❤️غلطه حب ❤️

بارت (٣ )

زينه
بصوت عالي
صايحه
(هَنااا )
ركضت بسرعه زينه بالكوه شالنها رجليها ومشنها للمكان الي وكعت بي
هَنا
وبعيون كلها خوف وكلبها الي صار نار وعقلها ما مصدك أن الأصغر وكعت
الخوف ملئ تفكيرها ودعت من كل كلبها أن حبيبتها ما صار لها شي او ما وكعت أو ماتت
ولحسن الحظ
جانت هَنا
مجلبه بقوه وهي تصيح الي اجتها ولزمتها
من أيدها
.
هَنا
بخوف
زينه ....زينه
راح اوكع ...حبابه ساعديني
زينه ....راح اموت
.
زينه (الارتباك والرجفه الي سرت بكامل جسمها)
جايتج حبيبي
لا تخافين
اني هنانه
بس جلبي زين ولا تهدين ايدج ظلي لازمته
تحملي
اني جايتج راح اسحبج ...
.
هَنا
راح اوكع
ايدي كامت توجعني
راح افلتها
.
زينه
لا
لا
حبيبي
الله يخليج لا تفلتين جايتج
لا تفلتيها اموت ...إذا صارلج شي
هَنا

اموت اني ...هاي وصلتلج
انطيني ايدج حبيبي حطي ايدج بايدي
واني راح اسحبج لحضني
.
هَنا (وهي بالكوه مجلبه )
واذا زلكت ايدي من ايدج وما كدرتي تسحبيني
واذا ما كدرتي تلزميني زينه
.
زينه (وهي توصل لهنا)
لا ... حبيبي
مراح اهدج
ما اخلي ايدي تهد ايدج ساعتها اوكع وياج ونموت سوه
دقيقه وحده ما اعيش إذا مو انتي وياي
.
بهل اللحضه
كدرت زينه تلزم ايد هَنا الي جانت مجلبه زين بالمكان الي وكعت منه ...
بقوه
وسحبتها الها وكدرت ترفعها لحد ما جلبت هَنا بجتافات الأكبر
الي لزمتها من خصرها وجرتها الها بسرعه وبحذر
ورجعت ليوره وهي حاضنتنا بقوه ما مصدكه
أن هي ما بيها شي وان هَنا
بعدها عايشه
ظلت تتنفس بقوه وكامشه بالاصغر
مثل الام الي متمسكه بطفلتها
وتبوس براسها وتحاول تهديها
للي جانت ترجف من الخوف ومصدومه وتبجي
.
زينه وهي تحنن على شعرها وتمسح عليه
كافي بجي حبيبي
انتي
لا تخافين راحت مصار شي عدت سلامات
شوفي
مصارلج شي جنج العافيه كبالي
يلا
كافي اششش...اهدئي ...مصار شي
.
هَنا
(وهي بعدها بحضن الأكبر )
بس ...خوفتج عليه
كل من وره حركاتي الطايشه جان متت
.
زينه (وهي توخر الأصغر عن حضنها وتحط ايديها بين وجناتها وعينها بعيون الي تبجي)
اشش
لاتذكرين طار الموت على لسانج
مصارلج شي حبيبي
انتي ما بيج شي هاي انتي كبالي وبحضني
لزمتج وما تركتج ...اني مابي شي محد تاذى شوفي
مصارلنا شي يله امشي خلي ننزل ...
.
رادت تكوم زينه بس هَنا عارضت
وكالت
مااكدر امشي زينه
رجليه ماتن احس جسمي جاي يرجف وحيل خايفه
.
.
شافت زينه ايدين هَنا
الي مجروحات ويرجفن ووجها الي صار اصفر
.
زينه وهي تلزم ايدين الأصغر وتعصرهن على الخفيف وتحاول تهدئها)
ميخالف هسه أشيلج بايديه
تعاي
.
(وشالت زينه هنا ومشت بيها لحد ما وصلت الحمامات
ودخلت
ونزلتها من حضنها وحضنتها بقوه بحيث حست هَنا
أن زينه عاصره جسمها عصر من كثر ما لازمتها
وبدت تغسللها وجها وايديها الي اتربن )
.
زينه (وهي تغسل ايدين هَنا وملامح الانزعاج باينه عليها )
سوده عليه تعورتي
يوجعنج مو ؟
.
