ظنوا ان الصمت في وجهي رضى
مادروا بالصمت في وجهي جدال
ظنرتي اوسع من حدود الفضى
السكوت ابعد من حدود الخيال
شف على كثر الكلام اللي مضى
ما عطيت مدوّر لزلّه مجال
من نوى صدي ف انا جمرة غضى
ومن نوى وصلي ف انا ماء زلال"
مشت وكانو طول الطريق صمت، وصلو ونزلت تجيب كرسي له، رجعت ومعها الكرسي وساعدته ينزل ويجلس عليه، دخلت وهي تدف الكرسي وكلمت الموظفه انها تكلم الدكتور أحمد اذا كان موجود،
الموظفه:لا الدكتور أحمد للحين ماجاء بس الدكتور هادي موجود
ضيّ: تمام انا في الطابق الثاني غرفه رقم***
الموظفه: تمام
مشت لطابق الثاني وغرفه الي كانت جنب مكتبها، دخلت وساعدته يجلس على السرير، دخلت الممرضه ومعها ملف: دكتوره ضيّ الملف
لفت لها ضيّ واخذت الملف، بدت تسجل فيه بياناته وسألته الي ماتعرفه، خلصت ودخل الدكتور هادي تفحص رجله ولف لضيّ: دكتوره ضيّ المفروض تجيبيه من اول
ضيّ بشوي عصبيه: مارضي، فيه شي دكتور خطير
دكتور هادي: لا مافيه شي وكله اسبوعين وتصير احسن
لا يمشي عليها مره عشان ماتظرر وانتي دكتوره وتعرفي
ضيّ: اي ماعليك شكرا يعطيك العافيه
دكتور هادي: واجبي
طلع ولفت عليه: سمعت اسبوعين ماتمشي عليها
باسل: وكيف اداوم
ضيّ: خذ اجازه
باسل: والله حدي اسبوع وبعدين حداوم رضيتي مارضيتي ماهمني
ضيّ بعصبيه: لا انا الي همني والله ماهميتني بس عشان امك الي للحين ماتعرف انك متصاوب وبسبب عناد راسك ممكن تضرر رجلك وماعاد تقدر تمشي عليها
باسل: امي اعرف افهمها ماله داعي تكبري الموضوع
ضيّ: مستحيل رح تجلس اسبوعين مثل ماقال الدكتور رضيت مارضيت ماهمني
باسل: لا تقلدين كلامي وانا قلت لك اسبوع وبداوم
ضيّ: خلك في عنادك
جلست على الكنبه الي في الغرفه، وناظرت في الشباك الي جنبها ناظرت فيه وكيف انسدح يبي ينام، مسكت جوالها تطقطق عليه ونامت هي بعد، مانامت زين طول الليل عشان كذا نامت وهي على الجوال من دون ماتحس،
--------
صحي وشافه انها مو موجوده، جلس واخذ الجوال دق عليها ووصله صوتها:هلا
سلطان:تعالي ابيك
مها: وش تبي
سلطان: وينك وش تسوي
مها: جالسه مع خالتي
سلطان: تمام تعالي بسرعه
مها: طيب
استأذنت من خالتها وطلعت له، دخلت وشافته جالس على الجوال، جلست على السرير جنبه وهي تسأله: هلا وش بغيت
لف عليها وسحبها له: ابي أبدا يومي على وجهك في مشكله
ابتسمت مها: لا مافي مشكله ولاشي بس فيك ذحين بعد مابديت يومك على وجهي تقوم تتروش
ابتسم سلطان ودخل راسه عند عنقها يقبّلها: صايره مغريه حتى لو انك في لبس امي
ابتسمت لانه لاحظ لبسها: قوم لانطول على خالتي
ناظر فيها وحط راسه في حضنها: متى باتبشرينا
استغربت سؤاله: وشو
ابتسم وقرب يقبّل بطنها: ببيبي هنا
قلب وجهها احمر من الخجل ودفته: قوم تروش
ضحك على ردة فعلها وجلس وسحبها فوقه:نقول قريب
غمز لها وقام دخل الحمام(يكرم القارئ) يتروش
،قامت ترتب السرير وتطلع له ملابس، حطت ملابسه على السرير وطلعت، دخلت الصاله الي تجلس فيها خالته وجلست معها تسولف، لفت لرغد الي اسألها::: سلطان صحي
هزت راسها بأيه: اي وشوي ويجي
ام عبدالله: اجل جهزو الغداء
