حماس بنات ومثل كل مره نشر
بين يوم ساعه1:1ليلاً
احبكم ستمتعو لؤلؤاتي
↓_↓
انه جنت اكلك وين ماوين..
وردتك تكلي عله قلبي وجفني والعين.
__________________
دنيا باردة اني وحدي بغرفة ضلمة كلشي ما اشوف اريد احجي اصرخ مكدر احس شي لازم لساني مشلولة مكدر اتحرك فجئة نفتح باب الغرفة وفات شخص ملابسة كلهة سود وجهة اسود عيونة حمرر وينزل منهة دم كام يتقرب مني شوية شوية اريد اصرخ ومكدر صوتي مبحوح وميطلع اريد افوت بل حايط من الخوف فجئة صار يركض بتجاهي لزمني وصار يخنك بية وفزيت طفرت من الجرباية مثل المخبلة ابجي باوعت عل ساعة بعد وكت لدوام استغفرت كمت بعد مكدر انام رحت للحمام سبحت وطلعت صليت و لبست ملابس الدوام خلصت صارت ب 7و وثلث نزلت البيت فارغ بابا يطلع من الصبح لشغلة واخوي الوسطاني همات بس ادم ابو الوسخ يبقى نايم رحت لكيت ماما بل مطبخ رحتلهة حضنتهة وبوستهة
جنار : صباح الورد يا وردتي حضنتهة حيل لك عيني شهل وجه المنور من الصبح شهل عسل الكدامي
ام علي : صباح النور بنيتي ههههه ها شنو هل طاقة اليوم يومية تنزلين مطنكرة شعجب اليوم من طالعة الشمس
جنار : لا يمة لا مو لهل درجة بس يعني اليوم احس عندي طاقة اريد اطلعهة بيكم
ام علي : اممم دكومي سوي ريوك وتريكي مبقى وكت يلة بسرعة
جنار :بعد وكت زمزم ومريد اروح وحدي خلي ادم يوصلني فدوة يمة كعدي
ام علي : اخخخ منج بس لو اعرف منين طلعين هل اسماء وتلزكيهن بية
جنار : ههههيي تعرفين شنو معنى زمزم يعني انتي مي زمزم اخخخ بوية شحبجج الحنينة
ام علي : وين الربط بل موضوع خايفة ما هاي الواكة مالتج يمة
جنار :ههههههي يُومم والكعبة ما اتلوك ولا اريد منج شي بس معرف اليوم احس هيج اكو شعور ب البي البي يحبج شسوي ههههههه
ام علي : ولجججج كومي سويلج ريوك راح تتأخرين كومي
جنار :اي اي اعصابج زمزمي هههههه ولا اكلج ما اشتهي اتريك وداعت عيونج الحلوات
ام علي : اي ابقي هيج لاتاكلين جنج جلب سلوكي من الضعف
جنار :ههههههه بربج يمة الا جلب سلوكي صدك اكلج يمة اني ليش ما اشبهج شوفي جمالج راح يجلطني صدك بابا شلون لحد هسه ما مجلوط من جمالج والحُسين تخبلللين
ام علي : صخام بوجهييي ولج كومي هسه تتأخرين على دوامج كومييي
جنار :يمة وام البنين ما روح وحدي كومي كعدي ادم فدوه يمة
ام علي : ليش صاير وياج شي وما تروحين وحدج
جنار : لا والله مصاير شي بس خلي يوصلني احس نفسي منبوذة اروح وارجع وحدي
ام علي : ليش بنات ام وليد روحي وتعالي وياهن حبابات بس انتي وعازلة نفسج ومتروحين وياهن
جنار : اهوهو يمة مريد محب اروح وياهن عمي اني اكوم اكعد ادم
ام علي : والله هسه لو تموتين ما يكعد
جنار : افا على بختج يمة هسه اخلي ينزل طيارة صعدت على غرفتة سويت مداهمة بدون ما دك الباب ادمممممم ادوميي الورد اخي العزيز الكريم اكعد رحمة لكصايب زليخة انهض يا اخي انني في امس الحاجة اليك عاط بية
ادم : ولجججج بت النعال شعندج من صباحيات الله
جنار :نعال بحلكك كومممم كوم وصلني لدوامم
ادم : ولي من وجهي خليني مطمور لا اكوم اكضي بيج التوبة والله
جنار : ادمم امانة كوم بداعتيي كوم
ادم : اذا اكوم ازرب بداعتج يا حيوانة
جنار : هوا حجة هيج رجع رفع الحاف وطلع راسة كئنو ذكر شي ضحك وحجة
ادم: تعالي اكلج ذيج صديقتج داوم اليوم
جنار : ياهي هوا اني منيلي صديقات لو تقصد حور
ادم: لا ياخرا ياحور ذيج ام عيون خضر
جنار : اكل نعال وكوم ابو البنات ذيج الي كاعد تحجي عليه نقلت
ادم: تمام لعد ولي يلة خلي ارجع انطمر
جنار : وام البنين متنام اني اعلمك سحبت اللحاف هم رجع اخذة ميفيد رحت جبت كلاص مي من البوري بارد وجيتة كتلة اخير مرة اكلك كوم لا والحسين اسبحك بي
ادم : والله يا جنار اطيح حضج اذا سوينهة
جنار : ذبيت مي بيدي ورشيتة على وجهة هوا فز وكاملي واني نزلت اركض اريد اطير جان ما وكعت على وجهي من كد ما اركض بسرعة نزلت عدنة مخزن جوا الدرك ختلت بي وسديت البا ب هوا بقى يصيح
ادم : ولججج جنار والخلقج اطيح حضج اليوم فتحي الباب
ام علي. : ولك يمة صوتكك وين وصل
ادم : يمة بربج نايم تجي ترشني بل مي فززتني
جنار : يمة والعباس جذاب كعدتة كتلة وصلني كام سئلني على صديقتي داوم لو لا كتلة نقلت جان رجع لف راسة ابو البنات
ادم: اني اعلمج ام عطوب
جنار : راح صوتة اني بل حمام اضحك وتذكرت الحلم وتخيلت نفس الشخص الي بل حلم وراي عطت وطلعت اركض وكمت ابجي
ام علي: وسممم ولج صوتج وين وصل انتي وذاك
جنار : شافتني ابجي اجت هيه وادم حجيتلهم امي كالت اي لان ما صلين هيج تحلمين
ام علي : اوف اوف منج كومي صارت 7 ونص كومي روحي
جنار : ادم بروح ماما امشي وصلني لاصير نكس فدوه تقدم علية وحجة
