ازر زمزم

part 12

بسم الله الرحمن الرحيم

بقلمي : عـــشـــتـــار

لا تنسون التصويت و التعليق على كل الفقرات لُطفًا يا خُود قلبي 🤎🤎🤎

أحب عيونچ الما يستحن مني
ياهو الحط شرط بس بالخجل يحلن؟
يمحلى عيونچ من اترسهن بطولي
إذا مو لوني يسگي بشوفهن يعمن

عريان السيد خلف

_______________________________

شمرت العباية عليه و جابت شحاطة قديمة و هم تريدني ألبسها، لبستهن و ردت اطلع صاحت وراي

ايمان _ وين رايحة ولچ تعالي اگعدي شوية وياي
زمزم _ والله و لا ابقى بس اگعد يمچ شوية بعد تلبسيني نقاب

تركتها و طلعت اتمشى بـ الشارع على أقل من مهلي و وين ما اشوف ورد ابقى واگفة يمه دقائق يلا اكمل مشي

وصلت لـ البيت و لگيت ترانيم بالباب واگفة و تبچي

زمزم _ شبيچ ولچ منو وياچ
ترانيم _ زمزمه ماما نايمه و ما تقبل تگعد

گلبي نبض بـ خوف دخلت لـ البيت و شفت بس هيصم يمها و امي ما تتحرك و بـ صعوبة تجر النفس

تركتها تحت أنظار اخواني بـ عيونهم المدمعة و رحت على الغرفة بـ أقصى سرعة عندي

جبت جهاز السُكر و اجيتها، بـ سرعة اخذت أيدها و صرت اقيس الها السُكر و مثل ما توقعت سُكرها صاعد و واصل 600

رحت جبت أُبرة الأنسولين و اني اطمن هيثم و ترانيم بـ كلماتي
زمزم _ لا تخافون امي كافي بچي و عيونكم ما بيها شي بس اهدوا فدوة الكم

بس اكيد ما أخذوا بـ كلامي و استمروا بـ البچي، حقنتها أُبرة الأنسولين و شكلت الها الكانيولا حتى اخلي الها السيروم

مرت اكثر من نُص ساعة يلا بلشت تصحى و تنتبه النا

زمزم _ من شنو ضجتي و صعد سُكرچ هيچ ؟
مضلومة _ ما ضجت
زمزم _ يُمه تضحكين عليه ؟!!! اعرف كلش زين سُكرچ ما يصعد لـ هيچ رقم الا إذا ضايجة من شي و مقهورة، احچيلي منو هذا الي ضوجچ اروح اصخم وجها
مضلومة _ محد مضوجني
زمزم _ خوش يُمه لا تحچين بس تطلع السالفة بعدين و اعرف منو مضوجچ و خلاچ تتمرضين هيچ

تركتها و گمت اخذت ملابسي و دخلت لـ الحمام فتحت الماي و گعدت بدون حركة بس دموعي تنزل

زمزم _ يا الهي ساعدني و عينّي، أُمي تعبتني يا ربي تعبتني بـ هذا خوفها و طيبة گلبها و حنيتها
اعرف و متأكدة اكو شخص حچه وياها و قهرها بس شنو يقنعها و تسولفلي ؟!! شنو يقنعها و يخليها تأخذ حقها من كل شخص يدور على اذيتها و يريد يسلب راحتها

لو شخص حاول يسلب ضحكة أُمي اكون مستعدة اخذ روحه

بس شنو يقنع گلبها النظيف ؟!!!