مها: ابشري ياامي
قامت هي ورغد يجهزون الاكل، وهو نزل قبّل راس امه: كيفك ياغاليه
ام عبدالله: بخير يمه انت كيفك كيف شغلك
سلطان: بخير الحمدلله
ام عبدالله: متى جيتو امس؟
سلطان وهو يحك حاجبه: كان عندي شغل وتأخرت عشان كذا جبت مها عند رغد قبل اروح
ام عبدالله: اي زين
وصلهم صوت مها الي تناديهم للغداء، وراحو لها ابتسم سلطان وهو يناظر مها: تسلم الايادي والله
رغد الي لاحظت: الله يسلمك على فكره انا الي طبخت زوجتك ماسوت شي
ضربتها مها على كتفها: ياالكذابه مو انا الي مساعتك
رغد: لا ماسويتي شي ليش الكذب
مها: هين يارغد اجل نظفي موعينك
رغد: خير دامني الي تعبت وطبخت انتي الي تنظفي
سلطان: خلاص فهمنا والي طبخت هي الي رح تنظف
رغد: توقف معها امي شوفي ولدك
ام عبدالله: مالي شغل
رغد: خلاص عاد هي الي طبخت معي
ضحك سلطان: ايوا كذا
ضحكت مها: عشان تتركي الكذب
رغد: اهم شي ما انظف لوحدي
لف سلطان لامه: العيال وينهم
ام عبدالله: مدري اخوك عبدالعزيز ومحمد وين صحيت وماحصلتهم قلت اكيد طلعو اشغالهم
سلطان: عبدالله كلمك
ام عبدالله: اي وصل هو وهله لجده
سلطان: تمام ودلال
ام عبدالله: راحت معه
سلطان: الله يحفظهم
جلسو ياكلون ويسولفو، خلص اكل وقام لحقته مها، جلس وجلست جنبه: وش صار معك امس وش كان شغلك المتأخر واخر الليل
لف سلطان لها: رحت عشان كان فيه حملات لصقر بتوصل ومن ضمنها مخد*رات
لفت عنه مها بزعل وكانت باتقوم بس مسكها وجلسها سلطان: لا تزعلي ونتي تعرفي اني مقدر اتركه يسوي الي يبيه ويخرب الوطن
مها والدموع مجمعه في عيونها: اي بس مابي اخسرك تكفى ياسلطان انتبه لنفسك
ابتسم وحضنها من جنب: ماعليك مارح يصير لي شي وهاذا انا قدامك مافيني شي
حطت راسها على كتفه: الله يخليك لي
قبّل راسها: ويخليك لي
مسك جواله يدق على يحيى لانه يعرف عايض مارح يصحى على صوت الجوال ونومه ثقيل وكمان يحيى نفس الشي ولاكن جرب حظه فيه اذا بايسمعه ويرد
----------
كان نايم ومرتاح تحرك وهو يسمع الجوال الي يدق ورد من دون مايشوف الاسم: الو
سلطان: هلا والله كيفك اخبارك
عايض: بخير الحمدلله من معي
سلطان بعصبيه: عايضوه يكفي نوم واصحى
فز عايض: هلا سلطان وش بغيت
سلطان: صحصح وصحي يحيى عشان نشوف باسل
عايض: تمام يلا باي
سلطان: باي
سكر ولف لعايض يصحيه، حاول فيه لين صحي وشغل الجوال وحاول يفتحه ولاكن لاحظ انه مو جواله رماه على يحيى الي جالس، لف عليه يحيى: ياخي وش فيك من صبح الله
عايض: قوم صبح في عينك حنا في الظهر يلا اصحى بجيب لك ملابس
يحيى: يلا استعجل
دخل عايض البيت متجهه لغرفته يجيب ملابس ليحيى، اما يحيى الي اول ماطلع تذكر عمه ابو هيام
، دق وشوي ووصله الرد: الو
تنحنح يحيى: هلا يابنت العم كيفك كيف عمي
هيام: الحمدلله بخير انت كيفك
يحيى: الحمدلله بخير عمي صاحي
هيام: اي اصبر شوي
دخلت لابوها الي جالس على سريره ويناظر السقف
:يبه يحيى يبي يكلمك
ابو هيام بابتسامة: هاتي اشوف
اعطته الجوال وجلست، ابو هيام: هلا والله بالغالي ولد الغالي
يحيى: هلا فيك ياعم كيفك طمني عنك
