك
نواف : وجيت وما لقيت امي امي اللي خليتها عندك امانه فينه رجالك اللي تارسه البيت والديره كلها فينهم يوم امي طلعت فينها امي يا ابو نواف مب انت مسؤل عنها فين راحت الحين صال لها قد ايش غايبه وللحين مافي خبر عنها ان كانت عايشه وان كانت ميته انت ماتحس بالشيء اللي احس فيه انه انا روحي راحت معه امي انا اللي ماقدر انا الليل من التفكير فيها اذا انت تقدر تنام انا ماقدر
ابو نواف : انت فكرني جالس كذا مب جالس ادور لها
نواف : وش طلع معك بالاخر ماطلع شيء
ابو نواف : انا كل شيء على راسي انا ويلي هم امك ويلي هم الشخص اللي دخل لبيتي ودخل مكتبي وفتح الخزنه واخذ كل السجلات منها انا كل شيء علي يا نواف انا مين يحس فيني انا مين يحس بتعبي كل شيء سويته لك طول هل سنين وانا من بعد الله خليتك تصير اكبر دكتور بمنطقتنه وخليك الكل يتكلم عنك وكلمتك للحين مانسيته (نواف بن ****** ذا اسم ابوي وجدي انت ابوي اللي ربيتني وتعبت علي مانكر ذا الشيء ابدا انت اللي ماقدر استغني عنه بس تجي بكل برود الارض تشل اسم ابوي الحقيقي وتحط اسمك بداله بهاذي ماسمحلك ابدد ) يقصد كلام نواف ذا
نواف : رجعنه للكلام القديم
ابو نواف : انت اللي جالس ترجعنه له من يوم رجت للديره حقتهم تغيرت علي صرت تشوف نويصر احسن مني كل وقتك معه معد تجلس معي زي قبل
نواف : انت اكثر واحد يعرفني ويعرف شخصيتي اني مستحيل اتغير عليك وتعرف قد ايش احبك واحترمك واعزم انت قدرك كبير عندي كبير حيلل
ابو نواف : بس انت تتهمني بختفى امك
نواف : وانت بعد اتهمتني اني سارق السجلات من مكتبك اول مره تسوي فيني كذا
ابو نواف : قلت لك السجلات بتوديني ورا الشمس
نواف اللي ماحب يسأل عن موضوع السجلات لانه بس يتعب نفسك ويسأله وابوه ماراح يقول له وحب يقفل على الموضوع : تعرف اني احبك
ابو نواف : لا ماعرف توي ادري
نواف : تحبني طيب
ابو نواف : شكلك مخربط بيني وبين زوجتك الله يطول بعمرك
ضحك نواف بطقطقه : زوجتي بعيده عني الحين في انت
ابو نواف ضحك غصب عنه وهو يشوف نواف رجع زي قبل يطقطق معه ولا كانه ابوه كانه واحد من اخوياه : نواففف
نواف : سم يا طويل العمر
ابو نواف : مابي نغاش تقوم الحين تتروش وتغير ملابسك وبوجهك على المشفى ل شغلك وان اتصالة للمشفى وسألت عن الدكتور نواف وقالوا مب موجود ساعتها يا نواف تشوف شيء بعمرك ماشفته
نواف : بشرط
ابو نواف : وشش
نواف : تعطيني ساعتين قبل اروح للمشفى عندي شغل اخلصه اوعد مني اول ماخلصه بتوجه للمشفى لانه عندي موعد بعد اربع ساعات
ابو نواف : وش هو الشغل
نواف : اذا اقول لك الحين تعصب بذالك ماراح اقول ببقه ساكت
ابو نواف : ماراح ارجع واعيد سؤالي مره ثانيه
نواف : توعدني ماتعصب
ابو نواف : نواف
نواف وهو يحك حاجبه : باخذ منال للسوق تعرف انت بنت وتحتاج اشياء خاصه ومنها بتشوف فستان للعيد طلبتك يا ابو نواف لا ترد وحيدك
ابو نواف هو قد ماحاول يبعد نواف عن منال ماراح يقدر لانه يعرف نواف عنيد ويسوي اللي براسه حتى لو كان هل شيء غلط ويخلي ابوه يعصب منه بس هل مره ماحب يكسر بخاطره لانه طلبه : الله معك
نواف : نبرة صوتك تقول غير كذا
ابو نواف ابتسم له بتسليك : ماراح اعصب منك رح لها بس اخر مره معك ساعه ماراح ادق عليك واسألك انت فينك انا بدق للمشفى وبسأل عنه وانت تعرف الباقي الله يطول بعمرك
نواف ابتسم وباس راسه : ابشر يالغالي توصي على شيء
ابو نواف : انتبه ل نفسك ولا تسرع
نواف : ابشر
ابو نواف : رح من قدامي خلني اخلص شغلي
نواف : تامر امر
صد عنه ومشي ل غرفته رمى ثوبه بالارض ودخل للحمام (وانتو بكرامه) تروش على السريع وطلع غير ملابسه واخذ اغراضه وطلع بس ماشاف ابوه طلع من البيت وركب سيارته رن جواله وابتسم من شاف اسمها نور الشاشه رد وهو مروق على الاخر
