في الصاله :
ميرال : اففف طول تركي
جود : يختي الاكل مو طاير ترا
عزوز : وراها ذي
جود : ميرال تنتظر تركي عشان يجيب عشانا
عزوز : ليه مراح تتعشون رز خالي فيصل؟
ميرال : لا تكفى رز عمي فيصل كله دهن و فوق هذا لحم
ودخل فيصل وسمع كلامها ورد بنبره حاده : يلعن بليسك انا صار طبخي دهن
ضحكو عليها
ميرال بلعت ريقها : عمي فيصل تراني امزح تعرفني احب المزح شفيك
فيصل يمثل العصبيه : خليني اسمعك مرا ثانيه تقولين عن طبخي دهن !
ميرال خافت : ااا بروح اشم هوا
وهربت وضحكو
جود بضحك : عمي وراك عصبت
ضحك فيصل : كنت استهبل و امثل العصبيه
اسيل : بس والله كفو ما سويت فيها عشان تاكل رز و تبطل المطاعم
عزوز : انتي اختها ولا عدوتها
اسيل شمقت له: مالك دخل امور خوات فاهم
عزوز تحمحم: احم احم اسف يا استاذه اسيل
ورجعت ميرال
ميرال : ما كان صار شي صح
ضحكو وردو : صح
ودخل تركي و ريفان وراحت ميرال ركض
ميرال : تركييييييييي
تركي : وجع شفيك تصارخين
ميرال : اص بس عطتني العشاء لاني جوعانه شوي و اكلهم
ريفان : يمه منس
ميرال : الا صح انتم وين كنتو ؟
ريفان توتر ونطق تركي : رحنا نخلص اوراق الجامعه وخذي العشاء ولا تكثرين اساله
ابتسمت ريفان انه ما قال شي ونطقت ميرال : الوضع مشكوك
تركي بعصبيه : انقلعي مسويه تحقيق فوق راسي
هربت ميرال ولف على ريفان وشافها مبتسمه
تركي : شفيك انتي بعد
ريفان : شكرا ما قلت لها شي لان تعرف ميرال ماشاءالله اذا عرفت شي تمسك الواحد طقطقه سنه قدام و شكرا انك طلعتني وغيرت جوي
ابتسم تركي : بس بدون شكرا
ريفان عقدت حواجبها: ليه ؟
تركي : مابينا شكو
ابتسمت ريفان وراحت عند البنات و تركي راح عند العيال
في الصاله:
ميرال: جووووجوووووو
جود : لبيهههههههههه
ميرال : ابي v60
جود : كليزق
ميرال : انا الغلطانه اطلبك
جود : احسن
ميرال : فوووووفوووووو
ريفان : ها
ميرال : ابي v60
ريفان : تستهبلين معي انتي ؟
ميرال : صدق مشتهيه v60
ريفان : مالي خلق اسويها
ميرال: اف بشوف العيال
وراحت ميرال
جود بضحك : منجدها ذي ما تعرف تسوي v60
ريفان بضحك : اي ما تعرف
عند العيال :
فهد : تركي بالله خل نفوز على ذولا
تركي : ازهلني
رائد : نشوف مين يفوز على الثاني
عزوز : من الحين اقولكم الفريق الي يفوز يحكم الفريق الخسران
ردو: تم
ودخلت عليهم ميرال
ميرال : ياعيالللللل
ردو : ها
ميرال : مين يعرف يسوي v60
كلهم ردو : انا
عزوز : اذا تبين v60 مضبوطه صح شوفي ريفان تعرف تسويها
رائد : اي طعمها براس
ميرال : ابي احد يسوي لي v60
ضحك عزوز : ماتعرفين تسوين ؟
ميرال : الصراحه لا
فهد : انا بسوي لك و بسوي لنا مره وحده ياعيال مين يبي
ردو : مو انا
وراح فهد وميرال
عزوز : رائد كلم ريفان تسوي لنا
رائد : تستهبل تو يسالك فهد مين يبي و تقول لا
عزوز : مشتهي حق ريفان
رائد : اذا جا فهد كلمتها
في المطبخ :
فهد : منجدك ما تعرفين
ميرال ميلت شفايفها : لوء
فهد بينه وبين نفسه : ياويلي على شفايف
ميرال : وش نوع البن ؟
فهد : الي تبين
ميرال : اثيوبي عادي ؟
فهد : اي عادي جيبي
ميرال : طيب خذ
اخذها فهد ولف عليها ونطق : امسكي اطحني البن بطاحونه ونا ببلل الفلتر وجيب الثلج
ميرال : تم
وبدت تحطن البن و فهد حط الثلج و اخذ منها البن وحطه بالفلتر وبدا يصب الصبه الاولى ولف عليها
فهد : تبين تصبين الصبه الثانيه ؟
ميرال بحماسه : ايييي
فهد : تم
وقربت شوي ميرال و سحبها فهد تصير قدمه وهو وراها ومسكت الابريق وهو حاط يده فوق يدها وكانت ميرال متوتره و مستحيه عشانه قريب منها وبدت تصب وخلصت ولفت عليه وهو مبتسم وبعد عنها