ابو هيام: بخير الحمدلله انت كيفك وينك ماتجيني
يحيى: ابشر إن شاءلله قريب وانقل شغلي عندك
دخل عايض مستغرب من كلماته الاخيره، حط الملابس وطلع لغرفته لتروش ويغير ملابسه كمان،
ابو هيام: هلا والله ومرحبا متى ماجيت يالغالي
يحيى: الله يبقيك ويطول بعمرك ابد إن شاءلله قريب وعندي طلب لما اجيك
ابو هيام: ابشر بلي تبي
يحيى: الله يخليك لنا ياعم ويطول بعمرك يلا ياعم ماطول عليك مع السلامه
ابو هيام: مع السلامه الله يحفظك
عطاها الجوال وطلعت، شافت ان المكالمة لسى مفتوحه: يلا مع السلامه
يحيى: مع السلامه انتبي لنفسك ولعمي
ابتسمت هيام الي صارت متعوده اذا دق يحيى يقول هاذي الكلامات قبل لا يسكر: تمام ونت كمان
ابتسم يحيى: ابشري يلا باي
هيام: باي
سكر وبتسم وقام يتروش ويلبس الملابس الي جابها عايض، بعد لاحظات يدخل عليه عايض بالغداء، ويجلسو ياكلو رفع راسه عايض يناظر فيه: وين با تنقل
يحيى بستغراب انه سمعه كان بايقول لهم بس ماكان وقته: مين تقصد
عايض: لا تسوي مافهمت علي اقصدك انت وين با تنقل
يحيى: بانقل شغلي في مكه عشان عمي مقدر اتركه لحاله كذا وهو تعبان
عايض: اي بس بنته عنده
يحيى: ادري وماتقصر بس مقدر اتركها واتركه كذا لحالهم بروح واتزوجها واجلس عندهم
هز راسه عايض بتفهم: زين ماتسوي
ابتسم له بغمزه: بس عادي قول انك بتتزوجها عشانك تحبها ماله داعي تحط اعذار
يحيى: لا تسوي فيها فاهم وكل
ضحك عايض لانه قافطه او حتى سلطان وباسل قافطينه ويعرفو انه يحبها، اكلو وجلسو يسولفو على كاسات الشاي،
---------
صحيت على صوته وهو يكح، قامت ومدت له مويه، عدل جلسته وشرب ناظر فيها وهو يعطيه العلبه: كم الساعه
مسكت جوالها تشوف: الساعه 4:25 العصر
باسل وهو يقوم: فاتتني الصلاة
ضيّ: عادي صل واذا احتجت شي اضغط على الزر ذا
اشرت له وكانت با تطلع بس سمعت الباب يدق ودخلت احد الممرضات: معليش دكتوره ضيّ بس في مديض ذحين بايجوبوه لك هنا وهذا ملفه
اخذت الملف: طيب
طلعت الممرضه وقام باسل، كانت باتساعده ولاكن شافته يقدر يمشي لحاله فتركته، دخلو المريض والي كان في نفس الغرفه ولاكن الفاصل بينه وبين باسل ستاره، دخلت من فتحت الستاره وهي تقراء ملفه، ناضرت فيه تسأله: كيف دخلت الزجاج لرجلك
المريض: مدري طحت وكان في زجاج وما انتبهت له ودخل رجلي ولحظي انكسر نص الي دخل جوا
ضيّ: بسيطه إن شاءلله
ناظر في الي جنبه: كله بسبب ذا
رفعت حاجبها: كيف يعني
المريض: لا ماعليك دكتوره بس معصب منه لانو كنا نركض عشان كذا طحت
الي جنبه: اي بسببي لا بسبب سلطان
بدت تضمد رجله بعد ما خدرت رجله و طلعت الزجاج الي كانت في ساقه من وراء، لفت على الي جاء معه: لازم ما يمشي عليها مره ولا يضغط عليها لانه بايكون صعب عليه المشي فيها اتمنى فهمت
الي جنبه: اي فهمت مشكوره دكتوره
المريض: اقول وش اسوي ذحين لو شافت رجلي امي ذحين والله لا تعصب عليك انت كمان عشان كذا بروح معك البيت
الي جنبه: ليش إن شاءلله ابتلش فيك انا بعدين عادي قول لها ان مافيك شي
المريض: مالك عليك من خويي
ضيّ: عن اذنكم
دخلت من الستار وهم الستغربو الرجال الي يصلي،
