ချင်ကျိုး ။ "ဘယ်သူလဲ? ရွှိရှားကျီလား?"
"ဟုတ်တယ်။" လင်ယိက ပြန်ဖြေသည်။ "ရွှိရှားကျီက ချွိကျားလျန်ကို မကယ်တင်ချင်ဘူးလို့ ခံစားနေရတယ်။"
ရွှိရှားကျီက ချွိကျားလျန်အား ကာကွယ်နေသည်ကို သူ ရှင်းရှင်းလင်းလင်းမြင်တွေ့ပြီး ဖြစ်သည်။
ချင်ကျိုးသည် လင်ယိကို စိုက်ကြည့်ပြီးနောက် ခဏအကြာတွင် ပြောလိုက်လေ၏။ "ဒါက ပုံမှန်ပါပဲ"
လင်ယိ : "ဘာလို့အဲ့လိုထင်တာလဲ?"
ချင်ကျိုး : "လူ့သဘာဝပဲလေ"
လင်ယိက နှုတ်ခမ်းကို ဖွဖွဖိထားရင်း ငြိမ်ကျသွားလေ၏။
ချင်ကျိုးသည် ထိုသို့သောမြင်ကွင်းကိုမြင်ရတာ ကျင့်သားရနေသည့်ပုံပေါ်သည်။ သူက လင်ယိ ပုခုံးကို ပုတ်လိုက်ကာ " 'အန္တရာယ်နဲ့ကြုံလာတဲ့အခါကျ တောထဲက ငှက်လင်မယားတွေတောင်မှပဲ တစ်ကွဲတစ်ပြားဖြစ်ကုန်တတ်တယ်' ဆိုတဲ့ စကားပုံကို မင်း ကြားဖူးလား?"
လင်ယိ ခေါင်းညိတ်လိုက်သည်။
"ကောင်းတယ်။" ချင်ကျိုးက ပြောလိုက်သည်။ "ဒါဆို မင်းဘာသာပဲ အဖြေရှာသင့်တယ်။"
နှစ်စက္ကန့်အကြာတွင် ချင်ကျိုးက လင်ယိကို မေးလိုက်၏။ "မင်းသဘောပေါက်ပြီးပြီလား"
လင်ယိ : "!"
သူက ဘယ်လိုလုပ် သူ့ကို ဒီလောက်မြန်မြန်နဲ့ အဖြေရှာတွေ့နိုင်ဖို့ မျှော်လင့်ထားတာလဲ?
"မင်းက IQ 143ရှိတဲ့ ပါရမီရှင်တစ်ယောက်ပဲလေ။" ချင်ကျိုးက ပြောလာလေသည်။
"ကောင်းပြီလေ။" လင်ယိက ပြောသည်။ "ဒါဆို စီနီယာ၊ ကျွန်တော့်ကို နောက်ထပ် နှစ်စက္ကန့်လောက် ပေးပါ"
ချင်ကျိုး : "ထားလိုက်တော့"
လင်ယိ : "?"
ချင်ကျိုး : "မင်းမှာ ဒါတွေကို စဉ်းစားဖို့ အချိန်ရရင် ဒီည မင်းဘယ်လိုကျော်ဖြတ်မလဲဆိုတာကို စဉ်းစားတာက ပိုကောင်းမယ်။"
အခုအချိန်တွင် မရဏစည်းမျဉ်း နှစ်ခုရှိနေလေပြီ၊ သူ့ကို ၇.၇ မကောင်းဆိုးဝါးကောင်က ပစ်မှတ်ထားနေတာကြောင့် လင်ယိအတွက် ယနေ့ညသည် သေချာပေါက် မလွယ်ကူလောက်ပေ။
YOU ARE READING
ဒဏ္ဍာရီလာ သရဲပုံပြင်တွေကို ဇောက်ထိုးမိုးမျှော်ဖြစ်အောင် လုပ်မိပြန်ပြီ
HorrorHorror ကြိုက်တဲ့ဒါဒါလေးများအတွက် အကြိုက်တွေ့စေမှာပါရှင့်။ ဖတ်ကြည့်ကြပါဦးနော်။ ပြီးရင် ကျဲကျဲနဲ့တူတူ ကြောက်ကြရအောင် 😁 သောကြာနေ့တိုင်း update ရှိပါသည်။ 🖤 လတ်တလော wattpadက အရမ်းတွေဖျက်နေလို့ မင်မင် cover ပုံနဲ့ နာမည်လေးတွေ ခဏဖျက်ထားပါတယ်နော် ဒါဒါလေး...
အခန်း ၁၂
Start from the beginning