هَنا (وهي تشوف الأكبر شلون خايفه عليها ومبينه حالتها مو تمام )
قليل يعني ...
.
زينه
هسه اظمدهن بس خلي اغسلهن من التراب والوصاخه حتى لا يلتهبن ...
.
.
ومن خلصت شالتها مره لخ وطلعت بيها ليبره
بالحديقه وكعدتها بوسط الزهور والأشجار الي متطيه ريحه طيبه
.
زينه وهي تروح لسيارتها الي جانت بباب البيت طابكتها
بعد ما كالت لهنا
حبيبي
انتضريني هنانه اجيبلج العصاره واجيج ما اطول ثواني بس ..ها ..احبج
(وباستها من راسها بقوه )
.
هزت راسها هَنا
وردت
تمام
.
وظلت تشوف ظهر زينه وهي تركض بسرعه طالعه من البيت
حاسه بتأنيب ضمير لأن خلت الأكبر خايفه عليها ومتشتته بأفكارها ومذهوله
.
فتحت السياره وطلعت الصيدليه اللي ضامتها بمكان بالسياره (ما اعرف اسمه بس هو يصير كدام الي يكعد بالصدر )
ورجعت لها ركض
وبدت تفتح العلاكه الي بيها العصاره على السريع
ومن لكتها
طلعتها وبدت تفتحها وتحط كميه على ايد الأصغر
.
زينه
(وهي تنزل لمستوى هَنا
وحست بتعابير وجه زينه المتألمه )
حبي
انطيني ايدج
خلي احطلج العلاج
.
وبدت باصابيعها توزع الدهن على ايد الأصغر الي حست بحرقه بسيطه على مكان الجرح
هَنا( وهي توخر أيدها عن ايد زينه)
اخخخ
.
زينه (بملامح قلقه)
ها اذيتج ...كلبي توجعتي
.
هنا(وهي تهز راسها بالنفي)
لا بس يحرك شويه
.
زينه(وهي ترجع تلزم ايد هَنا مره لخ )
ميخالف هسه يبرد
خلي انفخلج عليه
.
وبدت زينه تنفخ...على مكان الجرح وبحذر تعقمه
وراها حطت الكوز وبلاصق الجروح ضمدته
(كدام الي جانت تعاين عليها وهي تحس براحه لمن تشوفها شلون خايفه عليهاوجايه تهتم بيها حاسه بقهر لأن شايفه شكلها المبهذل ملابسها متربات وشعرها المخربط وحالتها حاله)
.
زينه
ها هي خلصنا ...بعدهم يوجعنج
اوديج مستشفى خلي اروح مستشفى خاف ما عرفت شلون اظمده
(تحجي على السريع وكميه خوف باينه عليها)
.
هَنا(وهي تحط ايديها على خدودها على الخفيف تخلي عيونها بعيون زينه )
لا زينه
زينه اهدئي. ..اهدئي ..بس باعيني ...ما بي شي
بس مجرد الم خفيف هسه يروح ما بي شي لا تخافين عليه
هدي نفسج ما احب اشوفج مرتبكه وخايفه هلكد
.
زينه (وهي تبجي واخيرا محاوله تطلع كل القهر من جواها
بعد ما جانت مصدومه
وهي تبوس أيدها الي جانت حاطتهن هنا على وجناتها
بقوه )
شلون ما اخاف عليج انتي ماتتصورين شصار بي
تخبلت
ما ظل تفكير براسي سليم
لساني انشل وجسمي كله رجف ورجليه ما اعرف شلون حركتهن من مكاني
احس الوكت صار يجر جر
واحسج صرتي بعيده عني هواي مسافات
واول فكره اجت براسي أن أول مراح اقترب راح اشوفج
واكعه بالكاع ودمج سايح و..و
.