لف عليه: هاذا مو باسل؟
المريض: الا والله باسل من جابه وسلطان قال بانمر له مع بعض
يحيى: مدري تعال نشوف
دخل يحيى وهو يشوفه يسلم وضيّ الي جلست على الكنبه على جوالها: باسل
رفعت راسها وستغربت معرفته لباسل: لو سمحت وش دخلك هنا مو المفروض مع المريض الي معك
عايض الي دخل وراه وجلس على سرير باسل: اي دكتوره ولاكن ذا خوينا وكنا رايحين له نوديه المستشفى بس وش اسوي عاد طحت
تنحنح باسل ولف عليها: خلاص فيك تطلعي ذول اخوياي
ضيّ: تمام اكلك باتجيبه الممرضه
باسل: تمام
طلعت ولف على العيال: وش فيها رجلك انت؟
عايض بلوم: بسبب ذا الدلخ مسوي فيها سباق مين با يسوق وركضت وطحت وما انتبهت ان فيه زجاج ودخلت في ساقي في وراء
يحيى: كنت تكلم سلطان بعد عشان كذا ما انتبهت
عايض: وش دخل سلطان هو الي قال سباق
يحيى: لا بس هو الي شعلك وما انتبهت للزجاج
باسل: خلاص اسكتو ازعجتوني
دخلت الممرضه وهي تدفع عربيه فيها الاكل، طلعت وشوي ودخل سلطان: سلام عليكم
العيال: وعليكم السلام
جلس سلطان: هاه كيفك ذحين
باسل: الحمدلله بخير
عايض: عاد اطمن علي كمان لان حتى انا مصاب
عقد حواجبه سلطان: وش فيك؟
عايض: شوف رجلي
شاف رجله الملفوفه بشاش: وش جاك وش فيها
عايض: طحت على زجاج
سلطان: سلامتك
عايض: الله يسلمك
يحيى: من جاب باسل هنا اذا انت لسى ذحين توصل
سلطان: اي صح من جابك
باسل: فضوليين ولاكن جابتني بنت عبدالرحمن
سلطان: كيف وش عرفها
باسل: وقت جبتوني هي كانت في المطبخ وشافتني وهي الي ضمدتها عشان اختي كانت نايمه
سلطان: اهاا اهم شي انك بخير مافي شي يوجعك
باسل: لا بخير الحمدلله
عايض: اكيد مثل ما قالت لي مالازم تمشي عليها
باسل: اي اسبوع إن شاءلله واصير احسن
يحيى: مانبي نطول عليك ارتاح واذا تبي البيت لما يكتبو لك خروج دق علي اجيك
باسل: ابشر
طلعو وهو انسدح وغمض عيونه ينام لانه مل من الجلسه لحاله، سمع جواله يدق ورد: هلا يمه
ام فهد: هلا فيك يمه كيفك
باسل: بخير الحمدلله انتي كيفك يمه اخبارك
ام فهد: بخير دامك بخير وينك ما شفتك
باسل: برى إن شاءلله شوي واجي
ام فهد: تمام يمه اذا جيت تعال غرفتي ابيك في موضوع مهم
باسل: ابشري يمه
ام فهد: يلا استودعتك الله
باسل: امين يلا باي
سكر وغمض عيونه وشوي ونام،،،، عند ضيّ جالسه في مكتبها تكلم فيّ: طيب متى باترجعي
ضيّ: والله مشغوله شوي يعني بتأخر
فيّ: اي حبيبتي ومتى باتجهزي للملكه الي بكره
ضيّ: بشوف اذا فضيت يلا باي عندي شغل انتي ماعندك شي.. الا وينك ذحين
فيّ: اي مردك تسالي انا في المول انا والبنات نجهز
ضيّ: تمام ماعطلك
فيّ: يلا يا قلبي باي
ضيّ: مع السلامه حبيبتي
سكرت وجلست تراجع الملف الي في إيدها،
وصلو البيت ونزل وفي ايده عكاز، نزلت وهي الي كانت تسوق ودخلو، حست بالاخراج انها تدخل معه وهم لسى ماصار شي بينهم رسمي، الحمدلله قالت ذي الكلمه فوق عشر مرات لان مافي احد قدامهم دخل وجلس في الصاله:وديني غرفة اجلس فيها الحين عشان امي ماتشوفني
ضيّ: مقدر وين اوديك يعني
باسل: جازت لي غرفتك بجلس فيها حتى اتحسن
ضيّ: طيب بس مو الحيـ...
