DISASTROUS

SEVENTEEN

Eevi's Point Of View

Sa labas palang ng arena ay kita ko na ang maraming taong nagtatakbuhang palayo sa lugar na iyon. Ang karamihan ay sugatan na at umiiyak dahil sa takot.

"AAAHHHH!!! LAYUAN MO AKO!!"

Sigaw ng isang ginang na ngayon ay pinaibabawan ng babaeng gusto siyang kagatin. Pero mabilis pa sa isang segundo akong tumakbo palapit sa kanila para hawakan sa kaniyang buhok ang babae at malakas na sinuntok sa mukha dahilan para tumalsik siya sa malapit na kotse. Nayupi iyon sa lakas ng impact ng suntok na ginawa ko.

"Miss ayos ka lang?"

Tanong ko sa babae. Pero imbis na sumagot ay takot na takot siyang tumakbo palayo sa akin. Nang lingunin ko ang repleksyon sa bintana ng sasakyan na malapit sa akin ay doon ko lamang napagtanto kung bakit ganoon ang naging reaksyon niya.

I've transformed.

I look like a monster kaya naman pati sa akin ay natakot siya.

"Eevi!"

Pagsigaw na sigurado akong boses ni Ate Rhiane kaya naman kaagad kong hinanap ang kinaroroonan nila. With my transformed body, my senses are sharper than it normally is. It was ten times before but now I can feel that it is more than ten.

Mabilis akong nagbago pabalik sa normal kong anyo nang matagpuan sila ilang segundo lang ang lumipas. Tumakbo ako papunta sa pwesto nila at halos maluha nang makita ko ang senaryo doon.

"R-Rhein...."

Panay ang pag-iyak ni Arethea at ganoon din si Rhoan na hawak hawak niya para pigilan na lumapit sa uncle niya. Si Ate Rhiane naman ay pinipilit lang na pigilan ang mga luha niya habang pinipigilan ang pagdurugo ng sugat ni Rhein sa kaliwang dibdib niya.

"I'm sorry Eevi....Vin and Rhein...they are trying to protect us...."

Hagulgol ni Arethea habang nanginginig ang mga labi. Hindi ko magawang makapagsalita. Rhein looks like he is conscious of his surrounding pero mukhang bibigay na rin ang katawan niya anong oras mula ngayon. And Vin, I don't see Vin anywhere.

"Nasaan... nga pala si Vin?"

Pinilit ko na magsalita. At nang mas lalo lang lumalim ang pag-iyak ni Arethea ay doon ko lang napagtanto ang nangyari.

He's dead?

Did he die protecting them?

"Nahiwalay lang siya sa amin. Pinauna niya kaming umalis at naiwan siya sa loob."

Sagot sa akin ni Ate Rhiane na ikinatango ko. Pakiramdam ko ay nabunutan ako ng tinik sa lalamunan matapos iyong marinig.

"Mayroon ba sa inyo ang mayroong kotse na dala?"

Tanong ko habang pilit na pinipigilang pati ako ay magsimulang umiyak katulad ni Arethea. Hindi pupwedeng lahat kami rito ay panghinaan ng loob. I need to do something. I can still save Rhein.

My parents said that my blood can cure right? Maybe I can help Rhein. But I need Rhoan, Ate Rhiane and Arethea out of here first.

"I-I have our car key."

Sabi ni Arethea. Niyakap ko siya at ganoon din si Rhoan na kasama niya. Pareho kong hinaplos ang likuran nila para patahanin sila.

"It's okay. I'll find Vin, you get out of here first. Stay safe okay. Stay strong Arethea."

Tumatango siya habang umiiyak pa rin. I don't know how hard this is for her pero kailangan niyang magpakatatag. She is not safe here kaya kailangan nilang umalis sa lalong madaling panahon.