هَنا (وهي تحضن الأكبر على السريع )
اسفه هواي
اني
اسفه لأن خليتج تتاذين بسببي
اني كلش اسفه
مراح اروح لاي مكان وراح ادير بالي مره لخ
حبابه كافي تبجين
ما اريد اشوفج ضعيفه كبالي
من يوم الي شفتج بي واني اشوف زينه القويه
الي ما تضعف ابد ودومها واثقه بنفسها والي خلتني اصير شي عظيم بحياتي
انتي السبب الي خليتيني بان اوصل بدراستي واحقق احلامي
انتي الي طلعتيني من عالم معقد وكله مسدود بوجهي
انتي الي زرعتي الثقه بي وانتي الي زرعتي الامل 
انتي ورقتي الرابحه بهل الحياه زينه اني من دونج ولا شي لو ما داخله لحياتي جان اني على حالتي البنيه الميؤس منها أنتي الي زرعتي الحياه بروحي.. جنت منتضره الموت على لحضه كل الي جنت اتمنى أن عزرائيل يأخذ روحي ...اني جنت مأيسه من حياتي زينه
.
.
زينه (وهي تبوس راسها بقوه )
اضعف وكت ما اشوف مريضه لو صايرلج شي
موزين
انتي الي تخليني قويه وانتي الي تضعفيني
هَنا
روحي بايديج
هَنا حبيبي
انتي الي بسببج إذا تشوفيني مرتاحه أو لا
انتي الي تخليلي يومي شلون يصير
انتي
السبب
انتي الأساس مالي
انتي مثل المي الي ينعش الورد
انتي حياتي
اني ما اسو اي شي بدونج انتي بايديج ذني ماكو
تخليني فرحانه أو تعيسه بشوفت وجهج لو لما احضنج
أو من ابوسج ...بشوفه عيونج وهن يباعولي
حركاتج
كلامج
ضحكتج
دموعج الغاليات كلشي
بيج
الي
أعشقه هو السبب الي يخليني عايشه
وداعتج عندي وحبي الج وغلات هل العيون
اذا اليوم لا سامح الله والحمد الله مصارلج شي
اذا صارلج شي وشفتج ميته
اني
ثانيه مراح أظل بهاي الدنيا
اذب نفسي وراج بدون مقدمات أو تفكير
لأن الحياه بدونج ما تسوى نفس
.
هَنا
(وهي تبجي وكلبها الي فرح وبنفس الوكت حزن
من كلام زينه )
بس هل الحجي ما يصير زينه
لأتنسين عندج اولاد منو الهم إذا اسم الله عليج متتِ
.
زينه (وهي تحط عيونها بعيون الأصغر وتمسح دموعها )
ما يهمني أحد
صدكيني
اني بحبج انانيه ومراح اتركج ثانيه وحده وين ما تروحين الحكج اني مستحيل اتركج
اني بعدني ما عايشه حياتي وياج بعدني بالبدايه
وهيج اخسرج بكل سهوله مستحيل
وين ما هَنا موجوده زينه بصفها (بجانبها)
تذكري كلامي كلش زين
زينه ما تسوى حياتها إذا مو هَنا يمها ولازمه أيدها بايد اللخ...
اني احبج هنا تعرفين شنو. معنى احبج.
يعني ما راح اخلي اي احد يفركني عنج حتى الموت ماراح اخلي ياخذج مني
.
.
حضنت هَنا زينه بقوه
وظلت وحده تبجي بحضن اللخ
وحده ترادد بكلمه
احبج للخ
.
هَنا
احبج زينه كلش احبج اني ...
الله لا يحرمني منج ولا من حبج وحنانج
.
زينه وهي تبوس بركبت الأصغر
واني اعشقج يا روحيتي من هل الدنيا
اوف هناوي
شكد خفت عليج
شسويتي بي ...وبحالي
مخبلتيني انتي والله
.
ضحكت هَنا على كلام زينه الي أيقنت أن اختيارها لزينه ابد ما جان غلط وشكد هي محضوضه بيها
وبحبها
وشافت شلون هي خافت وتخبلت عليها وشلون هي مهوسه بحيث من كلامها أكدت الها أن هي مستعده تموت وراها إذا ماتت حتى عدها استعداد تترك ولدها واهلها علمودها هي تعزها أكثر من روحها
.
.
زينه (وهي تمسح دموعها بايديها وتحاول تكوم بس ملامحها تنعقج من الاذيه الي لاحضتها هَنا)
يله خلينا نكوم نروح للبيت حتى نرتاح
.
هَنا
زينه
.
زينه
ها ...موجعه بعدج مو كتلج خلي نروح للمستشفى غير عناديه بس مو صوجج صوجي اني الي ما اخذج بدون ما اتعب نفسي واتناقش وياج ...