تـحتَ سـلاسـل الجَديـلَ

part.6 |حَادث

#تــحتَ ســلاســل الجِديــلَ

بقلمي:- دلهِم الجنابي

~~~~
وإذا الحبيبُ أتى بذنبٍ واحدٍ جاءت محاسنه بألفِ شفيع..!

~~~~

" نَـازك "

.. واكفـــة ڪبال المراية وألف بـ شالي الي مايضبط
التفتت على فتحت الباب

- الله جابج علية تعاي سويلي شالي.

أزل : دروحي بعدني ڪلشي مامسويةة

نَـازك : عليج الله حبابةة

- روحي على امي تسويلج يا ، ولي اريد ابدل

نَـازك : عفتها واخذت شالي وطلعت من الغرفة رفعت فستاني لا اوڪع من الدرج اني ويا ونزلت ل امي
دڪيت الباب ودخلت للغرفة صار بوجهي بابا
واڪف على الميز ويمشط بـ شعره

وامي واڪفة وفاتحة باب الكنتور مدري شدور
انتبهلي بابا وڪال

- تعاي دخلي ليش واڪفة؟

دخلت واتقدمت يمها رفعتلها الشال بيدي واني اضحك باوعتلي امي وڪالت بعصبية

- شلون بلا احنا مانخلص صرتي بطولي وماتعرفين تلفيننن شالل!

باوعتلها بنضرات بريئة وارمش بعيوني
اردف بابا وهو يطلع من الغرفة

- خفن ايدجن ولاتتأخرن مثل ڪُل مرة!

خلة وطلع وماما التفتت الي وڪالت

- تعاي انتِ الثانية خلصيني حتى نولي

وڪفت يمها وصارت تلفلي الشال بطريقة حلوة ولايڪة على دائرة وجهي خلصت ولزمتني من طرف فستاني وطلعتني برة

- يمعودة على ڪيفج، بس خلي ابوسج على هاي الفة الحلوة

- ولي من وجهي وبوستج خليها الج وبعد إذا اجيتيني بشغلة احطج واكتلج

تقربت عليها وبستها بوسة ام الطكة دفعتني وڪالت
- وخرري من يميي هو اني روحي لاعبة.

ضربت على صدري وباوعتلها بصدمة
- يمةة بس لا جوري حامل، يبوو اتخزينة تالي الوڪت جوري تحبل وواحفادها بطولها يبووو

- وشبية شو بعدني صغيرة

- اي بعدج صغيرة وراح طبين بال خمسين

- عمري سبعة واربعين شبساع كبرتيني

- ترى انتِ نهايتها يعني عمرج بالخمسين هيَ كوة تصغرين بروحج

لزمتني من ايدي ودفعتني بـ اتجاه الاستقبال
- بلا لوغة زايدة وامشي كعدي يم ابوج خاف يريد شي.
مالحكت احجي طبكت الباب بوجهي
ضحڪت على سوالفنة امي ڪلة ولاتڪُلولها
انتِ جبيرة لو نزوج ابوي تشرنة على الحبل بس رغم
كُل هذا روحها مرحة عكس بابا 24 ساعة معصب
حتى اخاف احجي وياا.
تقدمت للباب الاستقبال حتى اكعد يم بابا واعرف كعدتي مالها فايده
بس استوقفني صوت يناديني