ميرال : اا فهد
فهد : هلا
ميرال : كمل الصب ونا بجيب الاكواب
فهد : تمام
وراحت تجيب الاكواب وخلص الصبه الثالثه عطته الاكواب وبدا يصب القهوه وهي تصور وخلصت تصوير وعطها كوبها
ميرال : شكرا فهد
فهد : العفو
ميرال راحت للبنات و فهد راح عند العيال
![[JK] Not me | لـسـتُ أنـا by Re0n0a](https://img.wattpad.com/cover/354101388-80-k817308.jpg)
عند البنات :
ميرال جت وهي معها القهوه
جود : من سوا لك
ميرال ابتسمت : فهد
ريفان غمزت: ليه ابتسمتي
ميرال تحاول تصرف : ها تحلمين
جود : اعترفي وش صار
ميرال : ما صار شي
ريفان : متاكده معني شاكه
ميرال : قلت ما صار شي يعني لو صار شي بسكت ؟
جود : والله ما ندري عنك
اسيل : وش تتهامسون انتي وياها
ريفان : لا بس اسال ميرال وش نوع البن الي حطته
ميرال : اي سالتني وقلت لها اثيوبي
اثير وهي تشرب الشاهي : والله ماندري اخاف وراكم مصيبه
جود : ياختي العزيزه مافي اي مصيبه
ودخل عبدالرحمن وقال بصوت جمهوري : السلام عليكم
وردو : وعليكم السلام
وراحت ريفان تحضنه : اشتقت لك دحومي
ابتسم عبدالرحمن : انا اكثر وش مسويه حبيبه قلب اخوها اليوم
ابتسمت ريفان : تعال اجلس بسوي لك v60 شرايك
عبدالرحمن : يعيوني ودي بس والله تعبان خليها مره ثانيه
ريفان ميلت شفايفها: تمام
ودخل تركي جاي يبي ياخذ الشاهي الا و يشوف ريفان وهي ميلت شفايفها وعظ على شفته وشافته ميرال وراحت عندك
ميرال : وين سرحان
تركي : لحول انتي شتبين
ميرال : انت الي وش تبي
تركي : جيبي الشاهي بسرعه و فصفص بالمطبخ
ميرال : طيب
وراحت وراح عبدالرحمن غرفته وجابت ميرال الفصفص و الشاهي وعطته تركي وراح
اثير: بنات
ردو : هلا
اثير: لا تنسون بكرا جدي عنده عزيمه بالمزرعه وحنا لازم نقوم بدري نسوي القهوه والحلا عشان العيال ياخذونها المزرعه
اسيل : والله اثير اسفه انا العصر عندي قضيه ولازم اروح
اثير : تمام يروحي
ميرال تخصرت : عشتو هي تمام وحنا بننكرف
اسيل ناظرتها بطرف عين : عندي قضيه مو زيكم بس لا شغل ولا مشغله
جود : خلاص اسكتو لا تصير هوشه
ريفان : انا بروح شوي وجي
في غرفه عبد الرحمن :
طقت ريفان الباب
عبدالرحمن: ادخل
دخلت ريفان وحضنته
عبدالرحمن: صاير لك شي صح
ريفان : اجلس ابي اقولك شي
وجلس وجلست جنبه وحطت راسها على حضن عبدالرحمن وبدا يمسح عبدالرحمن على شعرها
عبدالرحمن: قولي لي شفيك
ريفان : دحوم تخيل اليوم اعترف لي تركي انه يحبني ويبيني اعطيه فرصه نجرب الحب
عبدالرحمن: اي وش رديتي عليه ؟
ريفان : الصراحه قلته له احبك مثل اخوي
عبدالرحمن: شوفي يعيوني اذا انتي تحبينه عطيه فرصه اذا ماتحبينه قولي له
ريفان : دحوم والله مدري وش اسوي و ما قلت ل احد غيرك
عبدالرحمن: اسمعي قلبك وش يقولك
ريفان جلست وباست راس عبدالرحمن
ريفان : احبك يا افضل اخ بدنيا
ابتسم عبدالرحمن: اموت عليك
ريفان : يلا بروح وانت ارتاح
عبدالرحمن : انتبهي لك واذا تبين اي شي انا موجود
ريفان : الله يخليك لي
عبدالرحمن: امين ويخليك لي
وطلعت ريفان وعبدالرحمن جلس يشوف مواعيده بكرا
عند البنات :
ميرال :بنات اشتقت ل جلستنا مع العيال
جود : شرايكم نقول لهم
اثير : انا معكم
ريفان : اخيرااا اثير معنا
ابتسمت اثير ونطقت اسيل : ونا معكم
ميرال : مين يروح يقولهم
جود : انا
وراحت جود
ريفان : تتوقعون يوافقون ؟
ميرال: غصب عنهم
اسيل : وين نجلس طيب ؟
ميرال : السطح من زمان عنه
ريفان : برسل ل دحوم عشان يجي
ميرال : اي فكره حلوه
وريفان ارسلت له ورد عليها
ريفان : بيجي دحوم معنا
وقامو البنات يجهزون الجلسه