قاطع كلامها صوت خطوات تقرب خافت يكون احد من اخوانه او وحده من البنات وباتفهمها غلط بوقفته معه فاراحت ركض غرفتها، طلعت شهد وشهقت وهي تشوف باسل: بسم الله عليك وش فيك
باسل: مافيني شي وش فيك
شهد وهي تقرب منه:وش ذا العطاز والدم الي في ثوبك
باسل: اسكتي بس اصابه خفيفه وهذا انا بخير الحمدلله
شهد: اصبر بنادي فيّ تجي تشوف رجلك
كان بايوقفها ولاكن ركضت داخل حيث يجلسن فيه: فيّ بنت تعالي شوفي باسل
فيّ باستغراب: وش فيه
شهد: مدري مصاب مافهمت شي بس مايقدر يمشي على رجله وفي ثوبه دم
شهقت فيّ الا الكل شهق من الصدمه والكل قام يشوف وش فيه حتى خديجه الي تتغطى عنه لبست عبايتها وقامت، طلعت ام فهد تركض لباسل وهي تبكي: يمه يا ولدي وش صار عليك
باسل يحاول يهديها ولاكن لافايده: يمه الله يهديك مافيني شي انا بخير بس تصاوبت وهذول الدكاتره وقت شافو اني بخير وبسيطه طلعوني
فيّ الي بدت تتفحص رجله بعد ما شالت الثوب: مين خيط الجرح الدكتور أحمد؟
باسل: لا مو هو ماكان موجود خيطه الدكتور هادي
خديجه من بعيد: سلامتك يا باسل
ام خديجه: الحمدلله على سلامتك ياولدي
باسل: الله يسلمك يا خديجه والله يسلمك يا خاله
التفت لامه: يمه خلاص يكفي بكى، وين راحت ذي
فيّ: مين تقصد انت؟
باسل: ضيّ بنت عبدالرحمن قلت لها دخليني اي غرفه اهلي لا يشوفوني لين اتحسن ومدري وين اختفت
ام فهد باستغراب: وهي وش عرفها بحالتك
باسل: والله كله بسببي تعبتها معي العيال قالو لي اروح المستشفى ورفضت ويوم جابوني كانت صاحيه وضمدت الجرح واليوم الصباح ودتني المستشفى
ام فهد: الله يعطيها العافيه بروح اشوفها ونت اجلس مكان
لفت لفيّ: جيبي لاخوك اكل
راحت لغرة ضيّ وفيّ راحت المطبخ، جلست سهى جنبه: سلامتك يا حبيبي
باسل: الله يسلمك
سكتت سهى وابتسمت وقت تذكرت: اي صح امي قالت لك
باسل باستغراب: عن وش؟
سهى: ان بكره باتكون الملكه حقك انت وضيّ
باسل: من قال لك
سهى: امس امي كلمت ضيّ عن الموضوع وانكم مخطوبين من سنتين ونص وللحين ماملكتو وقالت لها متى تبي الملكه
باسل بمقاطعه: اي وش ردت
سهى: قالت متى ماتبين يا خاله
باسل: وامي حددتها انها الخميس الي هو بكره
سهى: افكورس وهي ما اضن ان عندها مشكله يعني موافقه ولاكـ....
دخلت امها لتقاطعها: قومي روحي لبنت خالتك يا قليلة الادب امداك تقولي له
باسل: اي يمه تقول انك حددتي الملكه
ام فهد: لسى قلت اشوف رايك اول ولاكن ذحين خل تتحسن وبعدها تملكون
باسل: عادي يمه كلها كتب كتاب مو زواج عشان نأجل عشان كذا عادي بكره نملك
ام فهد: لسى توك خارج من المستشفى نأجلها للاسبوع الجاي
باسل: الي تشوفينه
ام فهد: يلا يمه قوم
باسل: وين يمه؟
ام فهد: البنت قالت عادي تجلس في غرفتها لين تتحسن وهذي هي جهزتها لك
وقف باسل ومشى متجه لغرفتها، دخل ونسدح وجت فيّ بالاكل، اكل وجلس على جواله يتواصل مع العيال على الي صار امس ويشوف الملفات الي معه،
انتهى رايكم؟ 🤍
